Samuel 2 18:2 - Katɔti Ɔku Kedee

² Dawid údie bekpone bammɔ ulu na esu atɛ kemmo. Na Yoab ntɔnku linwi na ɔnwani Abisai ɔni ndi Seruia ubidi ntɔnku linyɔdi. Na Itai ɔni ndi Gatni ɔtɔnku lɛkpa lɛtɛdi. Na Ɔga Dawid ɔ́su-ma ɔnini, ami ɔlati lɛnɔ ndubo-mii bɔsiaku.

Samuel 2 18:2 ပူးပေါင်းရင်းမြစ်များ

Samuel 2 17:11

“Anwuɔsu ami mina kasusu ndi ka aya na Israelƒuɔ ƒui ɔ́si Dan útédu Beer-Seba na kalɛ na bemomo aani ɛpu kɔnwinimi kenye ni, basala na awɔ atɔnku-ma esienku kekpo kammɔ.

Samuel 2 21:17

Nsu Seruia ubidi Abisai úkeli na úbaƒɔ Dawid na ɔ́tu ɔnana ɔmmɔ ɔ́va kalɔ na ɔ́du-nwu. Mmɔ na Israelƒuɔ bákpali ala bése kenye ka basɔ beleti Dawid balada bana kekpokɔ kadi kalɛ na bana asogya weni.

Samuel 2 23:18

Abisai ɔni ndi Yoab ɔnwani na bana uni ndi Seruia ni, anwu ndi bekpone ɛtɛ bammɔ ɔtɔnkune. Na anwu néti nwuna kewii na ɔ́du nkyuli eti aku. Na mmɔ na ɔ́ƒɔ lɛnyi geen.

Samuel 2 8:16

Na Seruia ubidi Yoab ndi bana bekpone bammɔ ɔtɔnkune. Na Ahilud ubidi ɔni baalɔ Yehosaƒat mɔɔnu ekposela ala lɛlɔ.

Baga 1 2:28

Ka Yoab únu lɛla lɛni na Ɔga Salomo ɔ́bla mmɔ ni, úkeli, ɔsika anwu ku Adonia nábla kasusu. Nsu anwu ku Absalom bátabla kasusu kadi. Amu na Yoab úkeli útéduo Unwoti Adi Kevo kammɔ kemmo na útéƒie bebuo ese ani nlɛ lɛkpabi lɛmmɔ lɛlɔ ɔ́da.

Kɔgya 3:6

Na liƒu biala lítada-mi na bekisine mpim liti bani náka bámana-mi ɔsu.

Litemi Batɛne 7:16

Na úle bekpone bammɔ akpa atɛ na úti kɔkpɛɛ ku ebui ani kemmo na likpo lɛkya ute ɔdi biala na ɔda.

Litemi Batɛne 7:19

Gideon ku nwuna nkyuli eti anyɔ báni béde kesii kani na Midianƒuɔ bammɔ básala lɛlɔ mmɔ na uwi ɔni kani na ukyuli ɔni mɔɔgyumana Midianƒuɔ bammɔ bavumana lɛlɔ na usien ntɛ ɔmmɔ. Mmɔ kani na bávwi bana kɔkpɛɛ na bébo bana ebui bábwɛ.

Litemi Batɛne 9:43

Anwuɔsu anwu lɛnɔ úti nwuna bekpone na úle-ma akpa atɛ na bátábɛ bákya bana mmo mmɔ. Uwi ɔni na ɔ́nu ka bekyuli bammɔ bálɛ ɔma ɔmmɔ kemmo badubo ni, ɔ́ta na útékpoku-ma.

Samuel 1 11:11

Ɔƒɛni údu uwi ɔni na kadi keteegye ni, Saul úle nwuna bekyuli kemmo akpa atɛ. Na ɔtanta tutuutu ni, bétéyu Amonƒuɔ bátu na bádu-ma laa útédu ɔƒiiwi. Na Amonƒuɔ bakladi bani nébu ni, bégyingya bákya aku kemmo ƒui bávi ɔni na básɔ bátasala lisu na kesii kadi.