Samuel 1 7:3 - Katɔti Ɔku Kedee

³ Limeyi lɛdi ni, Samuel ɔ́su Israelƒuɔ ƒui ɔnini, “Si bɛɛyɔ́ ka binwini udu na biti lɛlɔ bite Unwoti bɔdi ni, amu ɔlɛka bidie bɛtina nwaa na bina ɔbladu kemmo. Na bɛyila baƒiɔ bani na bɛ́vɔ bíte lɛlɔ udu. Na bɛyila Astarot baƒiɔ bani lɛnɔ bɛ́vɔ mmɔ udu. Binwini kama bɛkya baƒiɔ bammɔ ƒui na biti bina kayi bite Unwoti ƒui kede kede. Na bitaakya lili kalɔ teete anwu lɛti pɛ na ɔda-mii udie Ƒilsitiƒuɔ enu kemmo.”

Samuel 1 7:3 ပူးပေါင်းရင်းမြစ်များ

Ala Kalɔ Buse 35:2

Anwuɔsu Yakob ɔ́su nwuna kaduli bekyuli ku bani ƒui nkya-nwu kudɔ ɔnini, “Biti baƒiɔ udu biala nse ɔdi kudɔ ƒui bivaakun. Na bɛbla lɛlɔ kedee na bɛvumana bina adala.

Baga 1 11:33

Ndubo ɔmɛni bɔbla, ɔsika béni-mi na bésie bátákpa Sidonƒuɔ baƒiɔ bani ndi Astarot ku Moabƒuɔ baƒiɔ Kemos ku Amonƒuɔ baƒiɔ bani ndi Milkom. Na bátasia mina ulu lɛlɔ iye babla ala ani nse siin na mina anumi iye badi mina ɔda bubo lɛlɔ aani kalɛ na Salomo ɔti Dawid ɔ́bla kalɛ.

Baga 1 8:48

Si bénwini kayi ku kaƒɔ ƒui na bekisine kalɔ kammɔ lɛlɔ, na bénwini anumi bátina kalɔ kani na éti éte bana bati kuuku ku ɔma ɔni na áƒuna ku kakpakɔ kani na lɛ́tu líte ƒula lɛnyi mɛni na bákpali-ɔ ni,

Baga 2 17:39

Mmomu bɛkpa Unwoti bina Katɔti, ɔsika anwu ndi ukyuli ɔni kani ndubo-mii budie bɔsiku bina bekisine enu kemmo.”

Baga 2 23:15

Na Ɔga Yosia ɔ́sɔ úgyingya akpabi ani lɛlɔ na baakpá na Betel na Nebat ubidi Ɔga Yerobeam ɔ́tu ɔ́lɛ mmɔ uwi ɔni na ɔ́kpanku Israelƒuɔ útákya likpidi kemmo. Ɔga Yosia ɔ́ƒɛ lɛkpa lɛmmɔ na ɔ́bwɛ atabi ammɔ na ɔ́kɔ-nya ɔ́bla ntɔ. Na ɔ́kyula Asera baƒiɔ bani bávɔ bálɛ mmɔ.

Ala Alɛdi 1 22:19

Nu Unwoti ƒula Katɔti litemi na adi-ni lɛlɔ ku ƒula kayi ƒui ku kɔyu ƒui lɛnɔ. Na ese kabla kalɔ na kakpakɔ kammɔ lɛlɔ na eti abu nwuna lɛnyi kalɛ na Bunyimi Adaka ɔmmɔ ku ala ani lɛlɔ kabla na baabla na kakpakɔ mmɔ ƒui ni, akɛ-nya kesekɔ.”

Ala Alɛdi 1 28:9

“Mina ubi Salomo, mɔɔsu-ɔ kpakplaa ka kya Unwoti lili kalɔ uwi biala na asiaku-nwu kama siin na adi nwuna litemi lɛlɔ ku ƒula kayi ku kasusu ƒui aani kalɛ na lɛ́bla. Ɔgyi ƒula lili kemmo kasusu ku kakali biala na ada aabla ala. Anwuɔsu si énwini ésie-nwu kudɔ ku kayi ƒui ni, ɔdubunu ƒula buvele. Nsu si énwini kama ákya-nwu ni, anwu lɛnɔ ɔdubuni-ɔ uwi ƒui.

Ala Alɛdi 2 19:3

Nsu ɔɔɔdi ala ƒui nébie na ƒula lɛlɔ. Awɔ náƒɛ Asera baƒiɔ lɛƒiɔgyii lɛni na bálɛ na baakpá-ma na lise-ma kedee ƒui na ɔmmɔ lɛti ɔɔtina ka aayɔ́ ka ataadi Unwoti litemi lɛlɔ.”

Ala Alɛdi 2 20:33

Nsu anwu Yehosaƒat útabwɛ baƒiɔ bani na bekyuli bávɔ bése abi lɛlɔ bátaakpa mmɔ. Anwuɔsu bekyuli básiaku lɛƒiɔkpa ala bɔbla kama na ɔni na basiaku Unwoti kama siin aani kalɛ na bana bati kuuku bábla kalɛ.

Agba 16:1

Bɔɔkana bɔɔsála kasusu lidu lidu, nsu Unwoti mɔɔtina lɛla lɛni geen ndi litemi geen lɛmmɔ.

Yesaia 55:7

Bɛda bina kalala ku likyulikpi ala bɔbla bɛya, na binwini kama bɛkya-nya na Unwoti ɔdubuti-nya ƒui ɔkyiɛ-mii.

Yeremia 24:7

Ndubuti mina lɛlɔ ebiti bɔkya-ma kayi kemmo na bati-mi na benwini mina kadi bekyuli. Na badubɔwia ka lɛbla bana Katɔti na benwini bebo-mi kudɔ ku bana kayi ƒui.

Yeremia 36:3

Na aka ala ammɔ ƒui atina Yudaƒuɔ. Ɔƒɛni kalɛ si bénu ɔgbankpi ɔni na lɛ́su ka ɔdubɔlɛku-ma si betenwini kayi ni, ɔdubɔya na bada alaekpidi bɔbla baya na si bénwini bébo-mi kudɔ ni, ndubuti lɛkyiɛ-ma.”

Yeremia 4:1

Unwoti ɔnini, “Israel kadi bekyuli, si bɛɛyɔ́ ka bɛsɔ binwini bibo-mi kudɔ ni, bɛda atu bidie baƒiɔ bani muusé lɛlɔ mmɔ lɛlɔ na bibo ala ammɔ biwiakun.

Esekiel 14:6

“Ɔƒɛni ni, Esekiel, su Israelni biala anini, ‘Ami ndi Unwoti Katɔti. Bɛda bina baƒiɔ bani muusé-mi lɛlɔ mmɔ bɔkpa bɛya.

Esekiel 18:31

Bini bina alaekpidi lilu lɛni ƒui lɛlɔ na bɛsia na bise kalɔ bitaabla kasusu kabuni na bɛsiaku-mi kama siin! Munuu bɔyɔ geen na bɛɛyɔ́ ka badu-mii na bina ekpidi bɔbla ɔsu?

Hosea 14:1

Israel, sɔ nwini bo ƒula Unwoti Katɔti kudɔ. Ɔsika likpidi lɛ́ya na ébuli.

Mateo 15:8

Katɔti ɔnini, “ ‘Bekyuli bamɛni bada bana kenye kani baabu-mi, nsu balayɔ-mi na bana kayi kemmo.

Mateo 4:10

Amu na Yesu údie kenye ɔnini, “Satan, gyu-mi lɛlɔ! Bunweni Kedee Ɔku ɔ́su ɔnii, ‘Ƒula Unwoti Katɔti kani na ɔlɛka alɛ akɔnkɔ emwi.’ ”

Mateo 6:24

“Ukyuli biala ulákana na wabla benwoti inyɔ kabla. Ɔdubukisi unwi na ɔyɔ ɔkladi litemi. Na ɔdubɔdi unwi etemila lɛlɔ, na ɔta unye ɔkladi etemila lɛlɔ. Alakana Katɔti ku lɛlakɛ kabla bɔsala.

Luka 4:8

Amu na Yesu ɔ́su-nwu ɔnini, “Bunweni Kedee Ɔku ɔɔsu ka ni, ‘Unwoti Katɔti lɛti pɛ kani na ukyuli ɔdubumwi na ɔbla-nwu kabla.’ ”

Yohane 4:24

Ka Katɔti ɔdi Kɔyu ɔsu ni, ɔlɛka bekyuli bani nsiaku-nwu ƒui bakɔliku-nwu lɛnyi katɔ ku nwuna Kɔyu ɔyikun na litemi geen kemmo.”

Lɛkpa Ulu 10:20

Na biti ɔbu bite bina Unwoti Katɔti na bitaakpa anwu lɛti pɛ. Bɛsiaku-nwu kama kpakplaa.

Lɛkpa Ulu 13:4

Bɛsiaku bina Unwoti lɛti pɛ kama na biti ɔbu bite-nwu. Na bɛdi nwuna etemila ku ɔda bubo bɔni ƒui na úte-mii lɛlɔ. Na bɛkpa-nwu na ulu ɔni na ɔɔwia lɛlɔ na bɛda-nwu kpakplaa.

Lɛkpa Ulu 4:29

Nsu si bɛdubuti bina kayi ƒui bɛwia Unwoti Katɔti kama ulu na kesii kani na bɛkya mmɔ ni, bɛdubɔnu-nwu.

Lɛkpa Ulu 6:13

Bɛyia bina Unwoti Katɔti ɔmmɔ na bɛkpa anwu lɛti. Na si biisé kenye kadi ni, bise-ka na anwu lɛti lɛnyi kemmo.

Yosua 13:31

Na Gilead kakɛ ku Astarot ku Edrei ɔni ndi Ɔga Og lɛma lɛni nkya Basan aka na béti béte Makir kaduli bekyuli kakɛ kenwi. Na Makir ɔmɛni ɔ́si Manase kaba kemmo.

Yosua 24:14

Amu na Yosua úse anumi na ɔ́sɔ ɔ́su-ma ɔnini, “Bɛyia Unwoti na bitaabla-nwu kabla ulu lɛlɔ. Na bɛda baƒiɔ bani na bina bati kuuku bákpa na ketu ɔvi ku Egyipte mmɔ bidie bina akɔ. Na bitaabla Unwoti kabla kani.

Yosua 24:23

Amu na Yosua ɔ́su-ma ɔnini, “Si ɔdi lɛni ni, na bibo baƒiɔ bani nkya-mii akɔ mmɔ bivaakun na biti bina kɔyi bɛsia Unwoti ɔni ndi Israelƒuɔ Katɔti lɛlɔ.”

Litemi Batɛne 10:16

Mmɔ na bébo baƒiɔ bani na báƒɔ bése lɛlɔ mmɔ bévaakun, na bése kalɔ baabla Unwoti kabla. Ɔmɛni ɔsu ɔ́sɔ útakana bunye bɔnu Israelƒuɔ abi ani na beebó mmɔ.

Litemi Batɛne 10:6

Israelƒuɔ básɔ bábla likpidi na Unwoti anumi. Na likpidi lɛmmɔ ndi ka bésie bakya baakpá baƒiɔ Baal ku Astarot ku Aramƒuɔ baƒiɔ ku Moabƒuɔ baƒiɔ ku Amonƒuɔ baƒiɔ ku Ƒilistiƒuɔ baƒiɔ. Na ka Israelƒuɔ béni na báyu atuɔkplu ka basɔ balasiaku Unwoti ɔsu ni,

Litemi Batɛne 2:11

Uwi ɔmmɔ na Israelƒuɔ bábla likpidi na Unwoti anumi, na bésie bakya baakpá Baal baƒiɔ lidu lidu.

Litemi Batɛne 2:13

ɔsika béni Unwoti na bésie baabla kabla teete Baal ku Astarot baƒiɔ.

Samuel 1 31:10

Na béti nwuna kekpo adala bétése Astarot baƒiɔ kakpakɔ. Na ukyuli umodi ɔmmɔ ɔlati anwu béti-nwu bátáƒala Bet-San kowodu lɛlɔ.