Samuel 1 3:21 - Katɔti Ɔku Kedee

²¹ Unwoti úsie anumi na uudie lɛlɔ taatina na Silo mmɔ ɔkɛnku ala ani na ɔɔsu Samuel lɛlɔ.

Samuel 1 3:21 ပူးပေါင်းရင်းမြစ်များ

Ala Kalɔ Buse 12:7

Unwoti údie lɛlɔ ɔ́tina Abram na mmɔ na ɔ́su-nwu ɔnini, “Ƒula uwɔ na ndubo kalɔ kamɛni buti bute.” Anwuɔsu ɔ́tu lɛkpabi lɛdi na mmɔ úte Unwoti ɔni nédie lɛlɔ ɔ́tina-nwu.

Ala Kalɔ Buse 15:1

Ɔmmɔ kama ni, Abram ɔ́nu kɔyu kemmo lɛla lɛdi na Katɔti ɔ́su-nwu ɔnini, “Abram, sɔ tayia! Ami ndi ƒula katamikukɔ ku kesii kani na adubɔkɛ ƒula lɛyuƒɔla linengudi.”

Yeremia 41:5

Uwi ɔmmɔ kemmo ni, nkyuli liti ku avlaatɛ badi básia Mispa ɔma ulu ɔmmɔ lɛlɔ badubo ɔ́si Sekem ku Silo ku Samaria lɛma banii beeti bana etela bebeti Unwoti na nwuna kakpakɔ ani ndi antabi ku oloƒui. Na békpeyi bana kuduo kalɔ linwini ƒui na báni bana adala bábwɛ na békulo bana lɛlɔ ekpo ekpo béti baatina ka beewulo kɔnyana.

Amos 3:7

Na Katɔti ulábla lɛla lɛdi ntu ɔ́ka nwuna kenye udiene bɔsu.

Bumomo Bɔka 12:6

ɔ́su-ma ɔnini, “Binu etemila ani ndubo-mii bɔsu mɛni. “Si Unwoti kenye udiene ɔdi ɔkya-mii akɔ ni, muudie lɛlɔ taatina-nwu na kɔyu kemmo ala budie bɔtina kemmo iye kɔna kemmo na mɔɔtɛmiku-nwu.

Lɛkpa Ulu 29:10

Ɔmwi kadi ni, bina ƒui binye bina Unwoti Katɔti anumi, batɔnkune ku kabla bablane ku banana ku belekubi ƒui ku bina bebi ku bekyuli bani naaadi Israelƒuɔ na bakya-mii kudɔ na baadá bina egyii na beesié ketu teete-mi.

Hebriƒuɔ 1:1

Na uwi ɔni návi kemmo ni, Katɔti ɔ́sia nwuna kenye bediene lɛlɔ ɔ́tɛmiku bula bati kuuku kɔlɛ kɔlɛ na lilu bun bun lɛlɔ.

Samuel 1 10:19

Na muuye-mii nnii, ɔɔɔdi ami ndi bina Katɔti. Na muudie-mii na ala ani muukpóku-mii ku bina lɛbibo kemmo? Nsu bíni-mi na bɛɛwia ka ukyuli ɔdi-mii lɛga. Amii alati náƒuna lɛla lɛni na bɛɛyɔ́. Na ami lɛnɔ ndubuse ɔga lite-mii. Ɔmmɔ ɔsu bɛsala lɛlɔ ƒui bibenye-mi anumi na bina atɔƒi kenye.”

Samuel 1 3:1

Na uwi ɔmmɔ ni, Samuel ɔ́kya Eli kudɔ útaabla Unwoti kabla, ɔƒɛni lɛnɔ ni, Unwoti ulátɛmiku ukyuli pla pla na ulédie lɛlɔ lɛnɔ taatina ukyuli na kɔna kemmo pla pla.

Samuel 1 3:10

Unwoti ɔ́sɔ úbo úbakpali Samuel aani kudeedi kalɛ ɔnii, “Samuel, Samuel.” Amu na Samuel ɔ́tuna ɔnini, “Unwoti, aanu ami ƒula kabla ɔblane. Su-mi lɛla lɛni na lɛbla.”

Samuel 1 3:4

Ɔmmɔ kama ni, Unwoti ɔ́kpali Samuel na ɔ́tuna ɔnii, “Ati aanu-mi.”

Samuel 1 9:15

Na limeyi lɛni ntɔ asa na Saul úbo úbasiaku Samuel mɛni ni, Unwoti údie ala ammɔ ƒui ɔ́tina Samuel.