Samuel 1 7:2 - Katɔti Ɔku Kedee

² Ɔmɛni ɔsu adaka ɔmmɔ ɔ́kya-nwu kudɔ na Kiriat-Yearim mmɔ akwa aavlanyɔ. Na uwi ɔmɛni kemmo ƒui ni, Israelƒuɔ béwulo kɔnyana geen na bévele Unwoti banii ubunku-ma.

Samuel 1 7:2 ပူးပေါင်းရင်းမြစ်များ

Ala Alɛdi 1 13:3

na busie na butaƒɔ Unwoti Bunyimi Adaka ɔni na bɔ́sɔ búteye lili kudii ɔ́su uwi ɔni na Saul ɔɔdi lɛga mmɔ.”

Ala Alɛdi 1 13:5

Anwuɔsu Dawid ɔ́lɔ Israelƒuɔ bammɔ ƒui ɔ́siku Sihor Ketu kudɔ na Egyipte útédu Hamat ka bésie betéti Bunyimi Adaka ɔmmɔ basiku Kiriat-Yearim.

Yeremia 26:20

Ka benengu bamɛni báwɔlɔ bɔtɛmi lɛni ni, unengu ɔdi na baabu-nwu geen na baalɔ-nwu banii Ahikam ɔni na ɔdi Saƒan ubidi ɔnanabi lɛnɔ ɔ́tɛmi údie-mi kenye. Anwuɔsu béteti-mi bétete kasalakɔ bekyuli bammɔ na badu-mi. Uwi ɔni kemmo na Yehoiakim ɔmu ɔɔdi lɛga na Yuda kalɔ lɛlɔ ni, Semaia ubidi ɔnanabi ɔni baalɔ banii Uria ɔ́tɔlɔ nwuna ɔma ɔni baalɔ Kiriat-Yearim úbo Yerusalem. Na Uria ɔmɛni ɔdi Katɔti Kenye bediene akɔ unwi. Na lɛla lɛni na mɔɔsu mɛni ni, lɛla linwi pɛ lɛmmɔ kani na anwu lɛnɔ útaasu taasiku Yerusalem ku Yuda lɛlɔ. Na uwi ɔni na Yehoiakim ku nwuna bakutine benengu bénu lɛla lɛni na Uria ɔ́su ni, báyɔ ka beƒie-nwu, nsu úkeli ɔ́tɔlɔ-ma kudɔ úsie Egyipte kalɔ lɛlɔ. Anwuɔsu Yehoiakim ɔ́tala Akbor ubidi ɔnanabi ɔni baalɔ Elnatan ku banana bamba badi ɔnii basia Uria kama. Na ama lɛnɔ bététiku-nwu béboku. Na Ɔga Yehoiakim ɔ́ya na bádu Uria na bébo-nwu bátákya ubu ɔni kemmo na baavá bekpine bamba lɛnɔ ƒui.

Yeremia 3:13

Bɛtuna ka bɛ́ta bínye-mi lɛlɔ, na bɛkpa baƒiɔ bamba na egyii enengudi ƒui kalɔ na kesi kesii.

Yeremia 31:9

Badubo buteewulo na baatákpali-mi teevele uwi ɔni na bakɛ ulu badubo ɔma. Na ndubo-ma bɔkpanku busienku abiɔ ani kemmo na ntu bɔbuni bɔkya na bani. Na badubɔsia ulu ɔni ntɛ kalɔ ƒiaa lɛlɔ na beletulo iye bagbanta. Ɔti na ndi nte Eƒraim mina kaƒɔ ubi udeedi ku nwuna badi.

Mateo 5:4

Lɛlɔ litaayɔ bekyuli bani muuwulo kɔnyana. Katɔti ɔdubɔsia-ma kɔnu.

Yosua 9:17

Anwuɔsu Israelƒuɔ báta báyu ulu. Na limeyi lɛtɛdi lɛlɔ bétéduo bana lɛma lɛni kemmo belie. Na lɛma lɛmmɔ ndi Gibeon ku Keriƒa ku Beerot ku Kiriat-Yearim.

Litemi Batɛne 2:4

Uwi ɔni na Katɔti ɔtu ɔmɛni ɔ́tɛmi úte Israelƒuɔ bamɛni ɔ́wɔlɔ ni, bana ƒui báda lɛdi bedie na béwulo.

Samuel 1 7:1

Ɔmmɔ ɔsu Kiriat-Yearim bekyuli bébo na bébeti Unwoti Bunyimi Adaka ɔmmɔ bésienku Aminadab kesii. Na nwuna kaduli kakya abi lɛlɔ na bana ɔma kemmo. Na ubidi Eleasa na báƒuna ka utaanu Unwoti Bunyimi Adaka ɔmmɔ lɛlɔ.

Samuel 1 7:3

Limeyi lɛdi ni, Samuel ɔ́su Israelƒuɔ ƒui ɔnini, “Si bɛɛyɔ́ ka binwini udu na biti lɛlɔ bite Unwoti bɔdi ni, amu ɔlɛka bidie bɛtina nwaa na bina ɔbladu kemmo. Na bɛyila baƒiɔ bani na bɛ́vɔ bíte lɛlɔ udu. Na bɛyila Astarot baƒiɔ bani lɛnɔ bɛ́vɔ mmɔ udu. Binwini kama bɛkya baƒiɔ bammɔ ƒui na biti bina kayi bite Unwoti ƒui kede kede. Na bitaakya lili kalɔ teete anwu lɛti pɛ na ɔda-mii udie Ƒilsitiƒuɔ enu kemmo.”