Samuel 2 4:4 - Katɔti Ɔku Kedee

⁴ Saul ubidi Yonatan ɔ́wɔ ubi ɔdi na baalɔ-nwu banii Meƒiboset. Na ubi ɔmɛni ɔdi ubi ɔni na kasɔma ekubi eeebo-nwu ɔkplu ɔsu ulakana busie ɔ́si uwi ɔni na ɔ́ƒɔ aani akwa alɔ. Uwi ɔmmɔ kemmo na Saul ku Yonatan kukpi kenye kási kekpokɔ na Yesreel kébedu ɔma bekyuli. Amu ka ɔtɔtɔ ɔ́gyu ulekubi ɔni mɔɔnu Meƒiboset ɔmɛni lɛlɔ na ɔ́gyu ɔnamu ɔmmɔ na beekeli ni, ubi ɔmmɔ ɔ́lɛ úbo na ɔ́ƒɛ lɛlɔ, anwuɔsu na ɔ́sɔ útakana busie.

Samuel 2 4:4 ပူးပေါင်းရင်းမြစ်များ

Samuel 2 21:7

Na Meƒiboset ɔni ndi Saul uwɔ na ɔdi Yonatan ubidi ni, Ɔga Dawid ɔ́ƒɔ-nwu ngba. Ɔsika Ɔga Dawid lɛnɔ ɔ́kpali ala úse kenye kadi na Unwoti anumi na anwu ku Saul ubidi Yonatan ntɛ.

Samuel 2 9:13

Ɔmmɔ ɔsu Meƒiboset ɔni na ɔdi ukyuli ɔni na ɔ́ƒɛ uwi kalɔ na ulákana busie anwu ɔlati ni, ɔ́ƒɔ lɛlɔ ɔ́kya Yerusalem na Dawid kesii, ɔsika mmɔ na ɔɔdi nwuna adila biala.

Samuel 2 9:3

Amu na Dawid úye-nwu ɔnini, “Saul kaba kemmo ubi ɔdi ɔsɔ útebu ɔɔɔkya ngba na lɛbla-nwu Katɔti lɛƒɔndia?” Mmɔ na Siba údie kenye ka ukyuli ɔdi ɔkya. Na anwu ndi Meƒiboset ɔni na ɔdi Yonatan ubidi. Nsu ubidi ɔmɛni ɔ́ƒɛ uwi kalɔ.

Samuel 2 9:6

Ka Yonatan ubidi Meƒiboset úbeduo ni, úbo kalɔ buɛɛ na ɔ́kya Ɔga Dawid lili kalɔ ku ɔbu. Amu na Ɔga Dawid úye-nwu ɔnini, “Awɔ ndi Meƒiboset?” Údie kenye ɔnini, “Ati ami ƒula kabla ɔblane na ɔdi.”

Baga 1 11:17

Nsu Hadad úkeli úsie Egyipte uwi ɔni na ɔmu ɔdi ɔnamu, anwu ku Edomƒuɔ bakutine bani nátaabla kabla teete ɔti.

Ala Alɛdi 1 8:34

Na Yonatan ubidi ndi Merib-Baal ɔni náwɔ Mika.

Ala Alɛdi 1 9:40

Na Yonatan ubidi ndi Merib-Baal. Na Merib-Baal ɔ́wɔ Mika.

Samuel 1 29:1

Uwi ɔmmɔ kemmo ni, Ƒilistiƒuɔ básala bana bekpone na kesii kani na baalɔ Aƒek. Na Israelƒuɔ ama bábla keliekɔ na Yesreel Ketu kalɛkɔ.

Samuel 1 29:11

Ɔmmɔ ɔsu Dawid ku nwuna badi báta ɔtanta tutuutu na báyu ulu bésela bana keliekɔ na Ƒilistiƒuɔ kalɔ kemmo. Na Ƒilistiƒuɔ bekpone bammɔ lɛnɔ bátɔlɔ bésie Yesreel.