Lɛ́siku-mii bɔtɛmiku ɔ́si uwi ɔni na lɛ́kpanku bina bati kuuku lɛ́siku Egyipte kalɔ lɛlɔ nnii bɛdi mina ɔda bubo lɛlɔ. Nsu amii ku bina bati kuuku ƒui,
Si lɛ́su balalane nnii badubo bukpi na bana ekpidi ɔsu ni, ɔlɛka alɛ-ma kpakplaa anii bada bana ekpidi bɔbla baya na benwini kayi kalɛ na baláni-ma kɔtu. Na si éni na átabla lɛni ni, bana kukpi kɔkɛ-ɔ.
“Ɔtɔnkune ɔdi utetile mina bekyuli bana kalɔ lɛlati bɔdi kuƒi na uƒie-ma kalɔ ɔƒɔ. Na kalɔ biala na ɔdubute ubidi ni, ɔti nwaa ka anwu ɔlati kadi na kadi ɔ́si kukuuku.”
Ɔmmɔ kama ni, Samuel lɛnɔ úsie anumi na údie ɔga ɔmmɔ kabla ku nwuna ɔyikun ɔni na ubo ɔ́tina-ma. Na únweni ala ammɔ ƒui ɔ́sia kakunkɛ lɛlɔ na bakono bése sɛsɛɛ na Katɔti anumi. Ɔmmɔ kama ni, Samuel údie-ma ulu na bátɔlɔ bésie bana kɔduli.
Na Ɔga Saul ngba bulie uwi ƒui ni, kekpo kpakplaa kákya ama ku Ƒilistiƒuɔ ntɛ geen. Anwuɔsu uwi biala na Saul ɔ́nu ukyuli ɔni na ubo kayi ni, na ɔɔwia ka ɔni-nwu ɔkya lɛlɔ na utaabla-nwu kabla.
Ɔƒɛni bana ɔbladu ukpidi ɔmmɔ úbenwini-ma udu. Na si ukyuli ɔdi úboku ebuo ɔnii ubakpa na lɛna lɛmmɔ lɛsia ogya lɛlɔ ni, na baatala bana kabla ɔblane ɔdi na uti ɔvili ɔni mbo atula atɛ ɔda.