Timoteo 1 1:19 - Katɔti Ɔku Kedee

¹⁹ Da ƒula bɔƒɔtaadi kaduɛ kalɛ na ƒula kayi kaládu-ɔ kɔtɔ. Ɔsika bekyuli bani na bétenu bana kayi bɔlɛ ni, bayii bana bɔƒɔtaadi ulu.

Timoteo 1 1:19 ပူးပေါင်းရင်းမြစ်များ

Mateo 6:27

Ukyuli ɔdi ulakana na wabla na wakuku webu ka uuti bɔkuku bɔmmɔ kasusu pii ɔsu.

Korintoƒuɔ 1 11:19

Unyeƒi ɔdi uuubo ka ɔdi ka kavumana kadi kakya-mii akɔ uti ɔtina bani ndi baƒɔtaadine geen kalɛ na bekyuli banu-ma bati.

Galatiƒuɔ 5:4

Na amii bani mɔɔkali bɛnii amii ku Katɔti ntɛ bɔdubɔdia ɔkɛnku ɔda bubo bɔmmɔ lɛlɔ bɔdi ɔsu ni, bɛgyi bɛnii bɛ́da lɛlɔ bɛ́mami Kristo lɛlɔ. Na bɛsɔ bilákɛ Katɔti lɛƒɔndia.

Timoteo 1 1:5

Na lɛla lɛni ɔsu na líti kabla kamɛni lɛ́kya-a enu kemmo ndi ka bɔyɔ bula baƒɔtaadine bakpana ku kaƒɔ ƒaa ku kayi kani naaadu-bu kɔtɔ na likpidi lɛdi bɔbla kemmo. Na bula Kristo bɔƒɔtaadi lɛnɔ bɔbla ɔbuni ɔmmɔ geen.

Timoteo 1 3:9

Na ɔlɛka bada bɔƒɔtaadi litemi buni lɛni na bédie keyi mɛni kpakplaa ku kayi kani naaadu-ma kɔtɔ.

Timoteo 1 6:12

Nye bɔƒɔtaadi kabla lɛlɔ kpakplaa na adi lɛlɔ na akɛ ngba bɔni nsɔ naaadubo bɔyii kudii. Ngba bɔmɛni ɔsu na Katɔti ɔ́ƒuna-a uwi ɔni na édie ƒula lɛlɔ kalɔ na baƒɔtaadine bakladi anumi.

Timoteo 1 6:21

Ɔsika badi baasu banii bagyi ala amɛni. Nsu ɔkɛnku ɔmɛni ɔsu na báyila bɔƒɔtaadi ulu ɔmmɔ. Muuvele Katɔti nnii ɔda-mii kaduɛ na nwuna lɛƒɔndia kemmo.

Timoteo 1 6:9

Nsu bekyuli bani na anumi eegyie-ma na lɛkɛ lɛlɔ ni, baanú kakpagyuɛ kani na Satan ɔ́kywɛ-ma. Na beeduo adɔlɔla bɔbla kemmo, na ɔlɔna alaekpidi ala bɔbla aada-ma ɔkwɛ na eebile bana ngba keliela na beekpi taayii ku udu.

Timoteo 2 2:18

Bénwini kama bákya litemi geen lɛmmɔ na bakya beeƒú baƒɔtaadine badi kasusu banii bula ngba bɔsɔ bɔta bubelieku Katɔti búubo búbavi.

Timoteo 2 4:4

Badubo kama bunwini bɔkya litemi buni lɛmɛni na basiaku etemila anwidi kama.

Tito 1:9

Ɔdi ka uƒie litemi geen lɛmmɔ ɔda kpakplaa aani kalɛ na bɔƒɔtaadi ulu ɔmmɔ ɔɔtina. Na ulu ɔmɛni lɛlɔ kani na ɔdubɔkana bɔsia na ɔkya bekyuli bamba lɛnɔ ogya na udie bani mɔɔta teenye litemi lɛmɛni lɛlɔ bɔƒiɔ ɔtina-ma.

Hebriƒuɔ 3:14

Bubo kadikɔ ɔkɛnku Kristo lɛlɔ si búƒie-nwu bɔ́da kpakplaa na búti bula lɛlɔ ƒui bɔ́sia-nwu lɛlɔ útédu kawɔlɔkɔ.

Yohane 1 2:19

Na bekyuli bamɛni bálɛ bula lɛkpa lɛmɛni kemmo, ɔsika baaadi bula badi. Na si bula bekyuli na badi ni, nka bamu bakya-bu akɔ. Nsu bana bɔtɔlɔ bɔmmɔ bɔ́tina geen ka bana akɔ ɔdi biala ɔɔɔdi bula badi.

Budie Taatina 3:10

Na ka bɛ́di mina ɔda ɔni na líbo-mii lɛlɔ, na bínye kpakplaa na bɛ́siaku ala ani ƒui muukpóku-mii ɔsu ni, ndubɔda-mii lidie lɛbibo lɛni mebo kayawi ƒui lɛlɔ libakɔku bekyuli bani nlie kalɔ lɛlɔ lɛnu kemmo.

Budie Taatina 3:3

Ɔmɛni ɔsu ni, binyimo lɛla lɛni na bátina-mii na bínu lɛnɔ, na bɛda-ni kaduɛ na bina ekpidi eduo-mii na binwini kama bɛkya-nya. Nsu si bítagyinya ni, ndubo-mii kudɔ aani uyune kalɛ na biláti uwi ɔni kemmo na meti mada malɛ-mii lɛlɔ.

Budie Taatina 3:8

Ngyi kalɛ na bɛɛbla bina kabla na ngyi ka bibo ɔyikun blii ɔdi. Bɛ́siaku mina ala bɔtina kama na bɛ́di mina etemila lɛnɔ lɛlɔ ulu lɛlɔ. Lɛ́lɛmi kayakun kadi líte-mii na bina anumi na ukyuli biala ulakana-ka bɔkalɛ.