Samuel 1 5:11 - Katɔti Ɔku Kedee

¹¹ Ka bétenuku-ma kalɔ ɔsu ni, Ekron ɔma bekyuli lɛnɔ bálɔ Ƒilistiƒuɔ agyina besiene kelisa na básu-ma banini, “Bɛsɔku Bunyimi Adaka ɔmɛni bimene bekyuli bani ɔdi na ɔdi kalɛ na bulása bukpi.” Liƒu líduo ɔdi biala ɔƒɛni amu, ɔsika ɔgbankpi geen ndaku bɔlɛ kesii kani ƒui na bada Bunyimi Adaka ɔmmɔ baavínku. Na Israel Katɔti ɔdaku nwuna ɔyikun budie taatina geen.

Samuel 1 5:11 ပူးပေါင်းရင်းမြစ်များ

Israelƒuɔ Bɔlɛ 10:7

Na Ƒarao benengu bammɔ básu-nwu banini, “Bi ɔsu na ɔlɛka bɔya na ɔnana ɔmɛni uteekpoku-bu lɛni? Bɛya bute Israelƒuɔ bamɛni kuƒi na batɔlɔ, na beteesie batákpa bana Unwoti Katɔti. Aanu taati ka Egyipte kalɔ ƒui kadaku udu bɔyii na ama ɔsu?”

Samuel 1 5:10

Ɔmɛni ɔsu ama lɛnɔ béti Bunyimi Adaka ɔmmɔ bémene ɔma ɔni baalɔ Ekron. Nsu ka bétédu mmɔ ni, bátavia ɔma ɔmmɔ ɔban kenye asa Ekron ɔma bekyuli bése kalɔ beení-ma ku kɔvanu momoomo banini, “Béti Israel Katɔti Bunyimi Adaka badububoku bula ɔma. Na ɔdubo abu ku bula bebi bɔdu.”

Samuel 1 5:6

Unwoti ɔ́ya na ɔgbankpi pii ɔ́siaku Asdod ɔma bekyuli ku ekutɛ mmɔ badi ƒui. Na ɔ́ya na alɛbi álɛ éwi-ma lɛlɔ ƒui na ɔ́yila badi udu. Ɔmɛni ɔsu bana ƒui báta bábla susuusu.