Samuel 1 6:14 - Katɔti Ɔku Kedee

¹⁴ Ɔmantɛ bakɔ bammɔ báni kɛɛkɛ ɔmmɔ béduoku kemo kadi kemmo. Na mmɔ ɔdi Yosua ɔni nasi Bet-Semes kalɔ kemmo na bébedi-nwu bényene lɛtakpɛ bonwu lɛdi kudɔ. Na kɛɛkɛ ɔmmɔ kani na bégyingya bábla ekyweni ani na béti bákyula ɔmantɛ bakɔ bani náni kɛɛkɛ ɔmmɔ béboku bábla akpala béte Unwoti.

Samuel 1 6:14 ပူးပေါင်းရင်းမြစ်များ

Samuel 2 24:18

Limeyi lɛmmɔ lɛlɔ ni, Gad úsie Dawid kudɔ na útásu-nwu ɔnini, “Sie na atátu lɛkpabi lɛdi ete Unwoti Katɔti na Arauna Yebusini ɔmmɔ kakpa mmɔ.”

Samuel 2 24:22

Mmɔ na Arauna ɔ́su-nwu ɔnini, “Lɛla biala na aawia ni, ti-ni ƒaa na eti akpa. Aanu ɔmantɛ bakɔ ku kudenkɛ kɔni lɛlɔ muubó edula ebi ku ligyii lɛni mɔɔbala ɔmantɛ bakɔ bammɔ ti bla ekyweni ƒaa.

Samuel 2 24:25

Ɔga Dawid ɔ́tu lɛkpabi lɛmmɔ úte Unwoti na mmɔ na ɔ́bla akpala bɔkyula ɔdi ku unwi bɔbla akpala úte Katɔti. Na ɔmmɔ kama Unwoti Katɔti lɛnɔ akpala ammɔ áƒɔ-nwu anu ɔsu únu-ma buvele na ɔlɛ ɔmmɔ kenye kékulo.

Baga 1 19:21

Amu na Elisa únwini úsie nwuna ɔmantɛ bakɔ kudɔ na ɔ́du-ma, na úti ala ani na úbo ɔ́da-ma mmɔ ɔ́bla ekyweni na úti úƒulo lɛna lɛmmɔ. Na úti lɛna lɛmmɔ úte nwuna bekyuli na bákun. Na ɔmmɔ kama ni, Elisa únwini útásiaku Elia kama aani nwuna ubunkune kalɛ.

Israelƒuɔ Bɔlɛ 20:24

“ ‘Biti lɛti bɛtu lɛkpabi bite-mi na biti bina baƒonu ku bese ku ɔmantɛ bakɔ bitaabla bɔkyula akpala ku unwi bɔbla akpala nwuna lɛlɔ teete-mi. Na kesii biala na lɛ́su ka bɛkpa-mi na bɛkɔliku mina lɛnyi katɔ ni, ndubɔyu libo na mbete-mii kusɛ kusɛ.

Litemi Batɛne 21:4

Lɛdigye tutuutu ni, bekyuli bammɔ bátu lɛkpabi na bábla bɔkyula ku unwi bɔbla akpala.

Litemi Batɛne 6:26

Na atu lɛkpabi buni lɛni nákuku ete ƒula Unwoti Katɔti na katɔ mmɔ. Na eti ɔmantɛ akɔ ɔmmɔ abla bɔkyula akpala ete-mi. Na eti kugyii kɔni na amɛnɛ mmɔ ekyweni abla akpala ammɔ.”

Samuel 1 11:5

Na uwi ɔmmɔ lɛlɔ tutuutu ni, Saul ɔ́kpanku nwuna ɔmantɛ bakɔ benengudi ɔ́siku nwuna kemo úsela kaduli. Na ka únu kɔvanu kɔmmɔ ni, úye bekyuli bani nnye mmɔ ɔnini, “Bi mɔɔlɛ́ku bekyuli bammɔ? Na bi ɔsu na beewulo?” Amu na ama lɛnɔ básu-nwu kenye kani na bekyuli bani nási Yabes badanku béboku.

Samuel 1 20:29

Na údie kalɔ úte-mi na ɔ́su-mi ɔnini, ‘Muuvele-ɔ ka bula ɔtɔ kemmo bɔɔbla akpala adi na bɔdi limeyi lɛdi na Betlehem. Ɔmmɔ ɔsu mina ɔnwani ɔlɔ-mi ɔnii mbakya-ma akɔ. Na ɔmɛni ɔsu na muuvele-ɔ kuƒi ka enu kalɔ na lisie mmɔ.’ Ami lɛnɔ línu kalɔ líte-nwu na ɔmmɔ ɔsu na uuubo-bu akɔ mɛni na ɔdi ku ɔga.”

Samuel 1 6:13

Na uwi ɔmmɔ kemmo ni, Bet-Semes bekyuli bakya baaƒɛ bana edula ebi ani na bákya na ɔkwalɛ kemmo. Ka bátalaku anumi ni, bánu ka Unwoti Bunyimi Adaka ɔmɛni ɔsia kɛɛkɛ lɛlɔ ɔɔyu. Na lɛlɔ lɛ́yɔ-ma geen.

Samuel 1 6:18

Na sika ugyiedi ɔni bávɔ na besi udu kenye lɛnɔ ubo ɛlɔ na Ƒilistiƒuɔ lɛma ɛlɔ bɔni kenye na agyina besiene bammɔ benye bumomo kenye. Na lɛma lɛmmɔ ndi lɛni na bátu awodu bámana ku lɛma lɛwɛwɛlɛdi lɛni mma-ni lɛlɔ. Na lɛtakpɛ lɛni lɛlɔ na bágyu Bunyimi Adaka ɔmmɔ bálɛ ni, ɔmu ɔdi likposela na Yosua ɔni nási Bet-Semes kalɔ kemmo ku ɔmwi limeyi lɛmɛni lɛlɔ.