Samuel 2 3:1 - Katɔti Ɔku Kedee

¹ Kekpo kani nákya Dawid kaduli bekyuli ku Saul kaduli bekyuli ntɛ kétu uwi geen. Na bekyuli pii bénwini baasiaku Dawid kama, nsu Saul kaba kemmo bekyuli baasá.

Samuel 2 3:1 ပူးပေါင်းရင်းမြစ်များ

Ala Kalɔ Buse 3:15

Na ndubɔya na awɔ ku uleku ɔmɛni binwini bekisine, na ƒula ubi ku uleku ɔmɛni ubi lɛnɔ benwini bekisine. Ɔdubo-ɔ lili bubo bɔbwɛ, na awɔ adu-nwu lɛnikpo.”

Samuel 2 2:17

Kekpo kani na békpo limeyi lɛmmɔ káyu ɔkplu geen na Dawid bekyuli bádi Abner ku nwuna Israelƒuɔ bekpone lɛlɔ.

Samuel 2 2:28

Ɔmmɔ ɔsu Yoab ɔ́vwi kakpɛɛ na anwu badi báda Abner ku nwuna bekpone bɔbɔku báya na básɔ bétekpoku-ma.

Samuel 2 22:44

“Áƒɔ-mi álɛku batuɔkplune enu kemmo. Na áya na línwini kadi bekyuli ƒui ɔtɔnkune. Na kadi bekyuli bani na lɛɛɛgyi kudii mɛni muedi ni, awɔ Unwoti áya na bakya-mi kalɔ.

Samuel 2 3:6

Na ɔ́si uwi ɔmmɔ kemmo ni, Saul ku Dawid kaduli bekyuli ntɛ kekpo kamu keesié anumi. Na Abner ɔdaku kenyekɔ bɔkɛ na Saul bekyuli akɔ.

Samuel 2 5:10

Na ka Unwoti Katɔti Ɔyikune Ƒui ɔsiaku-nwu ɔsu ni, nwuna ɔyikun ɔ́sɔ úsie anumi kaduɛ.

Baga 1 14:30

Na uwi ɔmɛni ƒui kemmo ni, Rehabeam ku Yerobeam béteekpoku lɛlɔ pla pla.

Baga 1 15:16

Kekpo sɔɔn nákya Ɔga Asa ku Israelƒuɔ Ɔga Basa ntɛ uwi ɔni na bélie bátaadi lɛga.

Baga 1 15:32

Na Ɔga Asa ɔni na ɔ́si Yuda ku Ɔga Basa ɔni ɔ́si Israel lɛga bɔdi uwi ni, kekpo lɛti lɛti nákya-ma ntɛ.

Ala Alɛdi 1 11:9

Na ka Unwoti Ɔyikune Ƒui ɔsiaku Dawid ɔsu ni, nwuna ɔyikun ɔ́sɔ úsie anumi kaduɛ.

Ala Alɛdi 1 3:1

Bebi bamɛni na báwɔ béte Dawid na Hebron. Na ubi udeedi ɔni na ɔ́wɔ ni, baalɔ-nwu banii Amnon. Na uni ɔdi Ahinoam ɔni nási Yesreel. Na unyɔdi ndi Daniel ɔni ndi Abigail ɔni nási Karmel ubidi.

Ester 6:13

Na útásɔku ala ani nálɛ mɛni ƒui ɔ́su ulekudi ku nwuna bakpana. Amu na nwuna bakpana ku ulekudi básu-nwu banini, “Si anii Yudani na Mordekai ɔdi bɔdi ni, na agyi anii adubo bɔnɔ geen! Na si étewi lɛlɔ adubɔyii udu muedi.”

Ester 9:4

Mordekai únwini ukyuli unengudi geen na úbaƒɔ lɛnyi na kɔlɛkɛ kɔmmɔ ƒui kemmo ɔni na bɔkɔ kani na nwuna ɔyikun ɔɔkɔ́ katɔ uwi biala.

Hiob 17:9

Bekyuli bani nse siin beenye bana ala siin bɔbla lɛlɔ, na bana ɔyikun ɔɔkɔ́ katɔ teebu uwi biala.

Hiob 8:7

Na akɛla ani ƒui na ákɛ ábavi ni, aaadubo-nya bɔbu, ɔsika Unwoti ɔdubute-ɔ ala ani ntulo ammɔ ƒui uwi ɔni mebo.

Kɔgya 18:43

Áƒɔ-mi álɛku batuɔkplune enu kemmo. Na áya na línwini kadi bekyuli ƒui ɔtɔnkune. Na kadi bekyuli bani na lɛɛɛgyi kudii mɛni muedi ni, awɔ Unwoti áya na bakya-mi kalɔ.

Kɔgya 46:9

Ɔɔyá na kekpo biala kenye kaayɔ́ na kayawi kesii biala. Na ɔɔƒɛ kɔtaminta kɔmmɔ ku atula ƒui na ɔɔkyula ala ani ƒui na beeti teesienku kekpokɔ taatágyumana lɛlɔ.

Kɔgya 84:7

Na baakɛ́ ɔyikun teebu limeyi ndi limeyi. Na badubɔnu benwoti ƒui Unwoti ɔni ndi Katɔti na Sion Kɔbi lɛlɔ.

Galatiƒuɔ 5:17

Na ala ani na bula ɔlɔna ɔɔyɔ́ ni, aata teenye ala ani na Kɔyu kɔɔyɔ́ lɛlɔ. Lɛni kani na ala ani na Kɔyu lɛnɔ kɔɔyɔ́ aata teenye ala ani na ɔlɔna ɔɔyɔ́ lɛlɔ. Na ɔlɔna ku Kɔyu kɔmɛni badi bekisine bete lɛlɔ. Anwuɔsu bɛsɔ bilakana na bitaabla lɛla biala mɔɔda-mii ɔkwɛ.

Eƒesoƒuɔ 6:12

Ɔsika ɔɔɔdi abu ku bekyuli muukpó. Mmomu abu ku bayikune ku kenyekɔ biala ku kayawi kamɛni lɛdisa ku kayaa bayikune bekpidi ƒui muukpó.

Budie Taatina 6:2

Na lɛ́nu ɔpɔnkɔ ɔƒualadi ɔdi ka unye. Ukyuli ɔni nlie ɔpɔnkɔ ɔmmɔ lɛlɔ ɔ́da kataminta na béti kagabwa kadi béte-nwu. Ukyuli ɔmɛni ulie ɔpɔnkɔ ɔmmɔ lɛlɔ aani ukpone lɛlɔ ɔdine ɔni nésela utádi lɛlɔ.