Timoteo 1 1:7 - Katɔti Ɔku Kedee

⁷ Baawia ka benwini Mose ɔda bubo ala batinane. Nsu ni, belenu ama alati etemila muedi kalɔ. Baasu ala kpakplaa taasiku ɔda bubo bɔmmɔ lɛlɔ, nsu ama alati belenu-nya kalɔ.

Timoteo 1 1:7 ပူးပေါင်းရင်းမြစ်များ

Mateo 15:14

Anwuɔsu bitakpete-ma. Bese aani banumbwɛne bani mɔɔtɔnku banumbwɛne bamba. Na si ɔnumbwɛne ɔtɔnku nwuna ɔkpana ɔnumbwɛne ni, bana inyɔ ƒui badubɔnu beduo ubu kemmo.”

Mateo 21:27

Anwuɔsu na bédie kenye banini, “Bɔɔɔgyi kesii kani na ɔ́kɛ kenyekɔ kammɔ ɔ́siku.” Mmɔ na Yesu lɛnɔ ɔ́su-ma ɔnini, “Lɛni kani na ami lɛnɔ lɛɛɛdubo-mii bɔsu kenyekɔ kani mbo asa na mɔɔbla ala amɛni udu.”

Luka 2:46

Na limeyi lɛtɛdi lɛlɔ ni, bátánu-nwu na Yudaƒuɔ kakpakɔ ka anwu ku Yudaƒuɔ ala batinane badi belie. Mmɔ na ɔkya uunú bana ala ani na baasu na uuye-ma etemila ekpo ekpo teenu.

Batalane Kabla 15:1

Uwi ɔni na Paulo ku Barnaba bakya Antiokia ni, bekyuli badi bási Yudea bébo na bátina baƒɔtaadine bani nkya mmɔ ala básu banini, “Amu ntu ukyuli biala ɔ́ƒɔ lego bukulo ɔdi ɔmmɔ aani kalɛ na Mose ɔda bubo bɔɔtina asa na wakɛ bɔƒɔ.”

Romaƒuɔ 1:22

Na baanu lɛlɔ aani bekyuli bani na báda anu, nsu bénwini badɔlɔdi.

Galatiƒuɔ 3:2

Bɛya na liye-mii ɔmɛni linu. Katɔti Kɔyu kɔni na úte-mii mmɔ ni, ɔkɛnku ɔda bubo bɔni lɛlɔ na bɛɛdi ɔsu munuu ɔkɛnku litemi lɛni na bínu na bɛ́ƒɔ bɛ́di ɔsu?

Galatiƒuɔ 3:5

Katɔti Kɔyu kɔni na úte-mii mmɔ ku akɔla lidu lidu ani na ɔ́bla na bina akɔ mmɔ ni, ɔkɛnku kalɛ na bɛɛdi ɔda bubo bɔmmɔ ɔsu na ɔ́bla-nya munuu ka bínu litemi buni lɛmmɔ na bɛ́ƒɔ-ni bɛdi ɔsu?

Galatiƒuɔ 4:21

Mɔɔyɔ́ ka liye amii bani mɔɔyɔ́ ka bɛsɔ bɛkya ɔda bubo bɔmmɔ kalɔ nnii lɛla lɛni na ɔda bubo bɔmmɔ bɔdanku ni, biinú-mu kalɔ geen?

Timoteo 2 3:7

Beleku bamɛni baatɛya ala uwi ƒui, nsu belenu etemila geen ammɔ kalɔ kudii.

Yakobo 3:1

Banwa, bina pii bitenwini litemi buni ala batinane. Bɛgyi ka abu bani mɔɔtina ala ni, Katɔti ɔdubɔtɛku-bu litemi utulo bakladi.

Petro 2 2:12

Nsu bekyuli bamɛni udu ni, baabla ala aani kalɛ na bebuo bani nnye nte ka beƒie-ma badu bese. Lɛlɔ kemmo kani na beenú ala kɔku taati. Bekyuli bamɛni baata teenye taatɛmi enyekpi na lɛla biala lɛni na bétenu kalɔ lɛlɔ. Na Katɔti ɔdubɔyila-ma udu aani kalɛ baadú beƒiebuo teevaakun.