Seƒania 2:3 - Katɔti Ɔku Kedee

³ Na si biiboku lɛlɔ kalɔ na biinú Unwoti litemi bɔdi ni, amu bibo na bibakya-nwu lili kalɔ. Na si bíboku lɛlɔ kalɔ na bɛɛbla ala siin ni, ɔƒɛni kalɛ bɛdubɔkɛ bɔƒɔ na limeyi lɛmmɔ lɛlɔ uwi ɔni na Unwoti ɔdubudie nwuna kɔnyi keyi.

Seƒania 2:3 ပူးပေါင်းရင်းမြစ်များ

Samuel 2 12:22

Mmɔ na Dawid údie kenye ɔnini, “Uwi ɔni na ubi ɔmmɔ uli ngba ni, línyimi kenye na líwulo kɔnyana. Na mina kasusu ndi ka ukyuli ɔdi ɔɔɔgyi lɛla, ɔƒɛni kalɛ Unwoti ɔdubɔnu-mi kɔnyana na ɔya na ubi ɔmmɔ ɔnwanya na ɔsɔ ulekpi.

Kɔgya 105:4

Biti bina anu bɛsia Unwoti ku nwuna ɔyikun lɛlɔ na bitaanu-nwu anumi uwi biala.

Kɔgya 149:4

Ɔsika lɛlɔ lɛɛyɔ́ Unwoti Katɔti na nwuna bekyuli lɛlɔ. Na ɔdubɔya na bani nse buɛɛ ƒui balɛ lili, ɔsika ɔdubɔƒɔ-ma.

Kɔgya 22:26

Bawabane badubo bɔdi bumo. Na bani mɔɔwia Unwoti Katɔti ni, badubo-nwu buteemwi uwi ndi uwi na ɔdubɔtɛ ute-ma uwi ƒui.

Kɔgya 31:20

Aabɛla-ma na ƒula kudɔ kalɛ na ukyuli ɔdi ulakana-ma kakpagyuɛ kadi bɔkywɛ. Adubɔkya-ma ƒula lɛgbanya kemmo kalɛ na bana bekisine basɔ balanu ɔdi beledumi.

Kɔgya 45:4

Tu akpagya na esie asɔ lɛlɔ ɔdine kalɛ. Gyumana litemi geen lɛmmɔ ku bekyuli bani muuboku lɛlɔ kalɔ. Na bekyuli bataabla ala ulu lɛlɔ. Ti ƒula kɔdianu na abla ala enengudi na bani lɛlɔ na ádi anumi.

Kɔgya 57:1

Nu-mi kɔnyana, O Katɔti, nu-mi kɔnyana, ɔsika awɔ na líkeli lɛ́tamiku. Na ƒula avwi ɔyuli kalɔ na ndubɔkɛ kabɛkɔ úti útédu uwi ɔni na ɔgbankpi kpakplaa ɔni mɔɔlɛ́ mmɔ kenye kadubɔvi.

Kɔgya 76:9

uwi ɔni na awɔ Katɔti áta anii aatɛ litemi na edie bani na ala eekpóku.

Kɔgya 91:1

Ukyuli ɔni nli Katɔti Ɔyikune Ƒui kudɔ na ɔɔgyumana-nwu na Unwoti Ɔyikune Ƒui ɔmmɔ ɔ́kya-nwu ɔyuli ni,

Israelƒuɔ Bɔlɛ 12:27

na bɛsu-ma bɛnini, ‘Unwoti Kukpi Lili Bɔvia Lɛkpa na bɔdi, ɔsika limeyi lɛmmɔ Unwoti ɔ́via Israelƒuɔ kɔduli na Egyipte kalɔ lɛlɔ na ɔ́du Egyipteƒuɔ, nsu útadu Israelni ɔdi ina unwi muedi.’ ” Amu ka Mose ɔ́su-ma ala amɛni ɔ́wɔlɔ ni, Israelƒuɔ benengu bammɔ bálɛ akɔnkɔ na bémwi Unwoti.

Agba 18:10

Unwoti lɛnyi lɛdi lɛtakpɛ bonwu lɛni na ukyuli ukpo kama. Na nwuna kudɔ na bekyuli babuni beekeli teesie na baakɛ́ bɔƒɔ.

Yesaia 1:17

Bɛtɛya lɛbuni bɔbla. Na bɛbla ala ulu lɛlɔ siin. Bibunku bekyuli bani na beekpóku, na bikpo bite bekpinebi, na bɛya na bekpinele bakɛ bana kadikɔ.”

Yesaia 11:4

Mmomu ɔdubɔtɛ litemi siin bute bawabane na ukulo litemi kemmo ulu geen ɔmmɔ lɛlɔ ute kalɔ kamɛni lɛlɔ bawabane. Nwuna kenye litemi na ɔdubuti ɔni bekyuli kɔtu aani lɛbuala na ɔyila-ma udu.

Yesaia 61:1

Unwoti Ɔyikune Ƒui Kɔyu kɔ́ƒɔ-mi lɛlɔ kemmo! Ɔsika ɔ́tala-mi ɔnii nkɔ litemi buni lɛsa nte bawabane. Na lɛbwi bani muunú ɔlɛ na bana kayi kemmo na basɔ beeebo lɛnunsia, na libo kudu lite bani na béƒie na bébo-ma lɛkpu ka badubɔkɛ bɔnwuna na balɛ kasuudikɔ mmɔ.

Yeremia 45:5

Ndubo bɔya na ɔgbankpi utaalɛ kesii biala. Anwuɔsu tabla kasusu na ala ebendi adi bɔbla lɛlɔ ete lɛlɔ. Nsu muusé kenye ka ndubo-ɔ bɔgyumana na elekpi na ɔmɛni kemmo. Ami Unwoti násu.”

Esekiel 13:5

Balálɛ bekyuli bammɔ kpakplaa taasu-ma ɔgbankpi ɔni ndubo-ma lɛlɔ iye lɛbibo lɛni na ekpidi ani na baabla taaƒiɔ-mi adanku.

Hosea 10:12

Anwuɔsu lɛ́su-ma nnii, ‘Biteegulu kalɔ na bɛgya edula buni ulu lɛlɔ siin na bɛƒɛ kɔnyana bɔnu ebi. Ɔsika uwi údu ka bɛkya lili kalɔ bite ami, bina Unwoti. Na ndubɔya na bɛnu kalɛ na mbo ɔyikun na mɔɔƒɔ́ bekyuli aani kalɛ na ɔnantu ɔɔna teewi kalɔ lɛlɔ.’

Hosea 7:10

Israelƒuɔ lɛlɔ katɔ bɔkɔliku muudie-ma teete, na balatuna banii beenwíni bebo ami bana Unwoti Katɔti kudɔ iye bawia-mi kama ulu na lɛƒɔ-ma.

Yona 3:9

Ɔƒaalɛ Katɔti ɔdubo bɔvumana nwuna kasusu, na ɔnu-bu kɔnyana na nwuna kɔnyi kɔsɔ kulebo-bu lɛlɔ na ɔyila-bu ku udu.”

Sakaria 8:19

“Amii Yuda kadi bekyuli, ami Unwoti mɔɔwia ka uwi biala na bɛnii biinyimi kenye na biti bɛkpali-mi ni, ɔlɛka uwi ɔmmɔ unwini limeyi bɔdi uwi. Kɔbuli kunedi kɔdi o-o, kɔbuli kɔlɔndi kɔdi o-o, kɔbuli maatɛdi o-o, leevudi kɔdi o-o ni, ɔlɛka bɛdi limeyi ku lɛlɔyɔ. Anwuɔsu bɛyɔ litemi geen kama bɔsia na bilieku lɛlɔ ku keyi buɛɛ.

Mateo 5:5

Lɛlɔ litaayɔ bekyuli bani muuboku lɛlɔ kalɔ. Ama badubɔdi kayawi lɛlɔ ala aani kalɛ na Katɔti ɔ́su úse.

Tesalonikaƒuɔ 1 4:1

Banwa, mina lɛla likplodi lɛni muuvele-mii ndi ka ni, bilie ngba bɔni mɔɔyɔ́ Katɔti kaƒɔ aani kalɛ na bɔ́tina-mii. Bɛdaku ɔkplu bɔkya bɔdi, nsu bɔɔkya-mii ogya na Blɔti Yesu lɛnyi kemmo bɔnii bɛbla bitulo lɛni.

Tesalonikaƒuɔ 1 4:10

Na sɔsɔ ni, ɔdi litemi geen ka bɛɛyɔ́ bina banwa baƒɔtaadine bani nkya Makedonia. Nsu bɔsɔ buuvele-mii bɔnii bɛbla bitulo lɛni!

Petro 1 1:22

Ka bɛɛdi litemi geen lɛmmɔ lɛlɔ na bɛ́bla lɛlɔ sɛɛn ka Katɔti úti bina ekpidi ɔ́kyiɛ-mii na bɛɛyɔ́ lɛlɔ ɔƒɛni ɔsu ni, bɛya na bina baƒɔtaadine bakpana bɔyɔ bɔkɔ katɔ bubu ku kayi ƒui.

Petro 1 3:4

Mmomu ni, bɛya na kalɛ na bɛda lɛlɔ ku udu buɛɛ udie bina bɔdia ɔtina. Ɔmɛni ndi udu ɔni mɔɔda kubiti uwi biala na ɔ́ƒɔ Katɔti kuye geen.

Petro 2 3:18

Bisie anumi na Katɔti lɛƒɔndia ku kalɛ na bɛ́ƒɔ Blɔti Yesu Kristo ɔni ndi bula Ɔƒɔne bɛ́di kemmo. Anwu na buute ɔbu ɔ́si ɔƒɛni úsela ƒui! Ɔsia lɛni.