Samuel 1 6:11 - Katɔti Ɔku Kedee

¹¹ Amu na béti Unwoti Bunyimi Adaka ɔmmɔ básia kɛɛkɛ ɔmmɔ lɛlɔ ku obo ɔni kemmo na sika ugyiedi besi ku alɛbi udu ɔni bávɔ mmɔ akya.

Samuel 1 6:11 ပူးပေါင်းရင်းမြစ်များ

Samuel 2 6:3

Unwoti Bunyimi Adaka ɔmmɔ use ɔnana ɔni baalɔ Aminadab kesii na kɔbi kɔdi lili. Amu na Dawid bekpone bammɔ béti adaka ɔmmɔ na béti básia kɛɛkɛ ɔwɔdi lɛlɔ.

Ala Alɛdi 1 13:7

Bététi Katɔti Bunyimi Adaka ɔmmɔ básiku Abinadab kaduli. Na béti adaka ɔmmɔ básia kɛɛkɛ ɔwɔdi ɔdi lɛlɔ. Na Usa ku Ahio bákya báagyumana kɛɛkɛ ɔmmɔ.

Lɛkpa Ulu 28:27

Unwoti ɔdubɔya na eƒula eteeƒu-mii aani kalɛ na ɔ́ya na éƒu Egyipteƒuɔ úbavi. Na ɔdubɔya na bina ɔlɔna utaabla alɛbi na ulie ntu na utaadu-mii. Nsu kuvo kɔdi kuuubo kɔni mabwi-mii.

Samuel 1 6:10

Anwuɔsu bábla ala amɛni ƒui. Na béti kɛɛkɛ ɔmmɔ lɛbuli bébo báda ɔmantɛ bakɔ bammɔ lɛlɔ na bámami bana bebi bammɔ bátákya kesii bamba.

Samuel 1 6:12

Amu na ɔmantɛ bakɔ bammɔ báyu ulu, na bakɛ siin bésela Bet-Semes. Na bakɛ beebó kudu na ulu lɛlɔ uwi ƒui. Na bétedeyi kɔmii iye kɔdianu. Na Ƒilistiƒuɔ batɔnkune bammɔ basiaku-ma kama laa útédu Bet-Semes ɔmii lɛlɔ.

Samuel 1 6:4

Amu na Ƒilistiƒuɔ bammɔ béye banini, “Bi na ɔ́manku ka buti butékpi Unwoti ɔmmɔ kɔtɔ.” Mmɔ na bédie kenye banini, “Biti sika ugyiedi na bɛnwamana-nwu na bɛvɔ bɛbla aani bina alɛbi ani mɔɔdu-mi mmɔ udu. Na bɛvɔ ɔbambadi lɛnɔ aani besi bani muubile-mi ala udu kenye. Na nwuna bumomo bɔbla ɛlɔ ɛlɔ na Ƒilistiƒuɔ agyina besiene bammɔ bumomo kenye, ɔsika amii ku-ma lɛlɔ na ɔlɛ ɔmmɔ úbo. Na biti bitéte Israel baƒiɔ bammɔ aani bina kɔtɔ bukpi etela. Ɔƒɛni kalɛ kaƒɔ kadubɔba-nwu na ɔ́ya ɔgbankpi ɔmmɔ kenye kekulo na amii ku bina baƒiɔ ku kalɔ kammɔ ƒui bɛkɛ bɔnwuna.