Seƒania 1:3 - Katɔti Ɔku Kedee

³ Bekyuli ku bebuo ku baasɛ ku kɔbɛ bamɛni akɔ ɔni lɛlɔ na likpidi lɛkya ni, ndubo-nwu udu bɔyila na kalɔ kammɔ lɛlɔ. Na lɛkyula bekyuli bammɔ ƒui lidie kalɔ lɛlɔ.

Seƒania 1:3 ပူးပေါင်းရင်းမြစ်များ

Ala Kalɔ Buse 6:7

Anwuɔsu Unwoti ɔ́su ɔnini, “Ndubo ukyuli ɔni na lɛ́bla udu bɔyila na kalɔ lɛlɔ. Ɔ́si bekyuli lɛlɔ útédu ku bebuo ku bebweyi bani mɔɔví kalɔ lɛlɔ ƒui ku baasɛ bani muuveyi taavi kayaa lɛlɔ. Ɔsika úduo-mi geen ka lɛ́bla-ma.”

Yesaia 27:9

Na ɔkɛnku ɔmɛni lɛlɔ na ndubudie kɔtu bɔni bana lɛlɔ na bana ekpidi ammɔ alɛ-ma lɛlɔ ƒui. Na lɛnɔ ni, ntu bábwɛ akpabi ani na bátu ku atabi mmɔ kpɛtɛ kpɛtɛ. Na babwɛ Asera baƒiɔ na bagyu-ma ku lɛƒiɔgyii lɛmmɔ na abi lɛlɔ kesii kani na baakyula oloƒui teete-ma mmɔ ƒui na basɔ balanu ka ɔdi unye.

Yesaia 6:11

Mmɔ na líye Unwoti Katɔti nnini, “Uwi ɛlɛ kemmo na ndubuti lɛbla lɛla lɛmɛni?” Amu na údie kenye ɔnini, “Úti útédu uwi ɔni na ndubɔya na lɛma linengudi ƒui lɛbwɛ lɛyii udu, na bekyuli basɔ balakya-ni kemmo, na lɛtɔ lɛsɔ linye ukpludi, na kalɔ kemodi kammɔ ƒui kebie.

Yesaia 6:12

Na ndubo bekyuli ƒui bɔbɔku budie kalɔ kammɔ kemmo na libile kalɔ kammɔ.

Yeremia 12:4

Uwi ɛlɛ na adubɔya na kalɔ kamɛni kayaku ntu na kakwii lɛni ketédu? Na uwi ɛlɛ na livo lɛdubɔyɛyɛ linye bebuo kadikɔ lɛni utédu? Bebuo ku baasɛ bammɔ ƒui békpi na ɔdi ɔsɔ uuubo. Na bekyuli bamɛni alaekpidi ani na baabla ɔsu na ala amɛni ƒui aalɛ́ lɛni. Nsu bamu benye baakun lɛmɛnɛ taasu banini, “Katɔti ulánu alaekpidi ani na bɔɔbla.”

Yeremia 50:3

Na Babilonƒuɔ bukpoku bɔmmɔ bɔdubɔsi katɔ kakɛ. Na ama ku bana bebuo ƒui badubo bukeli bɔtɔlɔ na bada ɔma ɔmmɔ bewi ukpludi.’ ”

Yeremia 7:20

“Na ɔƒaani ni, ami Unwoti Ɔyikune Ƒui ndubɔya na mina kɔnyi kubo-ma lɛlɔ aani kalɛ na ketu keeyi teedie ukyuli útédu uwi ɔni na bekyuli o-o, bebuo o-o, egyii o-o, edula o-o ni, lɛla biala lɛsɔ lilébu lilakya kalɔ kammɔ lɛlɔ.”

Yeremia 9:10

“Muuwulo teete bebuo kadikɔ kani na kakya abi lɛlɔ. Likpo lɛmmɔ lɛ́kwii na livo lɛbuni lɛdi lɛsɔ liiibo mmɔ, ɔsika ɔƒɛ ɔ́kyula lɛla biala na belusiene muedi basɔ balásia mmɔ. Na Ɔmantɛ bebuo ku alakpi akɔ bebuo ku baasɛ ƒui báyii na badi basɔ beeebo mmɔ.”

Esekiel 44:12

Nsu ka Lewiƒuɔ bamɛni bébunku Israelƒuɔ na bákpa baƒiɔ ɔsu ni, ami Unwoti Katɔti líse kenye kpakplaa ka bani Lewiƒuɔ kɔtu, ɔsika bátabala Israelƒuɔ na benwini na baƒiɔ bɔkpa kama.

Esekiel 7:19

Bɛdubo bina sika ugyiedi ku ɔƒualadi ƒui bubo buwi kuyeya aani kebu alakpi, ɔsika ɔmmɔ ndi alakpa anyɔ ani nákpanku-mii átákya likpidi kemmo na asɔ alakana-mii bɔƒɔ ɔƒɛni bɔsiku mina kɔnyi kudɔ. Na ala ammɔ asɔ eeebo kuye kɔni na akana na eye bina lɛdila lɛdi muedi.

Hosea 14:3

Asiria ulakana-bu bɔƒɔ, na kekpo bapɔnkɔ kɛɛkɛ lɛnɔ ulakana-bu bubunku. Anwuɔsu bɔsɔ bulákpa baƒiɔ bani na bɔ́vɔ, ɔsika awɔ Unwoti mɔɔnu bekpinebi kɔnyana.”

Hosea 14:8

Israel, die ƒula lɛƒiɔkpa atu na ndubunu ƒula buvele na lɛnu-ɔ lɛlɔ. Ami ɔlati ndi kugyii kɔni muukeye mmɔ. Na ami ndubɔya na bɛnwu ebi pii.

Hosea 4:3

Ɔmmɔ ɔsu na bina kalɔ ƒui kénwini ketele kalɔ kakwiidi na káyii udu, na bekyuli ku bebuo ku baasɛ bani nkya-ka kemmo ƒui lɛnɔ beekpi.

Sakaria 13:2

Unwoti Ɔyikune Ƒui ɔnini, “Si uwi ɔmmɔ úbedu ni, ndubo baƒiɔ ƒui udu biala bɔyila na kalɔ kammɔ lɛlɔ, na bekyuli bayiƒala-ma ƒui úti úsela uwi ƒui kemmo. Na ndubo bana kenye bediene ku ayu ekpidi ani na atɔnku-ma mmɔ ƒui udu bɔyila.

Mateo 13:41

Ami, Ukyuli Ɔyawine Ubi, ndubɔtala mina batu na babɔku ala ani mɔɔyá na baabla ekpidi ku ekpidi bablane ƒui bedie Katɔti lɛga kadikɔ.

Mateo 23:39

Na mɔɔsu-mii geen ka ni, ɔ́si ɔƒaani ni, bɛsɔ bɛɛɛdubo-mi bɔnu wetédu ka bɛdubɔsu bɛnii, ‘Bimwi anwu ɔni ndubo na Blɔti lɛnyi kemmo!’ ”

Budie Taatina 2:14

“Nsu alakpa alɛɛ adi ábala-mii. Bibo bekyuli badi na bina akɔ mmɔ bani mɔɔsiaku Bileam ala bɔtina kama. Ukyuli ɔmɛni nátina Balak kalɛ na ɔtɔlɔ Israelƒuɔ. Na ɔ́kpanku-ma útákya likpidi kemmo. Baadi adila ani na béti bákpa béte baƒiɔ, na bábla lɛyalɛ ala.