Timoteo 1 1:20 - Katɔti Ɔku Kedee

²⁰ Na bana akɔ badi ndi Himeneo ku Aleksandro. Lɛ́ni-ma kɔtu na líti-ma líte ukisine ɔmmɔ kalɛ na bebo abi na nwuna enu kemmo. Ɔmɛni ndubɔya na batɛya lɛla na bada enyekpi bɔtɛmi taasiku Katɔti lɛlɔ baya.

Timoteo 1 1:20 ပူးပေါင်းရင်းမြစ်များ

Mateo 18:17

Na si mmɔ lɛnɔ útenu kalɔ ni, ya na baƒɔtaadine lɛkpa lɛmmɔ bati. Na si mmɔ lɛnɔ útenu lɛlɔ kalɔ ni, die-nwu atu aani ukyuli ɔni na útaƒɔ útadi iye likpidi ɔblane ɔni na útenwini kayi.

Batalane Kabla 13:45

Na uwi ɔni na Yudaƒuɔ benengu bánu bekyuli lisu lɛni nébo kasalakɔ mmɔ ni, anumi égyie-ma, na bákyaku Paulo unyeƒi na bédumi-nwu.

Batalane Kabla 19:33

Amu na bédi Aleksandro bétényene lɛtɔtɔ banii udie lɛla lɛni mɔɔlɛ́ mɛni kalɔ. Amu na Aleksandro ɔ́kɔliku enu katɔ na ɔ́bala-ma ɔnii baba lɛsɛ na ɔsu-ma lɛla lɛdi.

Korintoƒuɔ 1 11:32

Nsu Blɔti ɔɔtɛku abu litemi na ɔɔní-bu kɔtu kalɛ na Katɔti ulayila-bu udu ku bekyuli bani nátaƒɔ bátadi.

Korintoƒuɔ 2 10:6

Na si uwi ɔni na bídie bɛ́tina ka bɛdi Kristo etemila lɛlɔ ƒui ni, ɔmmɔ kama ukyuli biala ɔni mata menye litemi lɛmɛni lɛlɔ ni, bɔdubɔni-nwu kɔtu.

Korintoƒuɔ 2 13:10

Muunweni-mii ɔku ɔmɛni uwi ɔni na liiibo-mii kudɔ mɛni, kalɛ na si líbo ḿbeduo-mii kudɔ ni, na naaani-mii kɔtu kpakplaa na kenyekɔ kani na Blɔti úte-mi kenye. Úte-mi kenyekɔ kamɛni kalɛ na bina bɔƒɔtaadi bɔkɔ katɔ bubu, na ɔɔɔdi kani maya na bɔyu kalɔ.

Tesalonikaƒuɔ 2 3:15

Nsu bitekisi ukyuli ɔmmɔ. Mmomu bɛlɛ-nwu aani bina ɔnwani kalɛ.

Timoteo 1 5:15

Ɔsika bekpinele badi bénwini basiaku Satan kama.

Timoteo 2 2:14

Ya na beteenyimo ala amɛni na alɛ-ma kpakplaa na Katɔti anumi anii batataakya unyeƒi. Ɔsika kɔsia kɔdi kulálɛ ɔmmɔ kemmo. Mmomu ɔdubɔya na bekyuli bani muunú ala ammɔ bɔƒɔtaadi bɔyuɛ.

Timoteo 2 2:17

Ala ammɔ udu bɔtina ese aani lɛnyama lɛni mɔɔnyi. Na nkyuli inyɔ bani nátina ala ammɔ udu ndi Himeneo ku Ƒileto.

Timoteo 2 3:2

Bekyuli badubɔyɔ bana lɛlɔ lɛti bɔdia na bayɔ egulabi. Badubo lɛmɛnɛ butaakun na bataatalaku lɛlɔ katɔ. Ama ndi bekyuli bani muudumi bekyuli, ku bani naaabu bana bawɔne. Na belese kɔdɛ, ku bekyuli bani naaasiaku bɔƒɔtaadi bɔmmɔ kama.

Hebriƒuɔ 12:5

Munuu bɛ́ɛyiƒala Katɔti etemila ani na ɔ́su-mii úti ɔ́kya-mii ogya aani bebi kalɛ? Ɔ́su ɔnini, “Mina ubi, teti Katɔti kɔtu bɔni tabla lɛla keeke. Na enu ataƒɛ-ɔ si ɔɔdɔnku-ɔ.

Budie Taatina 13:1

Ɔmɛni kama lɛ́nu eƒiebuo ɔdi ka ɔ́lɛ ɔ́si ɛpu kemmo ɔ́kɔ ɔɔlɛ́. Ubo eli maatɛ na ese leevu alɛ-nwu eli ammɔ lɛlɔ. Na lise biala lɛlɔ ni, kagabwa kebi. Na nwuna lili biala lɛlɔ ni, lɛnyi lɛdi lɛsia lɛni muudumi Katɔti.

Budie Taatina 3:19

“Bekyuli bani na mɔɔyɔ́ ni, ama na mɔɔdɔnku na mɔɔní-ma kɔtu. Anwuɔsu bɛsia lɛlɔ anu kpakplaa na binwini kama bɛkya bina ekpidi.