Samuel 2 5:7 - Katɔti Ɔku Kedee

⁷ Nsu ina ka básu lɛni ni, Dawid ku nwuna bekpone bádi-ma lɛlɔ na béƒie ɔma ɔni na bátu awodu bámana na baalɔ-nwu Sion mmɔ báƒɔ. Na básia mmɔ lɛnyi banii Dawid Ɔma.

Samuel 2 5:7 ပူးပေါင်းရင်းမြစ်များ

Samuel 2 5:8

Na limeyi lɛmmɔ ɔtanta ni, Dawid ɔ́ka nwuna bekpone bɔsu ɔnini, “Asa na bɔdubɔkana na bɔdi Yebusiƒuɔ lɛlɔ ni, ɔlɛka butásia ubu ɔni kemmo na bana ntu bɔɔsia teeduo ɔma ɔmmɔ kemmo. Mmɔ na bɔdubukpoku banumbwɛne ku bani naaakana busie kaduɛ ku bekisine ƒui bani ndubukpoku Dawid mmɔ.” Ɔmmɔ ɔsu na baasu ɔmwi ɔmwi banini, “Banumbwɛne ku bani na balákana busie kaduɛ beléduo ɔga kaduli.”

Samuel 2 5:9

Ka Dawid ɔ́di ɔma ɔmmɔ lɛlɔ ɔ́wɔlɔ ni, úsie útélie ɔma kagyumanakɔ kpakplaa kammɔ kemmo. Na ɔ́sia mmɔ lɛnyi ɔnii Dawid Ɔma. Na ɔ́ya bátu lɛtɔ mmɔ bene bámana ɔ́siku kesii kani na básia atabi ubili bényimi mmɔ kudɔ na nwuna kemmo kakɛ.

Samuel 2 6:10

Anwuɔsu útayɔ ka uti Unwoti Bunyimi Adaka ɔmmɔ usienku kesii kani na básia lɛnyi banii Dawid Ɔma Unengudi. Mmomu údeyiku-nwu úsienku ɔnana ɔni baalɔ Obed Edom ɔni na ɔ́si Gat ɔma mmɔ kaduli.

Samuel 2 6:12

Amu na ukyuli ɔdi úbasu Dawid ka Unwoti úte Obed Edom ku lɛla biala na ubo kusɛ kusɛ na ɔ́ya na ala aatɛ teete nwuna kaduli bekyuli na Bunyimi Adaka ɔni nse-nwu kudɔ ɔsu. Ɔmmɔ ɔsu Dawid ɔ́si Yerusalem mmɔ úsie Obed Edom kudɔ na ɔ́ya na béti Bunyimi Adaka ku kɔgya ku lɛnu yoo na baakɛ́ ebiti.

Samuel 2 6:16

Uwi ɔni na Bunyimi Adaka ɔmmɔ uuduo Dawid ɔma unengudi ɔmmɔ kemmo ni, Saul ubidi ulekubi Mikal unye ɔɔnu-ma taavinku ƒansili. Na ɔni na ɔ́nu kalɛ na Dawid ɔkɛ ɔɔtɔ́ na ɔɔƒulu na Unwoti anumi ni, nwuna lɛlɔ lítayɔ-nwu kaƒɔ munu munu.

Baga 1 2:10

Ɔmmɔ kama ni, Dawid úbenwini kama na báva-nwu na nwuna ɔma unengudi ɔmmɔ kemmo. Na útátɛ nwuna bati kudɔ.

Baga 1 3:1

Na uwi ɔmmɔ ni, Salomo ku Egyipteƒuɔ ɔga bényimi kenye kadi na bábla unwi, na úti ubidi ulekubi. Na úti ugblebi ɔmmɔ úboku ɔma unengudi ɔmmɔ kemmo. Na ɔ́kya mmɔ útédu uwi ɔni na ɔ́tu nwuna kaduli ku Unwoti kakpakɔ ku Yerusalem awodu ammɔ ɔ́mana ɔ́wɔlɔ.

Baga 1 8:1

Amu na Ɔga Salomo ɔ́ya bálɔ Israelƒuɔ benengu ƒui ku baduɔti ku atɔƒi benengu ka bábanu-nwu na Yerusalem, na beti kasusu kalɛ na badubo bɔbla na beti Unwoti Bunyimi Adaka basiku Sion ɔni ndi Ɔga Dawid ɔma unengudi besienku Unwoti kakpakɔ.

Baga 1 9:24

Na uwi ɔni na Salomo ulekudi ɔni ndi Ƒarao ubidi ɔ́si Dawid kesii úse nwuna kaduli kani ɔgyani ɔ́tu úte-nwu kama ni, Salomo ɔ́sia awodu kama ubili ɔmmɔ.

Ala Alɛdi 1 11:7

Dawid úsie útélie ɔma kagyumanakɔ kpakplaa kammɔ kemmo. Na baalɔ mmɔ banii Dawid Ɔma.

Ala Alɛdi 2 24:16

Na báva-nwu na kɔƒiɔtɔ kɔni kemmo na baavá bagadine na Yerusalem, ɔsika ɔ́bla ɔdi úte Israelƒuɔ ku Katɔti ku kakpakɔ kammɔ ƒui.

Ala Alɛdi 2 5:2

Amu na bana ƒui bátása lisu na Salomo kudɔ na bana limeyi bɔdi uwi na kɔbuli maatɛdi kɔni baalɔ Etanim kemmo.

Nehemia 3:15

Na kayakun kani kese kesii kani na ntu bɔɔlɛ taasiku ni, Kol-Hose ubidi Sulum ɔni mɔɔnu Mispa kalɛkɛ lɛlɔ násɔku-ka ɔ́tu. Na ɔ́kya ɔpunu ku kɔbwɛlɛmii ku lɛla biala pɛpɛɛpɛ. Na ɔ́sɔku lɛwoduku lɛni ntɛ ese Siloa Ligyu lɛni nde ɔga kevomadɔ kemo útédu Dawid ɔma kayakun ɔ́tu.

Kɔgya 132:13

Ɔsika Unwoti ɔ́ƒuna Sion na ɔdi-nwu lɛyɔla ka uti mmɔ ɔbla nwuna keliekɔ.

Kɔgya 2:6

“Sion Kɔbi kedee lɛlɔ na líse mina Ɔga Ɔƒunadi líse.”

Kɔgya 48:12

Bɛka bɛmana Sion ɔma ɔmmɔ na bɛka nwuna kɔgyumanakɔ kɔmmɔ.

Kɔgya 48:3

Katɔti ɔ́tina ka nwuna kaduli kadi katamikɔ kabuni geen kesii kani na ɔdubɔgyumana-bu.

Kɔgya 51:18

O Katɔti, ya na kaƒɔ kayɔ-ɔ na abla Sion lɛƒɔndia na asɔku Yerusalem ɔma ɔmmɔ awodu atu.

Kɔgya 87:2

Na ɔɔyɔ́ ɔma unengudi ɔmɛni teetulo kesi kesii na Israel kalɔ lɛlɔ.

Kɔgya 9:11

Bidie lɛnu bimwi Unwoti ɔni nli mɔɔdi lɛga na Sion. Na bibo nwuna ala ani na ɔ́bla kudu na kadi ƒui bekyuli akɔ.

Yesaia 12:6

Amii bani nkya Sion ƒui bidie ɔnu ku kudu momoomo, ɔsika Israel Unwoti Kedee úbomo na bina akɔ.”

Yesaia 59:20

Unwoti ɔnini, “Udiene ɔdubo Sion na udie Yakob kaba kemmo bebi bani ndubunwini kama bakya bana ekpidi.

Yeremia 21:13

Yerusalem, eenye ƒula kɔbi eli taanu teemene ɔkwalɛ na aanu lɛlɔ aani si lɛla lɛdi lilakana awɔ bukpoku. Nsu ami Unwoti líti kɔnyi lɛ́kaya-a geen.

Mika 4:2

Kadi bekyuli badubɔsi kɔlɔ pii lɛlɔ bebo na babasu banini, “Bɛya na bɔkɔ busie Unwoti, Yakob Katɔti, kɔbi lili na nwuna kakpakɔ na ɔtina-bu nwuna lilu na bɔsia-ni lɛlɔ.” Ɔsika Sion mmɔ na badubɔtina-bu ala na bunu Unwoti litemi bɔsiku Yerusalem.

Romaƒuɔ 9:33

Ɔmmɔ ɔsu na bétulo Kristo ɔni nse aani lɛtabi lɛni náda-ma ulu aani kalɛ na ɔkya Bunweni Kedee Ɔku kemmo banini, “Binu! Lɛ́ƒuna lɛtabi lɛdi na Sion lɛni ndubɔya na bekyuli betulo. Na ani kani ndubɔya na begyiile bebuli. Nsu ukyuli biala ɔni maƒɔ-nwu madi ni, kɔƒa kulékpo-nwu kudii.”

Hebriƒuɔ 12:22

Biiise aani Israelƒuɔ bammɔ. Mmomu amii ni, Sion Kɔbi kudɔ na bíbo bínye ɔni ndi Katɔ Ɔga Ɔma Yerusalem ɔni ndi Katɔti ɔni nli ngba uwi ƒui ɔma unengudi. Katɔti batu mpim mpim kasala bani na lɛlɔyɔ lɛ́ƒɔ-ma kemmo na bíbo bíbasiaku.

Budie Taatina 14:1

Ɔmɛni kama ni, lɛ́nu na budie taatina bɔmmɔ kemmo ka Koƒonu Ubi ɔmmɔ unye Sion Kɔbi lɛlɔ. Na bekyuli bani mabla aani mpim eti anyɔ ku aavlene-ine benye mmɔ. Na bekyuli bamɛni atɛntɛ ni, bénweni Koƒonu Ubi ɔmmɔ ku Ɔti lɛnyi básia.