Samuel 2 7:18 - Katɔti Ɔku Kedee

¹⁸ Ka Dawid únu ala amɛni ni, anwu kani na ɔ́ta úsie Adi Kevo kani kemmo na beesié taatákpali Unwoti na útélie kalɔ. Mmɔ na ɔ́su ɔnini, “O Unwoti ɔni ntulo ƒui, ami ku mina kaduli bekyuli bútamanku lɛƒɔndia libendi lɛni udu na ábla éte-bu.

Samuel 2 7:18 ပူးပေါင်းရင်းမြစ်များ

Ala Kalɔ Buse 32:10

Ńtamanku ƒula lɛƒɔndia lɛni na aabla-mi ku kalɛ na aadi ƒula etemila lɛlɔ teete ami ƒula kabla ɔblane. Mina ugyii ɔdadi kani nkya-mi kɔnu uwi ɔni na lɛ́via Yordan Ketu kamɛni. Na ɔƒaani ni, mina kaduli bekyuli lɛti pɛ bubo esu akpa anyɔ.

Ala Kalɔ Buse 32:11

Muuvele-ɔ nnii die-mi na lɛlɛ sɛɛn na mina ɔnwani Esau enu kemmo. Ɔsika mɔɔyia ka ɔdubo bɔta na ubekpoku-mi ku mina beleku ku bana bebi.

Samuel 2 23:5

“Na geen ni, lɛni na nda lɛlɔ na mina kaduli líte Katɔti. Ɔsika úti bunyimi bɔni ndanku uwi ƒui úte-mi, ɔni na nwuna kenye kelékulo iye wavumana lɛnɔ. Na ɔdubɔƒɔ ute-mi uwi ƒui, na ɔbla ala ani na muuvele-nwu ute-mi.

Samuel 2 7:17

Ala ani na Natan únu mɛni ni, ɔ́sɔku-nya ƒui úbasu Dawid kalɛ kani na Unwoti ɔ́su-nwu.

Ala Alɛdi 1 17:16

Ɔmmɔ kama ni, Dawid úsie útéduo kevo kani kemmo na Bunyimi Adaka ɔmmɔ use mmɔ kemmo na ɔ́yu úlie kalɔ na ɔ́kpali Unwoti ɔ́su ɔnini, “Unwoti Katɔti, ami ku mina kaduli bekyuli ƒui bútamanku bútete ala ani na áabla éte-bu muedi

Ala Alɛdi 1 29:14

Bi ɔsu na ɔlɛka butaakɛ ebiti ka búti ala amɛni búboku-ɔ ɔsu? Awɔ adi na adi na ƒula ala kani na bɔ́sɔku búboku-ɔ.

Kɔgya 8:4

na muuye lɛlɔ nnii bi na ukyuli ɔdi, ɔsu na aasia-nwu anu lɛni? Na bi na Ukyuli Ɔyawine Ubi ɔdi, ɔsu na aanu-nwu lɛlɔ lɛni?

Israelƒuɔ Bɔlɛ 3:11

Amu na Mose ɔsu Katɔti ɔnini, “Ami ndi ɔma, na muusié nténye Ɔga Ƒarao anumi nnii mɔɔkpanku Israelƒuɔ lɛlɛku Egyipte kalɔ lɛlɔ?”

Yesaia 37:14

Ka Ɔga Hesekia ɔ́ƒɔ ɔku ɔmɛni ɔ́siku batu bammɔ kudɔ na ɔ́ka ni, úti ɔku ɔmmɔ úsienku Katɔti kakpakɔ na útébi-nwu úwi Unwoti anumi.

Eƒesoƒuɔ 3:8

Ami ɔni ndi Katɔti baƒɔtaadine ƒui akɔ ubliidi ni, Katɔti úti litela lɛmɛni úte-mi ka lɛkɔ litemi buni lɛmmɔ lɛsa na lɛƒɔndia bonwu lɛni na bekyuli badubɔkɛ ɔkɛnku Kristo lɛlɔ lite bani naaadi Yudaƒuɔ.

Litemi Batɛne 6:15

Amu na Gideon údie kenye ɔnini, “Unwoti, dɛ na ndubo bɔbla asa na makana Israelƒuɔ bukpo bɔƒɔ? Na Manase kɔdua bekyuli akɔ ni, abu nse kpɛtɛ kpɛtɛ ntulo ƒui, na ami lɛnɔ ndi ukplodi na mina ɔtɔ badi akɔ.”

Rut Keliela Ɔku 2:10

Amu na Rut ɔ́lɛ akɔnkɔ na úti anumi úbi kalɔ na ɔ́su Boas ɔnini, “Bi ɔsu na ami kadi bamba ukyuli lɛlɔ lɛɛkywí-ɔ kaƒɔ lɛni?”

Samuel 1 15:17

Mmɔ na Samuel úsie anumi ɔnini, “Uwi ɔni na awɔ ɔlati muedi átanu tɔ lɛlɔ átati ka adi lɛla lɛdi ni, Unwoti úse-ɔ likpo na énwini ɔga na Israel kadi bekyuli adua pii ammɔ ƒui lɛlɔ.

Samuel 1 18:18

Nsu Dawid údie kenye ɔnini, “Ami ndi ɔma, na ɔma bene ndi mina ɔti iye mina kɔdua bekyuli na Israel ka liti ɔga ubi na linwini ɔga ubi ɔgyani?”

Samuel 1 9:21

Mmɔ ni, Saul údie kenye na ɔ́su Samuel ɔnini, “Kɔdua kubliidi ƒui ndi Benyamin kɔdua na Israelƒuɔ akɔ, na mmɔ lɛ́si. Na mina ɔtɔ bekyuli ndi bani neeebo kenyekɔ geen kadi na Benyamin kɔdua kɔmmɔ kemmo. Bi ɔsu na aasu-mi lɛmɛni udu?”