Samuel 1 8:6 - Katɔti Ɔku Kedee

⁶ Nsu ka básu banini, “Te-bu ɔga ɔni matɔnku-bu” ni, lɛla lɛmɛni lítayɔ Samuel kaƒɔ. Anwuɔsu ɔ́kpali Unwoti na úti litemi lɛmmɔ ɔ́kya-nwu lɛkɔkɔ.

Samuel 1 8:6 ပူးပေါင်းရင်းမြစ်များ

Kɔgya 109:4

Mɔɔyɔ́-ma ku kaƒɔ nwaa na mɔɔkpali katɔ na bana lili ina ka baláwia-mi kadia.

Israelƒuɔ Bɔlɛ 32:21

Amu na Mose úye Aaron ɔnini, “Bi na bekyuli bamɛni bábla-a ɔsu na áya na bábla likpidi bonwu lɛmɛni udu?”

Israelƒuɔ Bɔlɛ 32:32

Nsu buvele na nda-a nnii ti bana ekpidi kyiɛ-ma. Mmomu si éni-ma buti bɔkyiɛ bɔdi ni, na akpa ada-mi lɛnyi edie ƒula ɔku kemmo.”

Hosea 13:10

Aasu anii ɔga ku lɛlɔ badine na aawia ɔƒaani ka lise lite-ɔ. Ama nɔɔ? Lɛma lɛmani kemmo na bakya na bebebunku-ɔ?

Bumomo Bɔka 16:15

Mmɔ na Mose úbakɛ kɔnyi geen na ɔ́su Unwoti ɔnini, “Taƒɔ bekyuli bamɛni akpala adi. Ńtaƒɔ bana ɔdi lɛla lɛdi ina ebuo ala utine, na ńtaƒiɔ ɔdi lɛnɔ.”

Bumomo Bɔka 16:22

Nsu Mose ku Aaron báyula bana lili kalɔ na báva momoomo bákpali Katɔti basu-nwu banini, “O Katɔti, awɔ Katɔti ndi bayawine ƒui ayu ɔti, buti na adubuti kɔnyi akya kasala kammɔ ƒui na ukyuli unwi ɔdi likpidi ɔsu?”

Bumomo Bɔka 16:46

Mmɔ na Mose ɔ́su Aaron ɔnini, “Babla na eti ƒula oloƒui libui na edie ogya asiku Unwoti lɛkpabi lɛmmɔ lɛlɔ na ewi oloƒui, na ekeli esie Israelƒuɔ bammɔ akɔ na atábla akpala ete Unwoti úte bana likpidi kɔtu bɔni budie. Ɔsika Unwoti úti kɔnyi ɔ́kya bekyuli bammɔ na ɔgbankpi úse kalɔ ɔɔlɛ́ku-ma.”

Ƒilipiƒuɔ 4:6

Ɔdi biala utekpoku lɛlɔ na lɛla biala lɛlɔ, mmomu bitaakpali Katɔti uwi biala kemmo, na bitaasu-nwu ala ani bɛɛwia. Na si bɛɛkpali-nwu ni, na bitaagya-nwu enu.

Yakobo 1:5

Si bina akɔ ɔdi ɔɔyaki lɛnunda ni, ɔlɛka uvele Katɔti na ɔdubuti-ni ute-nwu, ɔsika Katɔti uuti-ni teete ukyuli biala ku kaƒɔ ƒaa.

Samuel 1 10:19

Na muuye-mii nnii, ɔɔɔdi ami ndi bina Katɔti. Na muudie-mii na ala ani muukpóku-mii ku bina lɛbibo kemmo? Nsu bíni-mi na bɛɛwia ka ukyuli ɔdi-mii lɛga. Amii alati náƒuna lɛla lɛni na bɛɛyɔ́. Na ami lɛnɔ ndubuse ɔga lite-mii. Ɔmmɔ ɔsu bɛsala lɛlɔ ƒui bibenye-mi anumi na bina atɔƒi kenye.”

Samuel 1 12:12

“Nsu ina ka bina Unwoti Katɔti nádi bina ɔga ni, bíni-nwu uwi ɔni na Amonƒuɔ Ɔga Nahas ɔ́tɔnku nwuna bekpone ka bebekpoku-mii. Na bɛ́su bɛnini, ‘Bɔɔwia ɔga na utaadi-bu lɛlɔ.’

Samuel 1 12:17

Ɔɔɔdi uwi ɔmɛni na baaƒɛ kamu yoo? Na bɛgyi lɛnɔ ka si edula ɔƒɛwi ɔmɛni údu ni, ɔnantu ɔsɔ ulána. Nsu ina ka use lɛni ni, ndubo Katɔti bɔkpali na ɔya na ɔnantu ɔna. Na kayaa kataabwɛ ogya. Na ɔmɛni ɔdubɔya na bɛti kalɛ na likpidi lɛni na bɛ́bla líbomo ɔni na bíye bɛnii bete-mii ɔga na utaadi-mii lɛlɔ ɔsu.”

Samuel 1 12:19

Na bekyuli bammɔ ƒui bévele Samuel banini, “Vele Unwoti ƒula Katɔti te abu ƒula kabla bablane kalɛ na bulekpi. Bɔɔyia ka bɔdubo bukpi, ɔsika na alaekpidi ani ƒui na bɔ́bla kama ni, bɔ́sɔ bɔ́su-nwu ka use ɔga ute-bu.”

Samuel 1 12:23

“Na ami geen ni, uwi ɔdi uuubo na basu banii ndubɔda Unwoti bɔkpali bɔya na bina lili, na unwini-mi likpidi. Na ndubɔtina-mii lɛla lɛni ndi lɛbuni na lɛdia ka bitaabla.

Samuel 1 15:11

“Úduo-mi geen ka lɛ́ya na Saul ɔ́di lɛga, ɔsika únwini kama ɔ́kya-mi na útadi mina kenye kani na lɛ́su-nwu lɛlɔ.” Lɛla lɛmɛni líkpoku Samuel geen, anwuɔsu útalɛɛ, mmomu ɔkya ɔɔkpali Katɔti teevele usien umodi ɔmmɔ.

Samuel 1 7:5

Amu na Samuel ɔ́su Israelƒuɔ bammɔ ɔnini, “Bɛya na Israelni biala ubo. Na bɛsala lɛlɔ na Mispa na ndubɔkpali Unwoti na livele-nwu lite-mii.”