Samuel 1 9:22 - Katɔti Ɔku Kedee

²² Ɔmmɔ kama ni, bétédu kɔbi lili kesii kani na baabla akpala ammɔ. Na Samuel ɔ́ya na anwu ku Saul ku nwuna kabla ɔblane bétéduo ɔtɔ bonwu ɔdi kemmo. Na ɔ́ya na bétélie kalɔ na keliekɔ kenengudi kani náƒɔ lɛnyi geen na bana kadikɔ mmɔ. Na benengu bani na bálɔ béboku mmɔ lɛnɔ bewi, na badubɔbla aani nkyuli avlaatɛ bani nli kalɔ báka bámana.

Samuel 1 9:22 ပူးပေါင်းရင်းမြစ်များ

Ala Kalɔ Buse 43:32

Amu na bése-ma kadikɔ bun bun. Yoseƒ uli kakɛ kenwi, na nwuna banwani lɛnɔ beli kakɛ kenwi. Na béte Egyipteƒuɔ lɛnɔ kesii bamba na beli. Bábla lɛni, ɔsika Egyipteƒuɔ beení ka ama ku Hebriƒuɔ badi basala.

Luka 14:10

Mmomu si bálɔ-ɔ bésienku likpo lɛdi ni, sie télie likpo lɛni nátaƒɔ kuye. Na si ukyuli ɔni nálɔ-ɔ úboku mmɔ úbo ni, na ubasu-ɔ ɔnii, ‘Ɔkpana, ta mmɔ na ebelie likpo lɛni náƒɔ kuye mɛni.’ Na ɔmɛni ɔdubɔkɔliku-ɔ katɔ na bekyuli bakladi bani na bálɔ béboku mmɔ ƒui anumi.

Samuel 1 9:21

Mmɔ ni, Saul údie kenye na ɔ́su Samuel ɔnini, “Kɔdua kubliidi ƒui ndi Benyamin kɔdua na Israelƒuɔ akɔ, na mmɔ lɛ́si. Na mina ɔtɔ bekyuli ndi bani neeebo kenyekɔ geen kadi na Benyamin kɔdua kɔmmɔ kemmo. Bi ɔsu na aasu-mi lɛmɛni udu?”

Samuel 1 9:23

Samuel ɔ́lɔ adila ɔnwane ɔmmɔ na ɔ́su-nwu ɔnini, “Ti lɛna lɛni na lídie líse sɛsɛɛ mmɔ boku.”