Samuel 1 3:19 - Katɔti Ɔku Kedee

¹⁹ Kalɛ kani na Samuel ɔɔbi lɛlɔ teebu ni, lɛni na Unwoti ɔsiaku-nwu. Na ala ani ƒui na ɔɔsu ni, eebo-nwu kemmo lɛni, na ɔdi ulásia kɔmadɔ.

Samuel 1 3:19 ပူးပေါင်းရင်းမြစ်များ

Ala Kalɔ Buse 21:22

Na uwi ɔmmɔ kemmo ni, Abimelek ku nwuna bekpone ɔtɔnkune ɔni baalɔ Pikol básu Abraham banini, “Bɔɔnu ka Katɔti uliku-ɔ na ƒula lɛla biala na aabla kemmo.

Ala Kalɔ Buse 28:15

Nliku-ɔ na ndubɔsia-a anu kesii biala na aaví. Na ndubɔsɔku-ɔ liboku kalɔ kamɛni lɛlɔ. Lɛɛɛdubo-ɔ bɔnyonu buse uwi ɔdi wetédu ka lɛ́bla lɛla lɛni kenye na líse-ɔ ka mabla.”

Ala Kalɔ Buse 39:2

Ɔƒɛni Yoseƒ ɔmɛni ni, ɔdi ukyuli ɔni na Unwoti Katɔti uliku-nwu kaduɛ. Na nwuna ablala ƒui álɛ-nwu kɔsia geen na nwuna Egyipteni ɔtɔlati ɔmmɔ kesii kani na ɔkya mmɔ.

Ala Kalɔ Buse 39:3

Ka nwuna ɔtɔlati ɔ́nu ɔ́ti kalɛ na Unwoti Katɔti uliku Yoseƒ ku kalɛ na nwuna ablala aatɛ-nwu ɔsu ni,

Baga 1 8:56

“Bemwi Unwoti ɔni néte nwuna bekyuli Israelƒuɔ ƒui bɔnwuna aani kalɛ kani na úse kenye úse. Na útada útavia kenye kani na úse ɔ́siaku nwuna kabla ɔblane Mose lɛlɔ ina litemi linwi pɛ.

Baga 2 10:10

Ɔbla-mii nwaa ka ni, lɛla biala na Unwoti ɔ́su ɔ́siku Ahab kaba bekyuli lɛlɔ ni, ɔlɛka libo-nwu kemmo. Na Unwoti ɔ́bla lɛla lɛni na ɔkɛnku nwuna Kenye Udiene Elia lɛlɔ ɔ́su úse.”

Baga 2 15:12

Anwuɔsu kenye kani na Unwoti ɔ́su úse ɔkɛnku Yehu lɛlɔ kébo-nwu kemmo lɛni ɔni na ɔ́su ɔnini, “Ƒula kaba kemmo bebi badubɔdi lɛga na Israel útédu kaba kenedi lɛlɔ.”

Baga 2 22:16

ɔsika lɛni na Unwoti ɔɔsu ɔnini, “Ndubo Yerusalem ku bekyuli bani nkya mmɔ bɔkyula aani kalɛ na bénweni bákya ɔku ɔni na ɔga ɔmmɔ ɔ́ka kemmo.

Yesaia 43:2

Na si bɛɛvia ketu bonwu kani nágyu dɛ muedi ni, nliku-mii na bilánu-ka. Na si ogya kemmo na bɛkɛ muedi ulakyula-mii. Na ogya unyemi ɔmmɔ lɛnɔ ulekeyi-mii.

Yesaia 44:26

Ndubɔya na mina kenye bediene ala ani básu banini, ‘Bekyuli badubo bumomo na baƒɔ Yerusalem ƒui na Unwoti ɔsɔku ɔma ɔmmɔ ɔda ubo-nwu kemmo.’

Yesaia 55:11

Lɛni na mina etemila ese na si lɛ́su lɛla lɛdi ni, etemila ammɔ alásɔ teenwini teebo-mi kudɔ na lɛla lɛmmɔ lilebo-nwu kemmo kalɛ na lɛ́su-ni.

Mateo 1:23

“Adagyaa ɔdi ɔdubɔda kaƒɔ na ɔwɔ ubi ɔnanabi. Na bekyuli badubɔlɔ-nwu banii Imanuel.” Na nwuna kalɔ budie ndi Katɔti ulieku-bu.

Luka 1:28

Ɔtu ɔmmɔ úbo Maria kudɔ na ɔ́su-nwu ɔnini, “Mɔɔkɔ́-ɔ lɛlɔ buɛɛ! Blɔti ɔsiaku-ɔ na úte-ɔ kusɛ kusɛ.”

Luka 1:80

Amu na ubi ɔmmɔ ɔ́lɛ lili na nwuna kayi kasia Katɔti lɛlɔ kpakplaa. Na ketele ntɛ kani na úlie úti útédu uwi ɔni na ɔ́da ɔ́lɛ Israel kadi anumi.

Luka 2:40

Ubi ɔmmɔ ɔ́lɛ lili na ɔ́kɛ lɛlɔ ɔkplu, na ɔ́da anu geen. Na nwuna lɛlɔ lɛ́da Katɔti kubiti.

Luka 2:52

Na Yesu úbalɛ lili na lɛnunda ku ɔlɔna kemmo, na ɔ́ƒɔ lɛnyi na bekyuli ku Katɔti ƒui anumi.

Korintoƒuɔ 2 13:11

Banwa, na kawɔlɔkɔ mɛni ni, binye momoomo na bɛlɛ lili bɛwɔlɔ. Na binu ala ani ƒui na lívele-mii na ɔku ɔmɛni kemmo. Bɛbla unwi na bilieku lɛlɔ ku keyi buɛɛ, na Katɔti ɔni mɔɔyɔ́ bekyuli na ɔɔyá na keyi kaayɔ́ku-ma ni, ɔdubɔsiaku-mii.

Korintoƒuɔ 2 13:14

Blɔti Yesu Kristo lɛƒɔndia ku Katɔti bɔyɔ ku Katɔti Kɔyu unwi bɔbla ɔsiaku bina ƒui.

Lɛkpa Ulu 18:22

Binu kalɛ na bɛdubuti bɛnu ka litemi lɛmmɔ lɛ́si iye lítasi Katɔti kudɔ. Si kenye udiene ɔdi úti Katɔti lɛnyi na ɔ́su lɛla lɛdi na lɛla lɛmmɔ lítebo-nwu kemmo ni, na kenye udiene ɔmmɔ kenye kátasi Katɔti kudɔ. Mmomu kenye udiene ɔmmɔ ɔlati néti nwuna kasusu ɔ́su lɛla lɛmmɔ. Anwuɔsu bitayia ukyuli ɔmmɔ.

Timoteo 2 4:22

Blɔti ɔda-a kɔyu, na muuvele-nwu nnii ɔda-mii kaduɛ na nwuna lɛƒɔndia kemmo.

Yosua 21:45

Na linyese biala na Unwoti úse Israelƒuɔ ni, ɔ́di-ni lɛlɔ ƒui pɛpɛɛpɛ.

Litemi Batɛne 13:24

Amu na uleku ɔmɛni úbawɔ ubi ɔnanabi na ɔ́sia-nwu lɛnyi ɔnii Simson. Na ɔnanabi ɔmɛni ɔ́lɛ lili na Unwoti úte-nwu kusɛ kusɛ.

Samuel 1 10:7

Si ala amɛni álɛ ni, kabla biala na anii aabla ni, na enye-ka lɛlɔ kpakplaa ɔsika Katɔti ulieku-ɔ.

Samuel 1 12:2

Ɔƒaani ni, bibo ɔga ɔni mɔɔtɔnku-mii. Na ami ni, mina akwa éesie anumi na mina lili lɛ́ƒuala. Na mina bebi bakya-mii akɔ mɛni. Ami nátɔnku-mii ɔ́si mina lɛnamu uwi ƒui úti úbedu ɔƒaani.

Samuel 1 16:18

Mmɔ na benengu bammɔ akɔ unwi ɔ́su ɔnini, “Ɔnana ɔdi ɔ́si Betlehem na baalɔ-nwu Yisai. Ubo ubi ɔnanabi ɔni ngyi ɔbentaa bɔgya geen, na ɔdi ukpone ɔni mbo kayi, na ɔgyi bɔtɛmi na ɔɔdia bɔnu, na Unwoti lɛnɔ ɔsiaku-nwu geen.”

Samuel 1 18:12

Saul úbo ɔɔyia Dawid geen, ɔsika ɔ́nu ɔ́ti nwaa ka Unwoti ɔsiaku Dawid geen. Nsu anwu Saul ni, Unwoti údie-nwu atu.

Samuel 1 18:14

Na lɛla biala na Dawid wabla ni, lɛɛtɛ teete-nwu, ɔsika Unwoti ɔsiaku-nwu geen.

Samuel 1 18:5

Na lɛla biala na Saul úbo Dawid ɔda ka ɔbla ni, ɔɔbla-ni kaduɛ. Ɔmmɔ ɔsu Saul úti Dawid ɔ́bla bekpone batɔnkune akɔ unwi ɔni na ubo kenyekɔ geen na bekpone bammɔ akɔ. Na lɛla lɛmɛni lɛ́da bekyuli bammɔ ƒui kubiti ku Saul bekpone batɔnkune bammɔ muedi.

Samuel 1 2:21

Unwoti ɔ́bla Hana lɛƒɔndia sɔsɔ na ɔsɔ úbada kaƒɔ na ɔ́wɔ bebi bananabi ɛtɛ ku belekubi inyɔ. Na uwi ɔmmɔ kemmo ni, Katɔti anumi ásia Samuel lɛlɔ na ɔ́lɛ lili geen na kakpakɔ mmɔ.

Samuel 1 2:26

Na uwi ɔmmɔ kemmo ƒui ni, Samuel ɔɔlɛ́ lili geen na nwuna lɛlɔ lɛɛda Unwoti ku bekyuli bammɔ ƒui ebiti.

Samuel 1 9:6

Nsu kabla ɔblane ɔmmɔ ɔ́su Saul ɔnini, “Nu, Katɔti Kenye Udiene ɔdi ɔkya ɔma ɔmɛni kemmo ɔni na bekyuli baabu geen. Na lɛla biala na ɔ́su ni, liibo-nwu kemmo lɛni. Anwuɔsu ya na busie na butánu-nwu. Ɔƒɛni kalɛ ɔdubɔsu-bu kesii kani na bɔdubɔvi bɔsia.”