Samuel 1 6:18 - Katɔti Ɔku Kedee

¹⁸ Na sika ugyiedi ɔni bávɔ na besi udu kenye lɛnɔ ubo ɛlɔ na Ƒilistiƒuɔ lɛma ɛlɔ bɔni kenye na agyina besiene bammɔ benye bumomo kenye. Na lɛma lɛmmɔ ndi lɛni na bátu awodu bámana ku lɛma lɛwɛwɛlɛdi lɛni mma-ni lɛlɔ. Na lɛtakpɛ lɛni lɛlɔ na bágyu Bunyimi Adaka ɔmmɔ bálɛ ni, ɔmu ɔdi likposela na Yosua ɔni nási Bet-Semes kalɔ kemmo ku ɔmwi limeyi lɛmɛni lɛlɔ.

Samuel 1 6:18 ပူးပေါင်းရင်းမြစ်များ

Lɛkpa Ulu 3:5

Na lɛma lɛni ƒui kɔtɛ na mɔɔtɛmi-mii mɛni ni, bátu awodu ebendi báka bámana-nya na ana kɔyakun ni, abuala kɔlɛmikɔ sɔɔn na kɔdi na béti bábala-ku. Na akpaklɔ adi lɛnɔ akya na ébomo, nsu anya amu ni, bátatu awodu bátaka bátatamana-nya.

Yosua 13:3

úti ɔ́si Sihor Ketu kani nkya Egyipte ɔƒɛ katukɔ úti úsie Ekron ɔmii lɛlɔ na kada kakɛ. Na ɔdi Kanaanƒuɔ kɔlɔ. Na Ƒilistiƒuɔ lɛma ɛlɔ lɛmmɔ ɔlɛka bikpo bɛƒɔ ni. Na lɛma lɛmmɔ ndi Gasa ku Asdod ku Aska ku Gat ku Ekron ku Awin.

Samuel 1 6:4

Amu na Ƒilistiƒuɔ bammɔ béye banini, “Bi na ɔ́manku ka buti butékpi Unwoti ɔmmɔ kɔtɔ.” Mmɔ na bédie kenye banini, “Biti sika ugyiedi na bɛnwamana-nwu na bɛvɔ bɛbla aani bina alɛbi ani mɔɔdu-mi mmɔ udu. Na bɛvɔ ɔbambadi lɛnɔ aani besi bani muubile-mi ala udu kenye. Na nwuna bumomo bɔbla ɛlɔ ɛlɔ na Ƒilistiƒuɔ agyina besiene bammɔ bumomo kenye, ɔsika amii ku-ma lɛlɔ na ɔlɛ ɔmmɔ úbo. Na biti bitéte Israel baƒiɔ bammɔ aani bina kɔtɔ bukpi etela. Ɔƒɛni kalɛ kaƒɔ kadubɔba-nwu na ɔ́ya ɔgbankpi ɔmmɔ kenye kekulo na amii ku bina baƒiɔ ku kalɔ kammɔ ƒui bɛkɛ bɔnwuna.