Samuel 1 8:20 - Katɔti Ɔku Kedee

²⁰ Ɔmmɔ ɔdubɔya na abu lɛnɔ buse aani bekyuli bakladi kalɛ. Na bɔkɛ ɔga na ɔtɔnku-bu si búsela kekpokɔ biala.”

Samuel 1 8:20 ပူးပေါင်းရင်းမြစ်များ

Kɔgya 106:35

Mmomu básalaku-ma na basiaku bana ɔbladu kama na baabla lɛla linwi.

Israelƒuɔ Bɔlɛ 33:16

Na dɛ na ɔdubɔbla na bekyuli banu bati ka kaƒɔ kaayɔ́-ɔ na ƒula bekyuli lɛlɔ ku ami lɛnɔ si átatɔnku-bu? Si akya-bu akɔ ni, kayawi bekyuli ƒui badubɔnu kavumana kebendi na abu ku-ma ntɛ.”

Bumomo Bɔka 23:9

Na nnye atakpɛ ani nákuku lɛlɔ mɔɔnu-ma, na mɔɔnu-ma taasiku abi lɛlɔ. Na badi kadi bekyuli bani na ama lɛti nli. Na balánu lɛlɔ aani kalɛ kadi bamba bekyuli bese.

Yohane 15:19

Si bɛ́bla unwi ku kayawi bekyuli na bana ablala kemmo ni, badubɔyɔ-mii aani bana badi. Nsu ami lɛ́ƒuna-mii lɛ́lɛku kayawi bekyuli bammɔ akɔ, na bɛsɔ bɛɛɛdi bana badi. Ɔmmɔ ɔsu na beekisi-mii.

Romaƒuɔ 12:12

Lɛlɔ litaayɔ-mii na bina lɛnunsia kemmo. Na binye kpakplaa na lɛbibo biala kemmo. Na bitaakpali katɔ na ulu lɛlɔ.

Korintoƒuɔ 2 6:17

Anwuɔsu Blɔti ɔɔsu nwuna bekyuli ɔnini, “Bɛlɛ-ma akɔ, na bɛda lɛlɔ bɛmami bekyuli bani mɔɔbla lɛƒiɔkpa ala lɛlɔ. Bitetuku bana ala ani muusé lɛlɔ mmɔ, na ndubɔƒɔ-mii.

Lɛkpa Ulu 7:6

Bɛdi Unwoti Katɔti bekyuli kedee bani na ɔ́ƒuna ɔ́bla nwuna badi na kayawi bekyuli ƒui akɔ. Na bɛ́ƒɔ-nwu kuye geen.

Ƒilipiƒuɔ 3:20

Nsu abu ni, bula ɔma ndi Katɔ Ɔga Ɔma. Na bunye bɔgya bula Ɔƒɔne ɔni ndi Blɔti Yesu Kristo.

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Samuel 1 12:12

“Nsu ina ka bina Unwoti Katɔti nádi bina ɔga ni, bíni-nwu uwi ɔni na Amonƒuɔ Ɔga Nahas ɔ́tɔnku nwuna bekpone ka bebekpoku-mii. Na bɛ́su bɛnini, ‘Bɔɔwia ɔga na utaadi-bu lɛlɔ.’

Samuel 1 12:2

Ɔƒaani ni, bibo ɔga ɔni mɔɔtɔnku-mii. Na ami ni, mina akwa éesie anumi na mina lili lɛ́ƒuala. Na mina bebi bakya-mii akɔ mɛni. Ami nátɔnku-mii ɔ́si mina lɛnamu uwi ƒui úti úbedu ɔƒaani.

Samuel 1 8:5

Na bábasu-nwu banini, “Bɔɔnu ka áabi lɛlɔ geen. Na ngba buni bɔni na élie ni, amu kani na atina ƒula bebi. Nsu bɔɔnu ka bebi bammɔ beeelie ngba bɔmmɔ udu. Ɔmmɔ ɔsu bɔɔwia ka ese ɔga ete-bu na ɔtɔnku-bu aani kalɛ kani na use na kadi bamba bekyuli akɔ.”