Samuel 1 8:7 - Katɔti Ɔku Kedee

⁷ Amu na Unwoti údie kenye ɔnini, “Awɔ, nu lɛla lɛni na baasu-ɔ. Ɔsika ɔɔɔdi awɔ na béni. Mmomu ami na béni ka balayɔ ka lɛdi-ma ɔga.

Samuel 1 8:7 ပူးပေါင်းရင်းမြစ်များ

Israelƒuɔ Bɔlɛ 16:8

Amu na Mose ɔ́sɔ ɔ́su-ma ɔnini, “Bɛdubɔti ka anwu ndi Unwoti si uwi ɔni na úte-mii lɛna na bɛ́kun useyi, na úte-mii bodobodo ɔni ƒui na bɛɛwia na bɛ́di ɔtanta, ɔsika únu kalɛ na bíti kɔnyi kemmo bɛɛsu etemila teewi-nwu. Bi na abu bɔdi? Ɔɔɔdi abu na bɛɛdɔnku, mmomu Unwoti.”

Yesaia 66:4

Bíni bɛnii bilákpete-mii ɔni na mɔɔkpali-mii na bilásia mina ala ani na mɔɔtina-mi kama. Mmomu ala ani na nkisi ni, anya na binye bɛɛbla, nsu bɛgyi nwaa ka bɛɛƒiɔ́-mi. Anwuɔsu lɛtuni lɛni na bɛɛyia geen na ndubɔya na libo-mii lɛlɔ.”

Yeremia 34:14

Na aani bunyimi bɔmɛni kakɛ kadi ni, ɔlɛka amii lɛnɔ bɛya na Hebrini ɔnwa ɔni na ɔdi ƒula kabla ɔblane ni, ete-nwu bɔnwuna na ulie ute lɛlɔ na akwa aku kama. “Bina bati kuuku betenu-mi litemi na badi-ni lɛlɔ.

Esekiel 2:3

Na ɔ́su-mi ɔnini, “Esekiel, mɔɔtala-a na Israelƒuɔ kadi bekyuli kudɔ. Kadi batuɔkplune bani na ama ku bana bati kuuku bani náta bénye-mi lɛlɔ na béni banii belénwini kayi úbedu ku ɔmwi kadi kamɛni lɛlɔ.

Esekiel 3:7

Nsu Israel kadi bekyuli badubo buni na belénu litemi, ɔsika béni na bétenu-mi litemi. Bana ƒui bebo atuɔkplu na kayi kétitili-ma,

Bumomo Bɔka 22:20

Na usien ɔmmɔ Katɔti úbo Bileam kudɔ na ɔ́su-nwu ɔnini, “Bekyuli bamɛni bubo bɔni bébo-ɔ kudɔ mɛni bɔɔtina ka bebetiku-ɔ batalɔku. Anwuɔsu ni, nu kalɔ na bisie, nsu si ésie ni, lɛla lɛni kani na lɛ́su-ɔ ka su ni, na asu-ni lɛni kani.”

Mateo 10:40

“Ukyuli biala ɔni maƒɔ-mii ni, ɔ́ƒɔ ami lɛnɔ. Na ukyuli biala maƒɔ-mi ni, ɔ́ƒɔ Katɔti ɔni nátala-mi lɛnɔ.

Luka 10:16

Amu na Yesu ɔ́su nwuna batɛyane ɔnini, “Ukyuli biala ɔni muunú bina litemi ni, ɔɔtina ka uunú ami lɛnɔ litemi. Na ukyuli biala ɔni muuní-mii ni, ɔɔtina ka uuní ami lɛnɔ. Na ukyuli biala ɔni muuní-mi ni, ɔɔtina ka uuní Katɔti ɔni nátala-mi lɛnɔ.”

Luka 19:14

“Nsu ɔnana ɔmɛni ɔma bekyuli béteekisi-nwu, anwuɔsu bátala batu badi na básia-nwu kama banii batásu Ɔga Unengudi banii, ‘Bulayɔ ka ɔnana ɔmɛni unwini-bu ɔga.’

Luka 19:27

Na ɔƒɛni ni, mina bekisine bani na banii nka baláwia ka bese-mi lɛga ni, bɛkpanku-ma biboku mɛni na bɛdu-ma na mina anumi.’ ”

Yohane 13:16

Mɔɔsu-mii geen ka ni, kabla ɔblane ɔdi biala uletulo nwuna unwoti. Lɛni kani na ukyuli ɔni bátala uletulo ukyuli ɔni nátala-nwu.

Litemi Batɛne 8:23

Amu na Gideon ɔ́su-ma ɔnini, “Ami iye mina bebi ɔdi ulabla bina ɔtɔnkune. Mmomu Unwoti ndubɔbla bina ɔtɔnkune.”

Samuel 1 10:19

Na muuye-mii nnii, ɔɔɔdi ami ndi bina Katɔti. Na muudie-mii na ala ani muukpóku-mii ku bina lɛbibo kemmo? Nsu bíni-mi na bɛɛwia ka ukyuli ɔdi-mii lɛga. Amii alati náƒuna lɛla lɛni na bɛɛyɔ́. Na ami lɛnɔ ndubuse ɔga lite-mii. Ɔmmɔ ɔsu bɛsala lɛlɔ ƒui bibenye-mi anumi na bina atɔƒi kenye.”

Samuel 1 12:1

Ɔmmɔ kama ni, Samuel ɔ́su Israelƒuɔ ɔnini, “Lɛ́bla lɛla lɛni na bívele-mi líte-mii. Na lɛ́ƒuna ɔga ɔni na bɛɛwia ka utaadi-mii lɛlɔ líte-mii.

Samuel 1 12:12

“Nsu ina ka bina Unwoti Katɔti nádi bina ɔga ni, bíni-nwu uwi ɔni na Amonƒuɔ Ɔga Nahas ɔ́tɔnku nwuna bekpone ka bebekpoku-mii. Na bɛ́su bɛnini, ‘Bɔɔwia ɔga na utaadi-bu lɛlɔ.’

Samuel 1 8:22

Mmɔ na Samuel lɛnɔ ɔ́su Israelƒuɔ banana bammɔ ƒui ɔnini, “Ɔdi biala unwini uteesie nwuna ɔma.”

Samuel 1 8:8

Kalɛ na béni banii baladi mina etemila lɛlɔ na baakpá baƒiɔ ɔ́si ɔni na lɛ́kpanku-ma lɛ́lɛku Egyipte kalɔ lɛlɔ úti úbalɛku ɔmwi limeyi lɛlɔ ni, udu ɔmmɔ kani na beedie taatina-a ɔƒɛni.