Timoteo 1 1:12 - Katɔti Ɔku Kedee

¹² Naaakana Blɔti Yesu Kristo enu bɔgya na ɔyikun ɔni na úte-mi ɔnii ntaabla kabla kamɛni ɔsu. Na sɔsɔ ni, úti-ka ɔ́kya-mi enu kemmo. Ɔsika ɔ́nu-mi ɔ́ti ka naaalɛ-nwu kama.

Timoteo 1 1:12 ပူးပေါင်းရင်းမြစ်များ

Mateo 20:4

Anwuɔsu ɔ́su-ma ɔnini, ‘Amii lɛnɔ biteesie mina kemo bitátuma na ndubɔƒɔ-mii kayu kani námanku bina kabla kammɔ.’

Yohane 5:23

kalɛ na ukyuli biala utaabu Ubidi aani kalɛ kani na baabu Ɔti. Nsu si bíni na bilábu ami Katɔti Ubidi ɔni na ɔ́tala ɔ́kya-mii ni, bilábu Ɔti lɛnɔ.

Batalane Kabla 16:15

Amu ka anwu ku nwuna kaduli bekyuli ƒui báƒɔ ntu bɔkpila ɔdi ni, úvele-bu ɔnini, “Si bɛ́tuna bɛnii ndi ɔƒɔtaadine geen nte Blɔti ni, na bibeduo-mi kudɔ.” Na ɔ́ni litemi lɛmɛni úneneku-bu útédu ka búsie bútéduo-nwu kudɔ.

Batalane Kabla 9:15

Nsu Blɔti ɔ́su-nwu ɔnini, “Teesie, na atábla kalɛ na lɛ́su-ɔ. Ɔsika ami lɛ́ɛƒuna Saulo aani mina ukyuli ɔni meti mina litemi buni lɛmɛni mesienku ama bani naaadi Israelƒuɔ ku baga anumi ku Israelƒuɔ ƒui kudɔ.

Batalane Kabla 9:22

Amu na Saulo úsie anumi geen na nwuna litemi bɔsu kemmo. Na Yudaƒuɔ bani nkya Damasko mmɔ ɔdi biala útakana lɛla lɛdi bɔsu. Na údie kalɔ ɔ́tina-ma ka Yesu ndi Kristo.

Korintoƒuɔ 1 15:10

Nsu ɔkɛnku Katɔti lɛƒɔndia ɔsu ni, ndi ukyuli ɔni ndi ɔƒɛni. Na nwuna kaƒɔbuni ala ani na úte-mi ni, ánwu ebi. Na lɛ́bla kabla kpakplaa lítulo batalane bakladi ɔni na bekyuli baaasia anu ina ka ɔɔɔdi ami ɔlati ɔyikun kemmo na ɔdi. Mmomu Katɔti ɔyikun nkɛ-mi lɛlɔ na lɛ́bla ɔmɛni.

Korintoƒuɔ 1 3:5

Na amɛni ƒui kama ni, ɔma ndi Apolo? Na ɔma ndi Paulo? Katɔti kabla bablane kani na bɔdi. Na bula lɛlɔ na bɛ́sia bɛ́ƒɔ bɛ́di. Na bula akɔ ɔdi biala ɔdanku kabla kani na Katɔti úte-nwu ɔnii ɔbla.

Korintoƒuɔ 1 7:25

Ɔƒɛni na lɛla lɛni na bíye na bakinsi lɛlɔ ni, ńtaƒɔ ɔda bubo bɔdi ńtasiku Blɔti kudɔ. Nsu ka Blɔti ɔ́nu-mi kɔnyana na ndi ukyuli ɔni na lɛ́manku ɔsu ni, mina kasusu ndi kamɛni.

Korintoƒuɔ 2 4:1

Katɔti ɔ́nu-bu kɔnyana na úti kabla kamɛni ɔ́kya-bu enu kemmo. Ɔmmɔ ɔsu na enu aláƒɛ-bu.

Galatiƒuɔ 3:26

Ɔkɛnku Kristo bɔƒɔtaadi kemmo ɔsu na bina ƒui bɛdi Katɔti bebi.

Galatiƒuɔ 3:28

Anwuɔsu kavumana kadi kasɔ keeebo Yudani iye Helani iye ukyuli ɔni mɔɔbla ukyuli ɔdi kabla iye ɔni nli nte lɛlɔ iye ɔnana iye uleku ɔdi ntɛ. Ɔsika bina ƒui bɛ́bla ku Kristo Yesu unwi.

Ƒilipiƒuɔ 2:11

Na ukyuli biala ɔdubudie kenye ɔnii Yesu Kristo ndi Blɔti. Na beti bumwi bete Unwoti Katɔti.

Ƒilipiƒuɔ 4:13

Mɔɔkana na mɔɔbla lɛla biala ɔkɛnku Kristo ɔyikun ɔni na úte-mi ɔsu.

Koloseƒuɔ 1:25

Baƒɔtaadine lɛkpa lɛmmɔ ɔsu na ḿbenwini Katɔti kabla ɔblane na kabla kani na úte-mi kenye, kalɛ na lɛkɔ litemi buni lɛmmɔ ƒui lɛsa lite-mii nwaa.

Timoteo 1 1:1

Ami Paulo ɔni ndi Yesu Kristo ɔtalane ɔkɛ bula Ɔƒɔne Katɔti ku Kristo Yesu ɔni lɛlɔ na bɔsia anu na muunweni ɔmɛni.

Timoteo 1 1:11

Na Katɔti litemi buni lɛni bɔsu na úti ɔ́kya-mi enu kemmo ni, nina kemmo kani na bɔdubɔkɛ ala bɔtina bɔbuni bɔmmɔ bɔni nási Katɔti ɔmmɔ ɔlati bukeye kemmo. Na anwu na bɔɔgyá enu.

Timoteo 1 1:2

Na líti muute awɔ Timoteo. Agyi ka ubi na adi-mi na bɔƒɔtaadi kemmo. Na muuvele Unwoti Katɔti ku Blɔti Yesu nnii bana lɛƒɔndia lɛsiaku-ɔ na banu-ɔ kɔnyana na bete-ɔ keyi buɛɛ.

Timoteo 1 6:13

Na Katɔti ɔni nédie lɛla biala ku Yesu Kristo ɔnii nése kayi na údie nwuna bɔƒɔtaadi keyi na Pontio Pilato anumi muudie-mi kenye ka muute-ɔ ɔda bubo bɔmɛni.

Timoteo 2 2:2

Na ala ani na énu ka lɛ́tina bekyuli pii anumi ni, anya kani na ɔlɛka eti akya bekyuli bani náƒɔ bádi enu kemmo na beti-nya batina bekyuli bamba lɛnɔ.

Timoteo 2 4:17

Nsu ni, Blɔti únyeku-mi na ɔ́kya-mi ɔyikun na lɛ́kana lɛ́su Blɔti litemi lɛmmɔ kaduɛ lite bani naaadi Yudaƒuɔ na mmɔ. Na Blɔti údie-mi kukpi kemmo.

Tito 1:4

Ɔyɔne Tito, muunweni-ɔ ɔku ɔmɛni ka adi-mi ubi geen na bɔƒɔtaadi bɔni kemmo bɔkya ɔsu. Na muuvele Katɔti ku Yesu Kristo ɔni ndi bula Ɔƒɔne nnii ɔda-a na nwuna lɛƒɔndia kemmo na ute-ɔ keyi buɛɛ.