Samuel 2 7:16 - Katɔti Ɔku Kedee

¹⁶ Ƒula ɔtɔ kemmo ku ƒula lɛgakadikɔ kadubuse keteesie uwi ƒui.’ ”

Samuel 2 7:16 ပူးပေါင်းရင်းမြစ်များ

Ala Kalɔ Buse 49:10

Na ɔgagyii ulávi ulálɛ ƒula kaduli kudii. Na lɛlɔ ɔdine ugyii ɔdadi ulávi ulálɛ-ɔ lɛgba akɔ wetédu ka ugyii ɔmmɔ úbedu lɛlɔ ɔdine geen ɔmmɔ. Na kadi bekyuli ƒui badubɔdi ƒula litemi lɛlɔ.

Samuel 2 22:51

Awɔ náya na Dawid ƒula ɔga ɔƒunadi ɔɔdi nwuna bekisine lɛlɔ geen. Na éti ƒula bɔyɔ bɔni naaavumana kudii éte anwu ɔni na ése likpo mmɔ ku nwuna bawɔ úsela uwi ƒui.”

Samuel 2 7:13

Na ubi ɔmmɔ ndubɔtu ɔtɔ ute mina lɛnyi. Na ndubɔya nwuna lɛgakadikɔ liboku lɛdubuse liteesie uwi ƒui.

Samuel 2 7:17

Ala ani na Natan únu mɛni ni, ɔ́sɔku-nya ƒui úbasu Dawid kalɛ kani na Unwoti ɔ́su-nwu.

Baga 1 2:4

Ɔmmɔ ndubɔya na Unwoti wadi nwuna kenye kani na úse-mi lɛlɔ ɔni na ɔ́su-mi ɔnini, ‘Si ƒula bawɔ básia bana keliela anu na baadi mina etemila lɛlɔ na basiaku-mi kama siin ku bana kɔyu ku kayi ƒui ni, bana akɔ na ubi ɔnanabi ɔdubɔsi na ulie Israelƒuɔ lɛgaboku lɛlɔ uwi biala kemmo.’ ”

Baga 1 9:5

ndubɔya na ƒula lɛgadi lɛmmɔ linye kpakplaa uwi ƒui na Israel aani kalɛ líse ƒula ɔti Dawid kenye uwi ɔni na lɛ́su-nwu nnini, ‘Ulebo ulete ka balákɛ ɔnanabi ƒula ɔtɔ kemmo belése ɔga na Israel kudii.’

Baga 2 19:34

Na ndubɔgyumana na likpo lɛƒɔ ɔma ɔmmɔ, na mina lɛnyi ku mina kabla ɔblane Dawid ɔsu.’ ”

Baga 2 8:19

Nsu ɔkɛnku Dawid ɔsu ni, Unwoti ɔ́bla kasusu ka ulayila Yuda udu. Ɔsika úse nwuna kabla ɔblane Dawid kenye ka nwuna kaba bekyuli badubɔdi lɛga uwi ƒui na ɔya na asogya ɔdi utaada na nwuna lɛnyi kemmo uwi ƒui.

Ala Alɛdi 2 6:16

“Ése-nwu kenye ka nwuna ɔtɔ kemmo na ukyuli ɔdubɔsi uwi biala kemmo na ɔdi lɛga na Israel kalɔ lɛlɔ si bákya ɔkplu na bábla básia ƒula ɔda bubo lɛlɔ aani kalɛ na anwu lɛnɔ ɔ́bla.

Hiob 36:7

Na bekyuli babuni ama ni, Katɔti ɔɔnu-ma lɛlɔ kaduɛ, na uuti-ma teenyene kesii kani na káƒɔ kuye, na baakɛ́ ɔyikun taadi bekyuli lɛlɔ uwi ƒui.

Kɔgya 45:6

Ati, awɔ ni, ƒula lɛga kadikɔ kadubo buse uwi ƒui. Na adubɔdi ƒula bekyuli lɛlɔ na litemi bɔtɛ ulu lɛlɔ.

Kɔgya 72:5

Kɔlɛ kɔlɛ kɔni na ɔƒɛ ku kɔbuli kɔɔtu teekeye ni, ƒula ɔga lɛgadi lise liteesie ɔ́si kaba úsie kaba úsela uwi ƒui kemmo.

Kɔgya 89:4

‘Ndubɔnu ka ƒula kaba kemmo ubi mɔɔdi lɛga uwi ndi uwi. Na lɛgadi lɛmmɔ lilása mmɔ kudii.’ ”

Yesaia 9:6

Ɔsika báwɔ ubi ɔnanabi béte-bu. Na bekyuli ƒui lɛlɔ bɔdi lɛdubɔsia-nwu lɛlɔ. Na badubɔlɔ-nwu banii Kasusu Buni Ɔkyane ku Katɔti Ɔyikune ku Ati Ɔni Nli Uwi Ƒui ku Keyi Buɛɛ Ɔga Ubi.

Yesaia 9:7

Na nwuna lɛga kadikɔ kadubo katɔ butaakɔ ku keyi buɛɛ, na kaaadubo ulu bɔwɔ kudii. Na ɔdubulie Dawid lɛgaboku lɛlɔ utaadi lɛga lɛmmɔ, na nwuna lɛgadi lɛdubunye uwi ƒui. Na ɔdubɔtɛ litemi ulu lɛlɔ, na nwuna ablala ƒui adubuse siin. Na Katɔti ɔdubɔya na ɔmɛni ubo-nwu kemmo ɔkɛnku nwuna ɔyikun lɛlɔ!

Yeremia 17:25

Dawid ɔtɔ kemmo na ukyuli ɔdubɔsi uwi biala kemmo na ɔdi lɛga na Yuda ku Yerusalem ƒui. Na ɔga ɔmmɔ ku nwuna lɛku batine ƒui badubulie bapɔnkɔ ku bapɔnkɔ kɛɛkɛ na basia beduo lɛban lɛmmɔ kɔyakun na Yuda ku Yerusalem kadi bekyuli lɛnɔ badubɔsiaku-ma. Bekyuli badubɔkya mmɔ tɛɛ uwi biala kemmo.

Yeremia 33:17

“Na uwi biala ni, Israel ɔga ɔdubɔsi Dawid bawɔ kemmo.

Daniel 2:44

Na uwi ɔni na baga bammɔ badubo bekyuli lɛlɔ butaadi ni, Katɔti ɔni mɔɔdi lɛla biala lɛlɔ ɔ́siku katɔ kakaaka mmɔ ɔdubudie lɛga kadikɔ bamba kadi use kani ndubunye kete uwi ƒui na kelebo kawɔlɔkɔ kudii. Na kadubɔbla aani lɛtabi lɛni na bánwi básiku kɔbi lɛlɔ mmɔ, na ɔɔɔdi ukyuli nánwi-ni. Lɛtabi lɛmɛni nábwɛ abuala kpakplaa ku abuala egyiedi ku lɛti ku sika ɔƒualadi ku sika ugyiedi ɔmmɔ ƒui. Ɔga Ɔbune, na ƒula kɔna kemmo ni, Katɔti Ɔyikune Ƒui ɔ́su-ɔ lɛla lɛni ndubo libalɛ na ɔdi ka aƒɔ kalɔ budie bɔmɛni adi.”

Daniel 7:14

Na bébi-nwu kagabwa bése-nwu lɛga, na béte-nwu ɔyikun na uukeye. Na bani nási kadi ƒui akɔ ku adi ƒui batɛmine na kalɔ biala lɛlɔ bákya-nwu lili kalɔ. Ɔdubo lɛga bɔdi uwi ƒui, na nwuna lɛga kadikɔ kalása kudii, na ɔdi lɛnɔ ulakana-ka lɛlɔ bɔdi.

Mateo 16:18

Anwuɔsu mɔɔsu-ɔ ka awɔ ndi Petro ɔni kalɔ ndi lɛtakpɛ. Na lɛtakpɛ lɛmɛni lɛlɔ na ndubuti mina baƒɔtaadine lɛtu linyine aani ɔtɔ kalɛ. Na kukpi ɔyikun muedi ulakana-ma lɛlɔ bɔdi.

Yohane 12:34

Amu na bekyuli lisu lɛmmɔ básu banini, “Na Bunweni Kedee Ɔku kemmo ni, básu ka Ukyuli Ɔƒunadi ɔmmɔ ɔdubɔsɔ ɔkya ngba uwi ƒui. Na dɛ na ɔ́bla na aasu ka bekyuli badubɔkɔliku Ukyuli Ɔyawine Ubi ɔmmɔ katɔ lɛni? Ɔma ndi Ukyuli Ɔyawine Ubi ɔmmɔ?”

Hebriƒuɔ 1:8

Nsu na Ubidi ɔmmɔ lɛlɔ ni, Katɔti ɔ́su ɔnini, “Ati, awɔ ni, ƒula lɛga kadikɔ kadubo buse uwi ƒui. Na adubɔdi ƒula bekyuli lɛlɔ na ulu siin lɛlɔ.

Budie Taatina 11:15

Ɔmmɔ kama ni, Katɔti ɔtu maatɛdi ɔ́vwi nwuna kakpɛɛ. Na línu ka bekyuli pii báva na katɔ mmɔ básu banini, “Kayawi lɛga kadikɔ ƒui kénwini bula Unwoti Katɔti ku nwuna Ukyuli Ɔƒunadi kadi! Na ɔdubo lɛlɔ bɔdi ɔ́si ɔƒɛni úsela ƒui!”

Samuel 1 25:28

Buvele kemmo, ti ƒula kabla ɔblane bɔƒiɔ ƒui kyiɛ-nwu. Unwoti ɔdubɔgyumana-a ku ƒula kaduli bekyuli ƒui uwi ndi uwi, ɔsika nwuna kekpo na enye eekpó. Na muuvele lɛnɔ nnii na ƒula ngba bulie uwi ƒui ni, Unwoti udie-ɔ na alabla lɛla likpidi lɛdi.