Seƒania 3:3 - Katɔti Ɔku Kedee

³ Nwuna bakutine ƒui bénwini bagyata bani mɔɔkwanyi, na nwuna litemi batɛne lɛnɔ bénwini bebuo bani muuƒie bana bakpana taakun usien na asɔ alanu lɛla lɛdi si kadi kégye.

Seƒania 3:3 ပူးပေါင်းရင်းမြစ်များ

Agba 28:15

Ukyuli ukpidi ɔni mɔɔdi bekyuli lɛlɔ ni, ɔdanku ɔgbankpi bonwu ute bawabane aani kalɛ na ebuo ukpidi uuƒie bekyuli.

Yesaia 1:23

Na ɔma umodi ɔmmɔ batɔnkune bénwini bekyuli bani mɔɔta teenye-mi lɛlɔ, na baadiku beyune kɔkpana, na baaƒɔ́ ala na bɔbɛ kemmo taasiku bekyuli kudɔ. Béni ka bekpo bete bekpinebi. Na bekpinele litemi ani lɛɛɛkɛ-ma munu munu.

Yesaia 5:29

Na baakwanyi aani bagyata, na beebó adi si béƒie lɛla lɛdi, na beti-ni batɔlɔku ɔni na ukyuli ɔdi uuubo na ɔkana-ni bɔƒɔ na bana kudɔ.

Yeremia 22:17

Nsu awɔ ƒula kasusu kani ndi kalɛ na abla na anya bekyuli akya iye akɛ-ma lɛlɔ kɔsia kɔdi iye adu bekyuli bani na bátabla-a lɛla lɛdi.

Yeremia 23:11

Unwoti ɔnini, “Amii kenye bediene ku bakpane bɛsɔ bilábla kasusu gyɔlɔɔ kadi taasiku-mi lɛlɔ. Ɔmɛni ɔsu na bɛɛkana na bɛɛbla likpidi na mina anumi na ami ɔlati kakpakɔ kemmo muedi!

Yeremia 34:19

Ndubo bɔya na bina bekisine beƒie-mii ƒui batɔlɔku. Amii Yudaƒuɔ batɔnkune bammɔ ku baga kesii bakutine ku bakpane ku bekyuli bammɔ ƒui bani nésie bávi ɔmantɛ akɔ ubi kɔkɛ kɔmmɔ ntɛ. Bina bekisine bamɛni badubo-mii bɔdu na bada-mii bewi kalɔ ntɛ ute baasɛ ku alakpi akɔ bebuo na bakun.

Yeremia 5:6

Bekyuli bammɔ báta bénye Unwoti lɛlɔ na béni-nwu kɔlɛ kɔlɛ na ɔ́ɔvi ntu. Anwuɔsu bekisine badubo bebekpo-ma aani bagyata bani nálɛ bási lɛku kemmo iye beƒukutu bani nási kalɔ kakwiidi kemmo. Bekisine bammɔ badubunye bataasia Yuda lɛma lɛmmɔ anu na ɔdi biala masu ɔnii ɔɔlɛ́ usie kesii kadi ni, na bani-nwu babwɛ aani bebuoƒuala.”

Esekiel 22:6

“ ‘Bina batɔnkune béti bana kenyekɔ ɔyikun ɔni na bebo baadú bekyuli.

Esekiel 33:26

Na kalala ala bɔbla bɔ́ƒɔ kalɔ kammɔ ƒui kemmo na bagya ku bele baalɛ́ lɛlɔ kama muedi. Nsu ɔmɛni ƒui kama biitú kɔnu kayi bɛnii kalɔ kammɔ kadi amii kadi!

Habakuk 1:8

Bana bekpone bani muulie bapɔnkɔ beekeli usi teetulo bebuoƒuala na baabla kɔnyi ala ku ogya teetulo beƒukutu bani mɔɔbwi bebuo bamba si ɔƒɛ ɔ́nu. Na bana usi ɔɔbabala teetulo kɔdigbo aasɛ ɔni na kɔka kɔɔda na ɔɔtu taasi kayaa ka ubeƒie lɛla lɛdi na kalɔ.