Timoteo 1 1:8 - Katɔti Ɔku Kedee

⁸ Bula ƒui bɔgyi ka Mose ɔda bubo bɔdia, nsu ɔlɛka bɔdi ɔda bubo bɔmmɔ lɛlɔ aani kalɛ na bɔɔtina.

Timoteo 1 1:8 ပူးပေါင်းရင်းမြစ်များ

Nehemia 9:13

“Na awɔ náyu ébelie Sinai Kɔbi lili, na étemi éte-ma. Na éte-ma ɔda bubo lidu lidu bɔni ndia na buse siin.

Romaƒuɔ 12:2

Bɛsɔ bitabla unwi ku kayawi kamɛni lɛlɔ ala bɔbla. Mmomu bɛya na Katɔti ɔvumana-mii kasusu ƒui na binwini bekyuli bawɔdi. Ɔmmɔ ndubɔya na bɛnu lɛla lɛni na Katɔti ɔɔyɔ́ bɛti, na bɛbla lɛla lɛni ndia na lɛɛyɔ́-nwu kaƒɔ na lise sɛɛn lɛ́wɔlɔ.

Romaƒuɔ 7:16

Na si ala ani na naaayɔ ka lɛbla na mɔɔbla ni, na ɔɔtina ka lɛ́tuna ka ɔda bubo bɔmmɔ bɔdia.

Romaƒuɔ 7:18

Na ngyi ka na mina lɛlɔ kemmo ni, lɛla lɛbuni lɛdi biala liiibo. Na mɔɔsu ɔmɛni taasiku mina ɔlɔna udu ɔkukudi ɔmmɔ lɛlɔ. Ɔsika mɔɔyɔ́ geen ka nka lɛbla lɛbuni, nsu naaakana-ni bɔbla.

Romaƒuɔ 7:22

Nka na mina kayi kemmo geen ni, Katɔti ɔda bubo bɔɔda-mi ebiti geen.

Galatiƒuɔ 3:21

Bɔtina na ɔmɛni ɔda ka ɔda bubo bɔmmɔ bɔ́ta bunye Katɔti linyese lɛmmɔ lɛlɔ? Oowo, kudii! Ɔsika si béti ɔda bubo bɔmmɔ béte ukyuli kalɛ na ɔkɛ ngba ni, na agyi anii ukyuli ɔdubɔbla siin ku Katɔti si ɔ́di ɔda bubo bɔmmɔ lɛlɔ.

Timoteo 2 2:5

Lɛni kani na asa na usi ukeline ɔni lɛnɔ nnye lɛlɔ kakukɔ wadi lɛlɔ ni, ɔlɛka ɔbla ɔsiaku nwuna ɔda bubo lɛlɔ kaduɛ.