Samuel 2 5:9 - Katɔti Ɔku Kedee

⁹ Ka Dawid ɔ́di ɔma ɔmmɔ lɛlɔ ɔ́wɔlɔ ni, úsie útélie ɔma kagyumanakɔ kpakplaa kammɔ kemmo. Na ɔ́sia mmɔ lɛnyi ɔnii Dawid Ɔma. Na ɔ́ya bátu lɛtɔ mmɔ bene bámana ɔ́siku kesii kani na básia atabi ubili bényimi mmɔ kudɔ na nwuna kemmo kakɛ.

Samuel 2 5:9 ပူးပေါင်းရင်းမြစ်များ

Samuel 2 5:7

Nsu ina ka básu lɛni ni, Dawid ku nwuna bekpone bádi-ma lɛlɔ na béƒie ɔma ɔni na bátu awodu bámana na baalɔ-nwu Sion mmɔ báƒɔ. Na básia mmɔ lɛnyi banii Dawid Ɔma.

Samuel 2 5:8

Na limeyi lɛmmɔ ɔtanta ni, Dawid ɔ́ka nwuna bekpone bɔsu ɔnini, “Asa na bɔdubɔkana na bɔdi Yebusiƒuɔ lɛlɔ ni, ɔlɛka butásia ubu ɔni kemmo na bana ntu bɔɔsia teeduo ɔma ɔmmɔ kemmo. Mmɔ na bɔdubukpoku banumbwɛne ku bani naaakana busie kaduɛ ku bekisine ƒui bani ndubukpoku Dawid mmɔ.” Ɔmmɔ ɔsu na baasu ɔmwi ɔmwi banini, “Banumbwɛne ku bani na balákana busie kaduɛ beléduo ɔga kaduli.”

Samuel 2 6:10

Anwuɔsu útayɔ ka uti Unwoti Bunyimi Adaka ɔmmɔ usienku kesii kani na básia lɛnyi banii Dawid Ɔma Unengudi. Mmomu údeyiku-nwu úsienku ɔnana ɔni baalɔ Obed Edom ɔni na ɔ́si Gat ɔma mmɔ kaduli.

Baga 1 11:27

Kɔtɛ kɔmɛni ndanku kalɛ na ɔ́bla asa na Yerobeam ɔ́ta únye Ɔga Salomo lɛlɔ. Ɔga Salomo ɔ́sia ubili ɔ́bala ɔti Dawid ɔma unengudi awodu ammɔ ɔ́mana na úyile eƒi ani ƒui nkya-ku kemmo.

Baga 1 2:10

Ɔmmɔ kama ni, Dawid úbenwini kama na báva-nwu na nwuna ɔma unengudi ɔmmɔ kemmo. Na útátɛ nwuna bati kudɔ.

Baga 1 9:15

Ulu ɔni lɛlɔ na Ɔga Salomo únye bekyuli lɛlɔ na ɔ́tu Unwoti kakpakɔ ku nwuna kaduli ku awodu kama ubili ɔni básia ku Yerusalem awoduku, na ɔ́ya na básɔku Hasor ku Megido ku Geser lɛma bátu na bɔdubo bunu mɛni.

Baga 1 9:24

Na uwi ɔni na Salomo ulekudi ɔni ndi Ƒarao ubidi ɔ́si Dawid kesii úse nwuna kaduli kani ɔgyani ɔ́tu úte-nwu kama ni, Salomo ɔ́sia awodu kama ubili ɔmmɔ.

Baga 2 12:20

Na ɔga bakutine bása lili likpidi na nwuna lɛlɔ na bádu-nwu na Bet-Milo na ulu ɔni ntɛ úsela Sila.

Baga 2 12:21

Na nwuna bakutine bani nádu-nwu mmɔ ndi Simeat ubidi Yosakar ku Somer ubidi Yosabad. Na úkpi na báva-nwu na ɔti Dawid ɔma unengudi. Na ubidi Amasia úti-nwu keliekɔ aani ɔga kalɛ.

Ala Alɛdi 1 11:8

Na ɔ́ya bátu lɛtɔ mmɔ bene bámana ɔ́siku kesii kani na básia atabi ubili bényimi mmɔ kudɔ na nwuna kemmo kakɛ lɛlɔ. Na Yoab ɔ́sɔku ala akladi ani nse ɔma ɔmmɔ kemmo úse kaduɛ.

Ala Alɛdi 2 32:5

Amu na Hesekia ɔ́ya na batune badi bátásɔku ɔma ɔmmɔ kowodu kesii kani nábwɛ mmɔ báklibi. Na ɔ́ya na bátu kɔgyumanakɔ, na bátu kowodu bamba kɔni nábwɛ mmɔ kama. Na awodu kugyikpo kɔni na bátu bédi Dawid ɔma unengudi ɔmmɔ awodu ani nésie ɔƒɛ katukɔ kakɛ lɛnɔ ni, básɔ báklibi-nya bɔtu kaduɛ. Ɔmmɔ kama ɔ́ya na bábla ekpola ku kekpo kayi agyumanala pii.

Nehemia 3:15

Na kayakun kani kese kesii kani na ntu bɔɔlɛ taasiku ni, Kol-Hose ubidi Sulum ɔni mɔɔnu Mispa kalɛkɛ lɛlɔ násɔku-ka ɔ́tu. Na ɔ́kya ɔpunu ku kɔbwɛlɛmii ku lɛla biala pɛpɛɛpɛ. Na ɔ́sɔku lɛwoduku lɛni ntɛ ese Siloa Ligyu lɛni nde ɔga kevomadɔ kemo útédu Dawid ɔma kayakun ɔ́tu.

Kɔgya 122:3

Na adi ɔma unengudi ɔni básɔku-nwu bátu na ɔ́sala ɔdanku lɛlɔ na ɔɔdia bɔnu geen.

Yesaia 29:1

Bɔbuɛ beete awɔ Dawid ɔma unengudi, kesii kani básia lɛnyi banii Ariel, ɔsika eeti ƒula akpala teeboku lɛkwa ndi lɛkwa taabakpa.

Litemi Batɛne 9:20

Nsu si ɔɔɔdi lɛni ni, bɛya na ogya ɔsi Abimelek kudɔ na ubakyula Sekem ku Bet-Miloƒuɔ bananabi. Na ami Sekemƒuɔ ku Bet-Milo lɛnɔ bɛya na ogya ɔsi-mii kudɔ na ubakyula Abimelek!”

Litemi Batɛne 9:6

Na Sekem bekyuli ku Bet-Milo bekyuli ƒui bátása kugyii kubendi kalɔ na bése Abimelek ɔga mmɔ.