Samuel 2 5:3 - Katɔti Ɔku Kedee

³ Ɔmmɔ ɔsu Israel benengu ƒui bébo Hebron na Dawid kudɔ mmɔ. Na bényimi bunyimi bɔdi ku lɛlɔ na Unwoti anumi. Na bébo Dawid kudu na béwi-nwu lili nnɔmii béti bése-nwu likpo ka anwu ndi Israelƒuɔ ɔga.

Samuel 2 5:3 ပူးပေါင်းရင်းမြစ်များ

Samuel 2 2:4

Ɔmmɔ kama ni, Yudaƒuɔ bani nkya kalɛkɛ kammɔ lɛlɔ ƒui bésie na bátásala lɛlɔ na Hebron. Na mmɔ na béwi Dawid nnɔmii lili na únwini Yudaƒuɔ ɔga. Na uwi ɔni Dawid úbenu ka Yabes Gilead kadi bekyuli náva Saul ka úkpi ni,

Samuel 2 2:7

Na ɔƒɛni ɔni na Saul bina ati úkpi mɛni ni, bise kayi na bɛdi lɛnanabi, ɔsika Yuda kadi bekyuli ƒui báƒuna-mi na línwini bana ɔga.”

Samuel 2 3:21

Ɔmmɔ kama Abner ɔ́su Dawid ɔnini, “Mina Ati, te-mi kuƒi na lɛsɔ linwini kɔnakunwi nteesie Israel bekyuli bamɛni kudɔ. Ndubo-ma kasusu bunwini ƒui na baƒɔ-ɔ aani bana ɔga. Mmɔ asa na adubɔkana na adi-bu lɛlɔ aani ɔga kalɛ na ƒula bɔyɔ kenye.” Dawid lɛnɔ únu ɔmɛni kalɔ úte Abner, na Abner ɔ́yu ulu na atu bɔyɔ kemmo.

Baga 1 1:34

Na mmɔ ni, bɛya ɔkpane Sadok ku Kenye Udiene Natan bewi-nwu lili nnɔmii na bese-nwu likpo ka anwu ndi Israelƒuɔ ɔga. Na bavwi kɔkpɛɛ na bebo kudu momoomo basu banii, ‘Ɔga Salomo ulie ngba gyɔlɔɔ!’

Baga 2 11:17

Na ɔkpane Yehoiada údie bunyimi bɔdi keyi na Unwoti ku ɔga ɔmmɔ ku bekyuli bammɔ ntɛ ka badubunwini Unwoti kadi bekyuli. Na ɔ́sɔ údie bunyimi bamba keyi na ɔga ku bekyuli bammɔ ntɛ.

Ala Alɛdi 1 11:1

Amu na Israelƒuɔ ƒui bésie Dawid kudɔ na Hebron na bábasu-nwu banini, “Abu lɛnɔ bɔdi ƒula lɛlɔ bekyuli.

Ala Alɛdi 1 11:3

Ɔmmɔ ɔsu Israel benengu ƒui bébo Hebron na Dawid kudɔ mmɔ. Na bényimi bunyimi bɔdi ku lɛlɔ na Unwoti anumi. Na bébo Dawid kudu na béwi-nwu lili nnɔmii béti bése-nwu likpo ka anwu ndi Israelƒuɔ ɔga aani kalɛ na Unwoti úse kenye ɔ́siaku Samuel lɛlɔ.

Ala Alɛdi 1 28:4

“Unwoti Katɔti ɔ́ƒuna Yuda ka nwuna kɔdua kɔbla lili na Israel ƒui. Na ɔ́si Yuda ɔmmɔ kemmo na ɔ́ƒuna mina ɔti kaduli. Na mmɔ na ɔ́ƒuna-mi ka linwini Israel ɔga. Na úse kenye lɛnɔ ka mina kaba kemmo bebi badubo lɛlɔ butaadi aani baga kalɛ.

Ala Alɛdi 2 23:16

Amu na Yehoiada úvele Ɔga Yoas ku bekyuli bakladi bammɔ ƒui ka bablaku-nwu unwi na basiaku Unwoti kama siin na basɔ balálɛ-nwu kama. Na bana ƒui bénu kalɔ

Nehemia 9:38

“Ɔ́si ɔmɛni ɔsu ni, buunyimiku-ɔ na kakunkɛ lɛlɔ, na bula batɔnkune ku bula Lewiƒuɔ ku bula bakpane bakya kɔnu kalɔ.”

Israelƒuɔ Bɔlɛ 3:16

Ɔ́sɔ ɔ́su-nwu ɔnii, “Sie na atálɔ Israel atɔƒi benengu ƒui asala na asu-ma anii, ‘Unwoti ɔni ndi bina bati kuuku Abraham ku Isak ku Yakob Katɔti nédie lɛlɔ ɔ́tina-mi ɔnini, lɛ́nu kalɛ na Egyipteƒuɔ baabla-mii kalala.

Yosua 10:36

Ɔmɛni kama ni, Yosua ku nwuna bekpone báta Eglon na bésie Hebron na bétékpoku-ma.

Litemi Batɛne 11:11

Anwuɔsu Yeƒta ku Gilead batɔnkune bammɔ bátɔlɔ, na bábla-nwu bana ɔtɔnkune. Na ɔ́sɔ ɔ́su ala amɛni ƒui na Unwoti anumi na Mispa.

Samuel 1 11:15

Ɔmmɔ ɔsu bésie Gilgal, na mmɔ ni, bana ƒui bénu kalɔ ka Saul ndi Israelƒuɔ ɔga na Unwoti anumi mmɔ. Na bábla akpala béte Unwoti na bákun lɛna lɛmmɔ básala. Ɔmmɔ kama Saul ku Israelƒuɔ bammɔ bádi limeyi na bákɛ ebiti kaduɛ.

Samuel 1 16:13

Amu na Samuel úwilimi nnɔmii bɔmmɔ úwi Dawid lili na nwuna banwani anumi. Na uwi ɔmmɔ kemmo kani na Katɔti Kɔyu kúbo na kɔ́ƒɔ Dawid lɛlɔ kemmo ƒui ku ɔyikun. Na Samuel lɛnɔ únwini úsie Rama.

Samuel 1 23:18

Mmɔ na bana inyɔ bényimi na Unwoti anumi ka lɛla lɛdi lilebile-ma ntɛ. Na Yonatan únwini ɔ́tɔlɔ, nsu Dawid anwu ɔ́ƒɔ lɛlɔ ɔkya Hores mmɔ.