Samuel 2 15:2 - Katɔti Ɔku Kedee

² Absalom ɔɔyɔ́ bɔta ɔtanta tutuutu teeténye ulu lɛlɔ na ɔma ɔban kayakun kenye. Na si ukyuli ɔdi ɔda litemi lɛdi úselaku ɔga na basu-ni bete-nwu ni, na Absalom ɔkpali ukyuli ɔmmɔ na uye-nwu kesii kani na ɔ́si. Na ukyuli ɔmmɔ lɛnɔ ɔsu-nwu ɔtɔ ɔni kemmo ubi na ɔdi.

Samuel 2 15:2 ပူးပေါင်းရင်းမြစ်များ

Ala Kalɔ Buse 34:20

Anwuɔsu Hamor ku Sekem bésie ɔma ɔmmɔ ɔban kenye na bátátɛmiku bana ɔma banana.

Samuel 2 19:8

Anwuɔsu Ɔga Dawid ɔ́ta na útélie kalɔ na ɔma ɔban ɔmmɔ kayakun kenye. Na ka básu bekyuli bammɔ banii Ɔga Dawid ulie ɔban kenye mmɔ ni, bana ƒui bálɛ bébo-nwu kudɔ. Uwi ɔmmɔ ni, Israelƒuɔ békeli bésie bana lɛma.

Ala Alɛdi 2 10:7

Amu na bédie kenye banini, “Si aayɔ́ anii bekyuli bamɛni bábla-a kabla na beteenu-ɔ litemi bɔdi ni, amu taabla lɛƒɔndia na ese-ma kenye ka adubɔya na bana kabla kasɔ kalayu ɔkplu mmomu kadubɔbla buɛɛ.”

Hiob 24:14

Ɔƒɛ bɔnu kani na benye bagya, na badu bawabane ku bani ƒui mɔɔyaki ala. Na usien ɔmmɔ kani na beeyú ala lɛnɔ.

Israelƒuɔ Bɔlɛ 18:14

Amu ka nwuna aasi ɔ́nu kabla kani na Mose ɔkya ɔɔbla teete bekyuli bammɔ ni, úye-nwu ɔnini, “Bi kabla udu na awɔ lɛti enye aabla teete bekyuli bamɛni lɛni? Bi ɔsu na awɔ lɛti mɔɔbla ɔmɛni, na bekyuli benye-ɔ lɛlɔ ɔ́si ɔtanta útédu usien ka atɛ bana litemi ete-ma?”

Israelƒuɔ Bɔlɛ 18:16

Na si nkyuli inyɔ bakɛ litemi ni, beebo-mi kudɔ na lɛtɛ-ni lite-ma, na lɛsia ɔmmɔ lɛlɔ lɛtina-ma Katɔti ɔda bubo ala.”

Israelƒuɔ Bɔlɛ 18:26

Na bekyuli bamɛni baatɛ etemila teete Israelƒuɔ uwi ndi uwi. Na beeti etemila ani mbo ɔkplu teete Mose na ɔɔtɛ. Nsu ani neeebo ɔkplu ni, ama alatidi mɔɔtɛ-nya.

Agba 4:16

Ɔsika bekyuli bekpidi balátuna bɔtɛ talɛɛ útédu ka bábla likpidi. Likyulikpi bɔbla liiyú-ma lɛlɛlɛ wetédu ka bebile ukyuli ɔdi ngba.

Daniel 11:21

“Ɔga ɔni na badubo buse na katɔ kakɛ mmɔ na udeedi kenye ni, ɔdubɔbla ukyuli ukpidi ɔni nátamanku útete lɛla lɛdi bɔbla. Na útasi baga liku lɛnɔ. Nsu ɔdubo bɔda bɔlɛ kɔnakunwi ku kenyemini ku katɔlɔ na ɔdi lɛlɔ na lɛga kadikɔ kammɔ kemmo.

Mateo 27:1

Ka kadi kégye ni, bakpane benengu ku ɔma benengu bálɛ ugyii ka badubɔdu Yesu.

Lɛkpa Ulu 17:8

Bɛya na buti-nwu bɔnii etemila adi akya na étulo-mii bɔtɛ aani ukyuli bɔdu na ulu ɔdi lɛlɔ litemi iye ukyuli bubo bɔkya ɔlɛ litemi ku etemila bɔni teenene na litemi katɛkɔ. Na si etemila amɛni udu álɛ ni, bisie kesii kani na bina Unwoti Katɔti ɔ́tina-mii ka bitaakpa-nwu mmɔ.

Rut Keliela Ɔku 4:1

Amu na Boas ɔ́ta úsie ulie ɔma ɔmmɔ bekyuli kasakɔ kani nkya kabanye. Na ɔ́nu ukyuli ɔni lɛlɔ kɔtɛ na ɔ́tɛmi ku Rut ka ɔlɛka ɔdi Elimelek ala. Amu na Boas ɔ́kpali-nwu ɔnini, “Mina ɔkpana, bo na ebelie-mi kudɔ mɛni.” Amu na ɔnana ɔmɛni lɛnɔ úsie útélie-nwu kudɔ mmɔ.