Timoteo 1 1:11 - Katɔti Ɔku Kedee

¹¹ Na Katɔti litemi buni lɛni bɔsu na úti ɔ́kya-mi enu kemmo ni, nina kemmo kani na bɔdubɔkɛ ala bɔtina bɔbuni bɔmmɔ bɔni nási Katɔti ɔmmɔ ɔlati bukeye kemmo. Na anwu na bɔɔgyá enu.

Timoteo 1 1:11 ပူးပေါင်းရင်းမြစ်များ

Kɔgya 138:2

Ndububoku lɛlɔ kalɔ na liti mina anumi lɛtina ƒula kakpakɔ kedee na limwi-ɔ lɛnyi, ɔsika aayɔ́-bu uwi ndi uwi na asia ƒula litemi kama. Na édie átina ka ƒula lɛnyi ku ƒula ɔda bubo bɔ́kɔ katɔ ƒui butulo lɛla ndi lɛla.

Luka 2:14

“Ɔbu ku bumwi ute Katɔti na katɔ kakaaka ƒui, na keyi buɛɛ kasiaku bayawine ƒui bani na Katɔti ɔɔyɔ́!”

Romaƒuɔ 2:16

Na litemi buni lɛni lɛsa na mɔɔkɔ́ ni, lɛɛtina ka Katɔti ɔdubɔya na Yesu Kristo ɔtɛku bekyuli litemi ɔ́siku ala ani nábɛ akya-ma kasusu kemmo ƒui lɛlɔ.

Korintoƒuɔ 1 9:17

Si banii ami ɔlati náƒuna kabla kamɛni na mina bɔyɔ kenye ni, nka ndubɔsia anu ka baƒɔ-mi kayu. Nsu ɔdi kabla kani na Blɔti nnye-mi lɛlɔ ɔnii mbla. Ɔsika Katɔti néti-mi únyene-ka kenye.

Korintoƒuɔ 2 4:4

Na bekyuli bammɔ ni, ukisine ɔmmɔ ɔ́bwɛ ama bani naaaƒɔ taadi anumi. Na uutile-ma kuƒi kalɛ na balanu bukeye bɔmmɔ. Na bukeye bɔmɛni bɔɔsí litemi buni lɛni nkɛnku Kristo bukeye bɔni ndi Katɔti ɔmmɔ ɔlati udu geen kemmo.

Korintoƒuɔ 2 4:6

Katɔti násu na kalɔ kesekɔ ɔnii, “Bukeye bɔƒɔ kasuudikɔ.” Na anwu kani náya na bukeye bɔmmɔ búkeye na bula kɔyi kemmo. Na bukeye bɔmmɔ náya na bɔ́nu Katɔti bukeye bɔni muukeye na Kristo anumi bɔ́ti.

Galatiƒuɔ 2:7

Mmomu bánu báti ka Katɔti néti kabla kamɛni ɔ́kya-mi enu kemmo ka lɛkɔ litemi buni lɛmmɔ lɛsa lite bani naaadi Yudaƒuɔ, aani kalɛ na úti ɔ́kya Petro enu kemmo na ɔkɔ litemi buni lɛmmɔ lɛsa ute Yudaƒuɔ.

Eƒesoƒuɔ 1:12

Ɔmɛni ɔsu ni, bɛya na abu bani ndi bekyuli bedeedi bani nákɛ lɛnunsia na Kristo kemmo mɛni ni, bumwi Katɔti ka ɔdia geen ɔsu.

Eƒesoƒuɔ 1:6

Anwuɔsu bɛya na bumwi Katɔti na nwuna lɛƒɔndia libendi lɛni na ɔ́bla úte-bu ɔkɛnku Ubidi ɔni na ɔɔyɔ́ geen lɛlɔ ɔsu.

Eƒesoƒuɔ 2:7

Katɔti ɔ́bla ɔmɛni úti ɔ́tina bekyuli na uwi ɔni ndububo ƒui kemmo kalɛ na banu nwuna lɛƒɔndia lɛni na ubo ute-bu ka liiibo bɔkɔku bɔdi ɔkɛnku bɔyɔ bɔni na ɔɔyɔ́-bu na Yesu Kristo ɔsu.

Eƒesoƒuɔ 3:10

Na ɔkɛ nwuna baƒɔtaadine lɛlɔ ni, bayikune ku kenyekɔ biala kani mbo ɔyikun na kayaa batɛya Katɔti lɛnunda bonwu lɛni mɔɔbla kabla na lilu pii lɛlɔ na nwuna baƒɔtaadine akɔ.

Koloseƒuɔ 1:25

Baƒɔtaadine lɛkpa lɛmmɔ ɔsu na ḿbenwini Katɔti kabla ɔblane na kabla kani na úte-mi kenye, kalɛ na lɛkɔ litemi buni lɛmmɔ ƒui lɛsa lite-mii nwaa.

Tesalonikaƒuɔ 1 2:4

Mmomu litemi geen lɛmmɔ na bɔ́su-mii. Na bɔɔtɛmiku-mii uwi biala aani kalɛ na Katɔti ɔɔwia ka bɔbla. Ɔsika anwu ɔlati nákɔku-bu ɔ́nu ka bɔmanku ka bɔsu nwuna litemi buni. Na ɔɔɔdi aani kalɛ na bekyuli lɛƒɔyɔ lɛɛtina, mmomu aani kalɛ na Katɔti ɔni ngyi ukyuli biala kayi kemmo lɛyɔla lɛɛtina.

Timoteo 1 2:7

Na ɔmɛni ɔsu na Katɔti ɔ́bla-mi lɛsa ɔkɔne ku ɔtalane. Na ɔɔɔdi ɔkɔ na mɔɔnyi. Mɔɔsu-mii geen nnii údie-mi aani ala ɔtinane ɔnii mbedie bɔƒɔtaadi kenye ntina bekyuli bani naaadi Yudaƒuɔ.

Timoteo 1 6:15

Na Katɔti ɔdubɔya na Yesu Kristo wasɔ webo na uwi ɔni námanku lɛlɔ. Katɔti Ɔyɔne ɔmɛni lɛti mɔɔdi lɛla biala lɛlɔ, na anwu ndi bagadine ƒui Ɔga. Na lɛla biala lɛɛlɔ-nwu lɛnii Unwoti.

Timoteo 1 6:20

Timoteo, nu ka ágyumana ala ani na béti béte-ɔ bɔda kaduɛ. Takya atɛ keeke ku kɔdɔlɔ unyeƒi kenye. Anya na bekyuli badi beeti taatɔlɔ bekyuli banii lɛlati lɛdi kenye.

Timoteo 2 1:11

Katɔti úti-mi ɔ́bla lɛsa ɔkɔne ku ɔtalane ku nwuna litemi buni lɛmɛni ala ɔtinane.

Timoteo 2 1:14

Na ɔkɛ Katɔti Kɔyu ɔyikun ɔni nkya-bu lɛlɔ kemmo ɔsu ni, da ala abuni ani ƒui na Blɔti úti ɔ́kya-a enu kemmo kaduɛ.

Timoteo 2 2:2

Na ala ani na énu ka lɛ́tina bekyuli pii anumi ni, anya kani na ɔlɛka eti akya bekyuli bani náƒɔ bádi enu kemmo na beti-nya batina bekyuli bamba lɛnɔ.

Tito 1:3

Údie ngba ƒui litemi ɔ́tina-bu na nwuna litemi lɛni mɔɔsu mɛni kemmo na uwi ɔni lɛlɔ na anwu ɔlati úse úse lɛlɔ. Ɔmɛni na úti ɔ́kya-mi enu kemmo na mɔɔkɔ́-ni lɛsa teete kadi. Na Blɔti ɔni ndi bula Ɔƒɔne násu-mi ɔnii nkɔ lɛsa lɛmɛni.