Samuel 1 7:10 - Katɔti Ɔku Kedee

¹⁰ Ɔni na Samuel uwi lɛkpa lɛmmɔ lɛlɔ geen ni, Ƒilistiƒuɔ lɛnɔ bátu akpagya badubo banii bebéyu-ma batu na mmɔ na bekpoku-ma. Nsu mmɔ kani ni, Unwoti ɔ́bɔku Ƒilistiƒuɔ ku lɛdi momoomo lɛni náku aani kalɛ katɔ keedu ku kudu bonwu. Na ɔmmɔ ɔ́ya na Ƒilistiƒuɔ báyia bávili bébu ɔni na use aani lɛla lɛdi nágyu-ma ku lɛgba ɔ́bɔku-ma údie Israelƒuɔ anumi mmɔ.

Samuel 1 7:10 ပူးပေါင်းရင်းမြစ်များ

Kɔgya 18:15

Ɔ́bɔku ɛpu na ɔƒɛƒɛɛ ɔni mɔɔlɛ́-nwu enwu ɔ́ya na ɛpu ɔmmɔ kalɔ kátina nwaa na kalɔ kemmo atabi ɔka údie lɛlɔ.

Kɔgya 29:3

Unwoti uukeye na uudie lɛdi momoomo aani kalɛ na katɔ keedu. Na nwuna lɛdi kɔku kɔ́ƒɔ ɛpu ntu bɔmmɔ ƒui lɛlɔ.

Kɔgya 29:4

Unwoti lɛdi libo ogya geen na lɛɛtina nwuna lɛgadi ɔyikun.

Kɔgya 78:66

Na ɔ́bɔku nwuna bekisine ɔ́lɛku nwuna anumi. Na ɔ́di-ma lɛlɔ na kɔƒa kúkpo-ma uwi ƒui.

Sakaria 4:6

Anwuɔsu ɔtu ɔmmɔ ɔ́su-mi ɔnii, “Lɛla lɛmmɔ lɛdanku kenye kani na Unwoti ɔ́su Serubabel ɔnini, ‘Ami ndi Unwoti Ɔyikune Ƒui. Utalɛ ka eti ƒula anu asia ƒula ɔyikun iye kenyekɔ kadi lɛlɔ, mmomu mina kɔyu ɔyikun lɛlɔ.’

Lɛkpa Ulu 28:7

Na Unwoti ɔdubɔdi bina bekisine lɛlɔ ute-mii si bata banii bebekpoku-mii. Bekisine bammɔ badubɔsia ulu unwi bebo, nsu badubɔsia lilu maatɛ lɛlɔ bekeli.

Yosua 10:10

Na Unwoti ɔ́ya na Amoriƒuɔ beƒu uwi ɔni kani na bánu Israelƒuɔ bekpone. Na Israelƒuɔ bádu Amoriƒuɔ kaduɛ na Gibeon mmɔ na bábɔku-ma betédu ulu ɔni uti ɔɔkɔ́ use Bet-Horon. Na básiaku-ma baadu-ma laa betédu Aseka ku Makeda.

Litemi Batɛne 4:15

Uwi ɔni na Barak ku nwuna bekpone bese kalɔ beekpóku-ma ni, Unwoti ɔ́ya na Sisera bekpone ku nwuna bapɔnkɔ kɛɛkɛ bekpone béƒu. Na ɔmɛni ɔ́ya na Sisera ɔ́yu nwuna ɔpɔnkɔ kɛɛkɛ lɛlɔ na úti lɛgba na úkeli.

Litemi Batɛne 5:20

Ayabi ébekpo na kayaa kemmo uwi ɔni na ákya eesié taavi. Na ási katɔ katɔ ébekpoku Sisera.

Litemi Batɛne 5:8

Si uwi ɔni na Israelƒuɔ báƒuna baƒiɔ bawɔdi ni, kekpo kaadá taalɛ ɔma kabanye. Na lɛtula iye lɛgyumanala lɛdi lilalɛ na bula Israelƒuɔ mpim aavlene bani nkya akɔ

Samuel 1 12:17

Ɔɔɔdi uwi ɔmɛni na baaƒɛ kamu yoo? Na bɛgyi lɛnɔ ka si edula ɔƒɛwi ɔmɛni údu ni, ɔnantu ɔsɔ ulána. Nsu ina ka use lɛni ni, ndubo Katɔti bɔkpali na ɔya na ɔnantu ɔna. Na kayaa kataabwɛ ogya. Na ɔmɛni ɔdubɔya na bɛti kalɛ na likpidi lɛni na bɛ́bla líbomo ɔni na bíye bɛnii bete-mii ɔga na utaadi-mii lɛlɔ ɔsu.”

Samuel 1 14:15

Ɔmɛni ɔsu ni, Ƒilistiƒuɔ bekpone lisu limodi lɛmmɔ ku bani nkya bana nvo kemmo ku bani nnye muukpó ƒui béƒu. Na Katɔti ɔ́ya na kalɔ kammɔ kákunku na liƒu lɛ́da-ma líbu. Na Katɔti ɔlati náya na liƒu bonwu lɛmɛni líbo-ma lɛlɔ.

Samuel 1 2:10

Na bani muukpóku Unwoti ni, ɔdubɔkɔ-ma lɛlɔ ɔvi na babwɛ kpɛtɛ kpɛtɛ. Na kayaa kadubɔbwɛ ogya kebewi-ma lɛlɔ. Unwoti ɔdubɔtɛku bayawine ƒui litemi utédu kalɔ kammɔ ƒui kawɔkɔ. Ɔga ɔni na úse ni, ɔdubɔkya-nwu ɔyikun na ɔya na nwuna lili lɛlɛ aani ebuo lise. Ɔsika anwu na úwi nnɔmii lili úse likpo.”

Samuel 1 7:11

Na Israelƒuɔ bammɔ lɛnɔ bábi básiaku-ma ɔ́si Mispa mmɔ. Na bádu Ƒilistiƒuɔ bammɔ ukpone biala na ulu lɛlɔ laa útédu kesii kani baalɔ bani Bet-Kar.