Samuel 2 11:1 - Katɔti Ɔku Kedee

¹ Amu na lɛkwa kalɔ kesekɔ, uwi ɔni na baga baata teekpoku lɛlɔ ni, Dawid úti Yoab ku ɔga bekpone batɔnkune ku Israel bekpone bammɔ ƒui úmene ka betékpoku Amonƒuɔ. Bésie na bátádi Amonƒuɔ lɛlɔ na báka ɔma ɔni baalɔ Raba bákya. Nsu Dawid ɔlati anwu útesie kekpokɔ, mmomu ɔ́ƒɔ lɛlɔ ɔ́kya kama na Yerusalem.

Samuel 2 11:1 ပူးပေါင်းရင်းမြစ်များ

Samuel 2 10:14

Na ka Amonƒuɔ bánu ka Siriaƒuɔ békeli bátɔlɔ ni, ama lɛnɔ békeli bétéduo bana ɔma unengudi ɔmmɔ kemmo. Anwuɔsu Yoab ku nwuna bekpone ƒui bénwini bésie Yerusalem.

Baga 1 20:22

Ɔmmɔ kama ni, kenye udiene ɔmmɔ ɔ́sɔ úbo Israelƒuɔ ɔga kudɔ na ɔ́su-nwu ɔnini, “Nye ƒula kenyekɔ kpakplaa na anu lɛla lɛni malɛ. Ɔsika ketudi uwi kani ndubo mɛni ni, Siriaƒuɔ badubo bebekpoku-mii lɛnɔ.”

Baga 1 20:26

Na ka ketudi kammɔ kédu ni, Ben-Hadad ɔ́lɔ Siriaƒuɔ bekpone na anwu ku-ma bésie ɔma unengudi ɔni baalɔ Aƒek ka betékpo ku Israelƒuɔ.

Ala Alɛdi 1 20:1

Na ɔtumawi bamba uwi ɔni na kɔlɔ baga baata lɛlɔ kekpo ni, Yoab ɔ́tɔnku Israel bekpone na bétékpo Amon kalɔ na bábwɛ bana lɛma bávi. Na békpoku Raba bana ɔma unengudi ɔmmɔ na bétu ala bábwɛ béwi. Nsu Dawid anwu ɔ́sɔ ɔ́kya Yerusalem.

Ala Alɛdi 2 36:10

Uwi ɔni na ketudi keesé kalɔ ni, Babilon Ɔga Nebukadnesar ɔ́ya na béƒie Yekonia na úti-nwu úsienku Babilon na ɔ́sɔ útiku ala abambadi ani lɛnɔ náƒɔ kuye geen ɔ́siku kakpakɔ kammɔ kemmo. Ɔmmɔ kama Nebukadnesar ɔ́ƒuna Sedekia ka unwini Yudaƒuɔ ɔga.

Kɔgya 60:9

Na Ukyuli bamba ɔdi uuubo ɔni ndubɔtɔnku-bu na busie butékpo lɛma linengudi lɛni na bátu awodu kpakplaa bámana mmɔ. Na ɔdi lɛnɔ uuubo na ɔtɔnku-bu na butékpo Edom kalɔ lɛlɔ bekyuli.

Etemila 3:8

Uwi ɔni na baayɔ́ lɛlɔ ɔkya, na uwi ɔni na beekisi lɛlɔ lɛnɔ ɔkya. Na uwi ɔni na beekpó kekpo ɔkya, na uwi ɔni na beewi kenye ntu taabla unwi lɛnɔ ɔkya.

Yeremia 49:2

Ndubo bekpone badi buti bumene-mii limeyi lɛdi na bebekpo-mii na bina ɔma unengudi ɔni ndi Raba na babwɛ-nwu ƒui kede kede. Na badubo lɛma lɛkladi lɛni na amadɔ bɔkyula bunwini ntɔ. Bɛ́ƒɔ Israelƒuɔ kalɔ kadi, nsu limeyi lɛmmɔ lɛlɔ ni, Israel ɔdubɔƒɔ awɔ kadi!

Yeremia 49:3

“Amii Hesbon bekyuli, biteewulo! Bina ɔma ɔdubunwini kebu alakpi, ɔsika bábwɛ Ai na ɔ́yii udu. Bɛdubo buteekeli taaka taamana bɛnii bɛɛwia katamikukɔ, nsu ala adubo-mii bɔbala na lɛƒɛnyi ƒui lɛlɔ. Bɛdubo bunwini, ɔsika bina kɔsiakɔ ƒui kɔdubo buti na bilákɛ kasiakɔ kadi. Na amii Rabaƒuɔ, biti kɔnyana ala bɛda na biteewulo kɔnyana, ɔsika badubo bina baƒiɔ Milkom bani na bɛɛkpá buti bɔtɔlɔku busienku ɔlɔgyu kakaaka na kaƒɔ. Na betiku bina bakpane ku bina benengu bammɔ ƒui.

Esekiel 21:20

Na atina-nwu nwaa kesii kani na lilu lɛmmɔ líti lísela. Unwi úsela Raba ɔni ndi Amon kalɛkɛ ɔma unengudi. Na unyɔdi úsela Yerusalem, Yudaƒuɔ ɔma unengudi ɔni na bátu kɔgyumanakɔ bámana.

Amos 1:14

Anwuɔsu ndubɔya na ogya ubakyula Raba ɔma na ubile nwuna kɔgyumanakɔ kɔni na ɔ́tu. Na bekisine badubo kudu butaabla na bebekpo-ma aani ɔƒɛƒɛɛ ɔni mɔɔkya ligede.

Sakaria 14:3

Na Unwoti ɔdubo kadi kammɔ bukpoku aani kalɛ na ukpone uukpó na kekpokɔ.

Lɛkpa Ulu 3:11

Na Raƒa bekyuli ƒui kemmo ni, Ɔga Og lɛti pɛ nébu. Na binu! Nwuna lɛla lɛni lɛlɔ na ɔɔtɛ ni, nwuna bune butulo lɛgba leevu-ɛtɛ. Na nwuna bɔbɛbɛ bɔbla aani lɛgba ɛku. Na abuala lɛti lɛti na béti bábla lɛla lɛmmɔ. Na kamu kese Arnonƒuɔ ɔma ubendi ɔni baalɔ banii Raba ɔmwi kadi.

Samuel 1 18:30

Na uwi ndi uwi ni, Ƒilistiƒuɔ batɔnkune beetiku bana bekpone teetékpoku Israelƒuɔ. Nsu uwi biala na báta lɛni ni, Dawid ku nwuna bekpone baadi-ma lɛlɔ. Na Saul ukpone ɔtɔnkune ɔdi ɔsɔ ulákana-ma lɛlɔ bɔdi aani Dawid kalɛ. Ɔmmɔ ɔsu Dawid úbaƒɔ lɛnyi geen.