Samuel 2 7:2 - Katɔti Ɔku Kedee

² Ɔmmɔ kama ni, ɔ́su Katɔti Kenye Udiene Natan ɔnini, “Ami nli ɔga lɛgbanya lɛni na béti egyii ani na áƒɔ kuye geen bátu. Nsu Unwoti Bunyimi Adaka ɔmmɔ anwu ɔlɛ kevo kemmo.”

Samuel 2 7:2 ပူးပေါင်းရင်းမြစ်များ

Samuel 2 11:11

Mmɔ na Uria údie kenye ɔnini, “Dɛ na ndubɔkana lɛmmɔ udu bɔbla. Israelƒuɔ ƒui ku Yudaƒuɔ benye kekpo. Na nvo kemmo na baatɛ. Na Unwoti Bunyimi Adaka ɔmmɔ lɛnɔ ɔkya-ma kudɔ mmɔ. Mina unengu Yoab ku nwuna bebunkune lɛnɔ kɔyɔ lɛlɔ na baatɛ na baaakya lɛma kemmo muedi. Ɔmmɔ ɔsu ami lɛnɔ naaakana kaduli busie na ntádi na lɛni na ami ku mina uleku lɛnɔ bɔtɛ. Uwi ɔni na eli ngba mɛni ni, lɛɛɛdubo ɔmmɔ udu bɔkana bɔbla!”

Samuel 2 12:1

Unwoti ɔ́tala nwuna Kenye Udiene Natan ɔ́kya Dawid. Ka údu-nwu kudɔ ni, ɔ́su-nwu ɔnini, “Nkyuli inyɔ badi bákya ɔma ɔdi kemmo. Unwi ɔdi ɔlakɛne na unyɔdi ɔdi ɔwabane.

Samuel 2 5:11

Na uwi ɔmmɔ kemmo ni, Ɔga Hiram ɔni mɔɔdi lɛga na Tiro ɔ́tala bekyuli badi úmene Dawid. Na béti egyii kpakplaa etenku ku banwine ku bani ngyi kalɛ na baatú atabi lɛtɔ na bátátu keliekɔ kabuni geen béte Dawid.

Samuel 2 6:17

Béti Unwoti Bunyimi Adaka ɔmmɔ bébeduoku ɔma na béti-nwu bétése Adi Kevo kani kemmo na Dawid ɔ́ya na bátu bése béte adaka ɔmmɔ kemmo. Ɔmmɔ kama Dawid ɔ́kyula akpala úte Unwoti na ɔ́bla unwi bɔbla akpala lɛnɔ.

Samuel 2 7:17

Ala ani na Natan únu mɛni ni, ɔ́sɔku-nya ƒui úbasu Dawid kalɛ kani na Unwoti ɔ́su-nwu.

Baga 1 1:22

Uwi ɔni na ɔmu ɔkya ɔɔtɛmiku ɔga ɔmmɔ ni, Kenye Udiene Natan ɔda ɔ́lɛ mmɔ.

Baga 1 1:8

Nsu ɔkpane Sadok ku Yoiada ubidi Benia ku Kenye Udiene Natan ku Simei ku Rei ku Dawid ɔgyumanane geen ama bátablaku Adonia unwi.

Baga 1 4:5

Na Natan ubidi Asaria mɔɔnu kɔlɛkɛ kɔmmɔ aban bagadine lɛlɔ. Na Natan ubidi Sabud ndi ɔkpane ku ɔga kasusu ɔkyane.

Baga 1 8:17

“Mina ɔti Dawid ɔ́bla kasusu ka ɔ́tu kakpakɔ na bataakpa Israel Katɔti.

Ala Alɛdi 1 14:1

Na uwi ɔmmɔ kemmo ni, Ɔga Hiram ɔni mɔɔdi lɛga na Tiro ɔ́tala bekyuli badi úmene Dawid. Na béti egyii kpakplaa etenku ku banwine ku bani ngyi kalɛ na baatú atabi lɛtɔ kalɛ na bátátu keliekɔ kabuni geen béte-nwu.

Ala Alɛdi 1 16:1

Na uwi ɔmmɔ ni, béti Bunyimi Adaka ɔmmɔ bébese kevo kani na Dawid ɔ́tu úte Bunyimi Adaka ɔmmɔ kemmo. Na bábla bɔkyula ƒui akpala ku unwi bɔbla akpala lɛnɔ béte Katɔti.

Ala Alɛdi 1 22:7

Ɔ́su-nwu ɔnini, “Mina ubi, lɛ́yɔ ka nka lɛtu kakpakɔ lite Unwoti mina Katɔti kesii kani na badubutaakpa-nwu.

Ala Alɛdi 1 29:29

Na lɛla biala na Dawid ɔ́bla uwi ɔni na ɔdi ɔga ni, kenye bediene Samuel ku Natan ku Gad bénweni-nya bákya kasikɔ etemila ku ala alɛdi ɔku kemmo.

Ala Alɛdi 2 1:4

Nsu na uwi ɔmmɔ lɛlɔ ni, Salomo ɔti Dawidi ɔ́ɔda Bunyimi Adaka ɔmmɔ ɔ́gyu kesii kani baalɔ banii Kiriat-Yearim mmɔ úbenyene kevo kani na anwu Dawid ɔ́tu úte Adaka ɔmɛni na Yerusalem.

Ala Alɛdi 2 29:25

Amu na ɔmmɔ kama ni, Hesekia ɔ́ya na Lewiƒuɔ bammɔ bésie béténye bana kunyekɔ na bana kabla kenye na kakpakɔ kammɔ kemmo. Na úti enukpɛ agyala ku lɛbentaa ku agyala bamba ani na béti kɔbuli bábla úte-ma aani kalɛ na Unwoti úbo Ɔga Dawid ku kenye bediene bani ndi Gad ku Natan ɔda kalɛ.

Ala Alɛdi 2 9:29

Na lɛla bamba biala na Salomo ɔ́bla ni, bénweni-mi bákya Kenye Udiene Natan ala alɛdi ɔku kemmo ku Ahiya ɔni na ɔ́si Silo ku Ido ɔni nénweni ala ɔ́siku Yeroboam ɔni nási Nebat.

Kɔgya 132:2

Na ɔ́kpali Katɔti úse kenye úte Unwoti ɔni ndi Yakob Katɔti Ɔyikune Ƒui ɔnini,

Kɔgya 132:5

úti útédu ka lɛ́ka kesii kadi bɔwia bute mina Unwoti ɔni ndi Yakob Katɔti Ɔyikune Ƒui.”

Israelƒuɔ Bɔlɛ 40:21

Amu na ɔ́ya na béti adaka ɔmmɔ bése Adi Kevo kammɔ kemmo na béti kakpakɔ bule kɔdi báƒala. Na ɔ́bɛla Bunyimi Adaka ɔmmɔ aani kalɛ na Unwoti úbo-nwu ɔda.

Hagai 1:4

“Ɔ́manku ka amii bɛtu agbanya bonwu bonwu ani náƒɔ kuye mɛni bite lɛlɔ uwi ɔni na mina kakpakɔ aka kese aani kebu?

Yohane 2:17

Mmɔ ni, nwuna batɛyane bényimo lɛla lɛni nkya Bunweni Kedee Ɔku kemmo ka Ukyuli Ɔƒunadi ɔ́su Katɔti ɔnini, “Ƒula ɔtɔ lɛlɔ bɔnu anumi adubo-mi bugyie aani ogya ɔni mɔɔda na mina lɛlɔ kemmo.”

Batalane Kabla 7:46

Katɔti úbunku Dawid kaduɛ. Anwuɔsu Dawid úye Unwoti ɔnii nka ute-nwu kuƒi na ɔtu keliekɔ geen use ute anwu ɔni ndi Yakob Katɔti.