Samuel 2 2:6 - Katɔti Ɔku Kedee

⁶ Na muuvele Unwoti nnii ɔbla-mii lɛƒɔndia. Na ɔdi nwuna litemi lɛlɔ siin ute-mii. Na ami lɛnɔ ndubɔnu-mii kɔnyana lɛni kani na lɛla lɛni na bɛ́bla mɛni ɔsu.

Samuel 2 2:6 ပူးပေါင်းရင်းမြစ်များ

Samuel 2 10:2

Ka Dawid únu-nwu kukpi ni, ɔ́su ɔnini, “Ndubɔbla lɛla lɛbuni lɛdi lite Hanun. Ɔsika lɛni kani na ɔti Nahas ɔ́bla-mi lɛƒɔndia.” Ɔmmɔ ɔsu Dawid ɔ́tala nwuna bekyuli badi ka batásia Hanun kɔnu na ɔti kukpi ɔsu. Ka Dawid bekyuli bétéduo Amon kalɔ lɛlɔ ni,

Samuel 2 15:20

Kaama kani na ási ébeduo na utalɛka ɔmwi ɔmɛni na litiku-ɔ na butátaaka taamana kalɔ bamba ƒui lɛlɔ ɔni na lɛɛɛgyi kesii kani na bɔdubɔwɔ. Nwini ku ƒula bekyuli na biteesie na Unwoti ɔnu-ɔ kɔnyana na ute-ɔ kusɛ kusɛ.”

Samuel 2 2:7

Na ɔƒɛni ɔni na Saul bina ati úkpi mɛni ni, bise kayi na bɛdi lɛnanabi, ɔsika Yuda kadi bekyuli ƒui báƒuna-mi na línwini bana ɔga.”

Samuel 2 9:3

Amu na Dawid úye-nwu ɔnini, “Saul kaba kemmo ubi ɔdi ɔsɔ útebu ɔɔɔkya ngba na lɛbla-nwu Katɔti lɛƒɔndia?” Mmɔ na Siba údie kenye ka ukyuli ɔdi ɔkya. Na anwu ndi Meƒiboset ɔni na ɔdi Yonatan ubidi. Nsu ubidi ɔmɛni ɔ́ƒɛ uwi kalɔ.

Samuel 2 9:7

Mmɔ na Dawid ɔ́su-nwu ɔnini, “Tayia, ɔsika lɛ́bla kasusu ka lɛbla-a lɛƒɔndia. Na ndubɔnu-ɔ lɛlɔ na ƒ'ɔti Yonatan ɔsu. Na ndubɔsɔku kɔlɔ kɔni ƒui ndi ƒula nana ɔnana Saul kɔdi ƒui lite-ɔ. Na ɔɔɔdi ɔmmɔ lɛti, mmomu adubo butaadiku-mi uwi biala na mina kadikɔ.”

Kɔgya 57:3

Na adubo-mi bubunku bɔsiku katɔ mmɔ. Na adubo bekyuli bani nábi basiaku-mi beekpóku-mi mmɔ bɔbɔku. Na atina ka aadi ƒula litemi lɛlɔ na aayɔ́-mi.

Israelƒuɔ Bɔlɛ 34:6

Amu na Unwoti úsie ɔ́vi Mose anumi na ɔ́su-nwu ɔnini, “Ami Unwoti ndi Katɔti ɔni mɔɔnu kɔnyana, na mɔɔbla lɛƒɔndia uwi ƒui, na neeeti kɔnyi pla pla. Mmomu mɔɔyɔ́ mina bekyuli na mɔɔbla ala ulu lɛlɔ teete-ma.

Agba 14:22

Si aawia ukyuli likpidi ni, adubo bɔyii. Nsu si lɛbuni na aawia ukyuli ni, Unwoti ɔdubɔyɔ-ɔ uwi ndi uwi na ɔdi nwuna litemi lɛlɔ ute-ɔ.

Mateo 10:16

“Bɛnu! Mɔɔtala-mii aani baƒonu lɛkya begiti akɔ. Binye kagyumana aani balakpi kalɛ, nsu bɛda lɛlɔ aani babloduma.

Mateo 5:44

Nsu ɔƒɛni ni, ami mɔɔsu-mii nnii bɛyɔ bina bekisine na bɛkpali katɔ bite bekyuli bani muukpóku-mii.

Mateo 5:7

Lɛlɔ litaayɔ bekyuli bani mɔɔnu bana bekyulikpana kɔnyana. Katɔti ɔdubɔnu-ma kɔnyana.

Yosua 2:14

Na Israelƒuɔ batu inyɔ bamɛni básu Rahab banini, “Si bútadi lɛla lɛni bɔdubo-ɔ bɔsu mɛni lɛlɔ ni, Katɔti ɔdu-bu. Na si átasu ukyuli ɔdi lɛla lɛni ɔsu búbo mɛni ni, buusé-ɔ kenye ka bɔdubɔbla-mii lɛƒɔndia si Unwoti úti kalɔ kamɛni ɔ́kya-bu enu kemmo.”

Rut Keliela Ɔku 1:8

Uwi ɔni bésela ni, Naomi ɔ́su nwuna bebi bele bamɛni ɔnini, “Binwini biteesie bina ɔma na bitélie bina beni kudɔ. Na muuvele Unwoti nnii ɔbla lɛƒɔndia ute-mii aani kalɛ na bɛ́bla lɛƒɔndia bíte-mi ku bina bagya bani nékpi mmɔ.