Samuel 2 13:4 - Katɔti Ɔku Kedee

⁴ Yonadab ɔmɛni úye Amnon ɔnini, “Bi ɔsu na awɔ ɔga ubi ƒula anumi aatina aani lɛla lɛdi muukpóku-ɔ ɔtanta ndi ɔtanta si áta na uládia-a na asu-mi?” Mmɔ na Amnon údie kenye ɔnini, “Mɔɔyɔ́ Tamar mina ɔnwani Absalom ɔnwani ulekubi geen.”

Samuel 2 13:4 ပူးပေါင်းရင်းမြစ်များ

Samuel 2 13:3

Na uwi ɔmmɔ Amnon ubo ɔkpana ɔdi na baalɔ-nwu Yonadab ɔni ndi ɔnana ɔni baalɔ Simea ubidi. Simea ɔmɛni ɔdi Dawid ɔnwani. Yonadab ɔdi ukyuli ɔni na ubo lɛkwɛ geen.

Samuel 2 13:5

Amu na nwuna ɔkpana Yonadab ɔ́kya-nwu kasusu ɔnini, “Teesie na atátɛ kpoo aani si buƒi na ada. Na si ƒ'ɔti úbo ubegyele-ɔ ni, na asu-nwu anini, ‘Mɔɔwia ka mina ɔnwani ulekubi Tamar ubawia lɛla lɛdi ute-mi na lɛdi. Anwuɔsu ya na ubo ubanwa adila ammɔ na mina anumi na ntaanu-nwu na anwu kani ɔkya-mi adila ammɔ ku nwuna kɔnu.’ ”

Baga 1 21:5

Amu na ulekudi Isebel úbo na úye-nwu ɔnini, “Bi muukpóku-ɔ lɛni na éni anii aladi muedi?”

Baga 1 21:7

Amu na Isebel ɔ́su ɔgyani ɔnini, “Lɛni na ɔlɛka awɔ Israelƒuɔ ɔga abla ala avinku? Ta na adi na akɛ ebiti. Na ndubɔƒɔ Yesreelni Nabot kalɔ kammɔ lite-ɔ.”

Yesaia 3:9

Na bana anumi lɛlɔ muedi adubɔnu bana bɔƒiɔ ati. Na anumi ku anumi na baabla ekpidi ammɔ, aani Sodom kadi bekyuli kalɛ na balábɛla-nya muedi. Bɔbuɛ ute-ma! Ama alati néti bana ɔgbankpi kɔtu bɔni béboku lɛlɔ.

Yeremia 8:12

Ɔlɛka nka kɔƒa kukpo-ma na bana alaekpidi ani muusé lɛlɔ mmɔ ɔsu, nsu bana anumi aláƒalɛ muedi. Anwuɔsu si lɛ́ni Yuda kɔtu ama ɔdi ɔdubo bɔsa na bekpi aani kalɛ na bekyuli bamba lɛnɔ beekpi na beduo kubiɔ.

Lewiƒuɔ Ɔda Bubo 18:9

“ ‘Útalɛka ukyuli ɔdi ku ɔnwani ulekubi bani nási bawɔne benwi kudɔ batɛ ina kaduli mmɔ na báwɔ-nwu iye kesii bamba.

Lewiƒuɔ Ɔda Bubo 20:17

“ ‘Si ɔnana ɔdi úti ɔnwani ulekubi, ɔti ubidi na ɔdi o-o, uni ubidi na ɔdi o-o ni, ɔdi kɔƒa ala bɔbla na ɔlɛka bedie-ma bana badi akɔ.

Mika 7:3

Bekyuli baasála lɛlɔ taabla unwi ka babla alaekpidi na bana ablala ɔsu. Litemi batɛne ku bana benengu baawia ka baƒɔ ala basiku bekyuli kudɔ na bɔbɛ kemmo. Na lɛlɔ badine baanya bekyuli taakya na litemi katɛkɔ.

Luka 12:32

“Mina basiakune lisu libliidi, bitayia. Ɔsika ɔdi Katɔti lɛƒɔyɔ ka ute-mii nwuna lɛga kadikɔ.