Samuel 2 1:6 - Katɔti Ɔku Kedee

⁶ Amu na ɔnana ɔmmɔ údie kenye ɔnini, “Ami ɔlati nnye Gilboa Kɔbi lili mmɔ geen kesii kani na kekpo kamɛni kálɛ. Na ka atula ákɛ Saul na ɔ́ƒɔ ɔlɛ ɔsu ni, bɔyɔlɔ kani na ɔ́yɔlɔ ɔ́ƒa nwuna lɛtula lɛni na ɔpima ɔ́lɛ kalɔ mmɔ lɛlɔ. Na uwi ɔmmɔ kemmo ni, bekisine bani nli ɔpɔnkɔ kɛɛkɛ kemmo na békeli basia Saul kama badaku bɔni bude-nwu geen.

Samuel 2 1:6 ပူးပေါင်းရင်းမြစ်များ

Samuel 2 1:21

“O Gilboa abi, muuvele nnii, ɔnantu iye amii muedi asɔ atayu etewi mmɔ. Na edula ebi adi asɔ alálɛ alási kemo kadi na mmɔ na beti babla etela akpala. Ɔsika mmɔ na bayikune kekpo agyumanala ásɔ na eesé lɛlɔ, na basɔ belesusu Saul lɛgyumanala nnɔmii.

Samuel 2 1:5

Ka Dawid únu lɛla lɛmɛni ni, úye ɔnana ɔni muudie ala amɛni kenye ɔnini, “Dɛ na ɔ́bla na áti anii Saul ku ubidi Yonatan békpi?”

Samuel 2 1:7

Na ɔni na únwini lɛlɔ na ɔ́nu ka nnye mmɔ ni, ɔ́kpali-mi úmene. Na líye-nwu nnini, ‘Bi na aayɔ́ ka lɛbla lite-ɔ?’

Luka 10:31

Úbebo úte ka Katɔti ɔkpane ɔdi úbo ɔɔví ulu ɔmmɔ lɛlɔ. Nsu ka ɔ́nu ukyuli ɔmɛni na kuludɔ ni, ɔ́sia ɔvi ɔbambadi ɔ́tɔlɔ.

Rut Keliela Ɔku 2:3

Amu na Naomi ɔ́su-nwu ɔnini, “Ɔdia! Mina ubi, teesie.” Anwuɔsu Rut ɔ́ta na úsie kemo kadi na ɔkpɛ kemo kammɔ kabla bablane kama na ɔɔla edula ani na báda béwi. Asa wanu wati ni, ɔdi Boas ɔni nási Elimelek ɔtɔ kemmo. Nwuna kemo kani na Rut ɔkya ɔɔla edula amɛni.

Samuel 1 28:4

Ɔƒɛni Ƒilistiƒuɔ bekpone báasala lɛlɔ na bábla keliekɔ na kesii kani baalɔ banii Sunem. Na Ɔga Saul lɛnɔ ɔ́sala Israelƒuɔ na bábla keliekɔ na kesii kani baalɔ Gilboa.

Samuel 1 6:9

Na bitaasia-nwu anumi taanu, si ɔ́sia ɔma ulu lɛlɔ siin úsela Bet-Semes ni, na bɛgyi ka ɔgbankpi ɔmɛni ɔ́si Unwoti kudɔ asa na úbo-bu lɛlɔ. Na si útasia lɛni bɔdi ni, na bɛgyi ka ɔgbankpi keeke kani nátuaku-bu.”