Samuel 1 5:4 - Katɔti Ɔku Kedee

⁴ Nsu ka kadi bamba kégye ni, banu ka lɛtabi lɛmmɔ lɛ́sɔ lɛ́lɛ líbo, na nina anumi ebi kalɔ na Bunyimi Adaka ɔmmɔ anumi aani kudeedi kalɛ kani. Nsu ɔƒaani ni, bánu ka nwuna lili ku enu áƒɛ álɛ-nwu lɛlɔ. Na lili ku enuku ammɔ ewi kalɔ na atabi akɔ na kayakun.

Samuel 1 5:4 ပူးပေါင်းရင်းမြစ်များ

Yesaia 27:9

Na ɔkɛnku ɔmɛni lɛlɔ na ndubudie kɔtu bɔni bana lɛlɔ na bana ekpidi ammɔ alɛ-ma lɛlɔ ƒui. Na lɛnɔ ni, ntu bábwɛ akpabi ani na bátu ku atabi mmɔ kpɛtɛ kpɛtɛ. Na babwɛ Asera baƒiɔ na bagyu-ma ku lɛƒiɔgyii lɛmmɔ na abi lɛlɔ kesii kani na baakyula oloƒui teete-ma mmɔ ƒui na basɔ balanu ka ɔdi unye.

Yesaia 40:20

Na bekyuli beeti ugyii kpakplaa ɔni na bánu ka ulebun. Na bawia ɔnwine ɔni ndubɔnwi lɛla lɛmmɔ unyene na ulálɛ ulébo.

Yeremia 10:11

Awɔ násu-mi anii nsu-ma ka ɔɔɔdi baƒiɔ nédie kalɔ kammɔ na adubo baƒiɔ ƒui udu bɔyila.

Yeremia 10:14

Bekyuli bani mɔɔnwí na baavɔ́ ala teese lɛlɔ aani baƒiɔ bádɔlɔ! Badubo bana lɛnunsia bɔyila na enu aƒɛ-ma, ɔsika bana ɔkɔ bɔnyi baƒiɔ bammɔ balakana bɔnwuna.

Yeremia 10:15

Baƒiɔ badi aƒiankula ku amala na si uwi ɔbuni úbo úbedu ni, badubo-ma udu bɔyila ƒui.

Yeremia 50:2

Lɛ kati bute aƒlaga na ava momoomo kalɛ na kadi bekyuli ƒui benu anini, ‘Badubo Babilon buƒie enu enu! Na kɔƒa kɔdubo bana Marduk baƒiɔ bammɔ bukpo na liƒu liƒie-nwu geen na bebo ala ani na bávɔ béte-nwu bɔbwɛ buwi kalɔ ƒui.

Daniel 11:8

Na ɔdubuti bana baƒiɔ bammɔ ƒui ɔtɔlɔku usienku Egyipte kalɔ lɛlɔ ku bana lɛkɛ lɛni náƒɔ-ma kuye geen aani sika ɔƒualadi ku ugyiedi. Nsu ɔdubo uwi bɔƒɔ geen asa na wasɔ wekpoku lɛga kadikɔ kamɛni. Na akwa adi kama ni,

Mika 1:7

Badubo Samaria baƒiɔ ƒui bubo bɔbwɛ. Na ogya ɔkyula ala ani na bákɛ básiku bana kakpakɔ na nwuna bayalɛ kabla kammɔ kudɔ. Na baƒɔ bani nse aani bana kalɛ kani bebeti bana akɛla ammɔ ƒui na beti betéte bana lɛƒiɔkpa bayalɛ, ɔsika bayalɛ kudɔ na ala ammɔ ási.