Samuel 2 4:8 - Katɔti Ɔku Kedee

⁸ Na béti Is-Boset kuli kɔmmɔ béboku Dawid na Hebron na básu-nwu banini, “Ɔga ɔbune, aanu Is-Boset ƒula ukisine Saul ubidi lili na búkulo búboku mɛni. Ukyuli ɔmɛni náwia ka ɔdu-ɔ. Na ɔmwi ni, Unwoti ɔ́ya na búdie Saul ku nwuna kaƒɔ ubi kasi búte-ɔ.”

Samuel 2 4:8 ပူးပေါင်းရင်းမြစ်များ

Samuel 2 18:19

Ɔmmɔ kama ni, Sadok ubidi Ahimas ɔ́su ɔnini, “Bɛya na likeli ntásu ɔga lɛla lɛni mɔɔlɛ́, ka Unwoti údie-nwu ɔ́lɛku nwuna bekisine enu kemmo.”

Samuel 2 18:31

Ɔmmɔ kama Kusni ɔmmɔ lɛnɔ úbalɛ na ɔ́su ɔnini, “Mina ati ku ɔga, nu kenye buni kani na ndanku! Unwoti údie-ɔ na ƒula bekisine bani náta banii beekpó-ɔ enu kemmo ɔmwi.”

Samuel 2 2:8

Na uwi ɔmɛni kemmo ni, Ner ubidi ɔnanabi Abner ɔni ndi Saul bekpone ɔtɔnkune úutiku Saul ubidi ɔnanabi ɔni baalɔ Is-Boset úsienku Mahanaim ɔma kemmo.

Samuel 2 22:48

Anwu muudie mina bekisine kasi teete-mi. Na anwu mɔɔyá na kadi bamba bekyuli baakya eli kalɔ teete-mi.

Kɔgya 71:24

Na ndubɔsu uwi ndi uwi kalɛ na ese siin na édie-mi ku ƒula ɔyikun. Ɔsika bekyuli bani ƒui nákali ka babla-mi kalala ni, éboku-ma kalɔ na kɔƒa kúkpo-ma.

Mateo 2:20

Na ɔ́su-nwu ɔnini, “Ta, na eti ubi ɔmmɔ ku uni na asɔ enwini esie Israel kalɔ lɛlɔ. Bekyuli bani náwia ka badu ubi ɔmmɔ béekpi.”

Budie Taatina 18:20

Amii bani nkya katɔ ƒui lɛlɔ lɛyɔ-mii. Na amii Katɔti bekyuli ƒui ku batalane ku Katɔti kenye bediene ni, lɛlɔ lɛyɔ-mii! Ɔsika Katɔti ɔ́tɛku ɔma ɔmmɔ litemi na lɛla lɛni na ɔ́bla-mii ɔsu!’ ”

Budie Taatina 6:10

Ayu amɛni áva ku lɛdi momoomo anini, “Blɔti, ala ƒui lɛlɔ ɔdine, awɔ nse kedee na ƒula etemila lɛnɔ adi litemi geen. Uwi ɛlɛ sɔɔn na adubunye etédu asa na bekyuli bani nádu-bu na kalɔ kamɛni lɛlɔ ni, atɛku-ma litemi na ani-ma kɔtu?”

Samuel 1 18:11

Kɔnakunwi ni, Saul ubo nwuna lɛtula ɔnii ɔɔlɛ Dawid ku kasusu ka ɔkana-nwu ɔmana kowodu lɛlɔ mmɔ. Na kunyɔ sɔɔn na ɔ́bla ɔbladu ɔmɛni, nsu Dawid ababla ɔsu ni, úliiku lɛlɔ ɔni na lɛtula lɛmmɔ lítakɛ-nwu.

Samuel 1 19:1

Limeyi lɛdi ni, Saul ɔ́su ubidi Yonatan ku bekpone batɔnkune bakladi ɔnii badu Dawid. Nsu Yonatan ɔɔyɔ́ Dawid geen.

Samuel 1 19:15

Amu na bekyuli bammɔ bénwini na bátásu Saul lɛla lɛni na Mikal ɔ́su-ma. Nsu Saul ɔ́sɔku bekyuli bammɔ úmene na ɔ́su-ma lɛnɔ ɔnini, “Bɛkpanku-nwu biboku-mi ina kalɛ na ɔtɛ uuƒi mmɔ, na ami ɔlati lɛdu-nwu.”

Samuel 1 20:1

Amu na Dawid úkeli ɔ́si Naiot na Rama kalɔ lɛlɔ mmɔ úsie Yonatan kudɔ. Na útéye-nwu ɔnini, “Bi lɛ́bla iye bɔƒiɔ bɔmadi udu na lɛ́ƒiɔ iye likpidi lɛmani na lɛ́bla ɔsu na ƒ'ɔti ɔsiaku-mi ɔɔwia-mi ɔdu?”

Samuel 1 23:15

Uwi ɔni na Dawid ɔ́kya Siƒ abi kalɔ kakwiidi lɛlɔ na kesii kani na baalɔ banii Hores ni, únu ka banii Saul úbo ekutɛ mmɔ ka nka ubadu-nwu.

Samuel 1 24:4

Amu na Dawid bekyuli bammɔ básu-nwu buɛɛ banini, “Limeyi lɛmɛni geen ndi limeyi lɛni lɛlɔ na Unwoti ɔ́su lɛla lɛdi úse, ɔni na ɔ́su-ɔ ɔnini, ‘Ndubuti ƒula ukisine lɛkya-a enu kemmo na esusu-nwu kalɛ na aayɔ́.’ ” Amu na Dawid ɔ́kpɛ buɛɛ na útékulo Saul awu gyɔlɔɔ ɔni na ɔkya kɔtu, na Saul útati.

Samuel 1 25:29

Unwoti ƒula Katɔti ɔdubɔƒɔ-ɔ na ƒula bekisine enu kemmo ina ka basiaku-ɔ banii baadú-ɔ. Na Unwoti ɔmmɔ ɔlati ɔdubɔyila-ma ngba kɔnakunwi, utulo kalɛ na adubɔkya lɛtabi na kavwinvwi kemmo eƒwimi.