Samuel 1 3:18 - Katɔti Ɔku Kedee

¹⁸ Ɔmmɔ ɔsu Samuel ɔ́sɔku lɛla biala ɔ́su Eli na útabɛla-nwu lɛla lɛdi. Amu na Eli údie kenye ɔnini, “Anwu ndi bula Unwoti, anwuɔsu buuubo lɛla lɛdi na bɔsu, mmomu ɔbla nwuna lɛyɔla lɛni na ɔ́nu ka lɛdia na lɛ́manku.”

Samuel 1 3:18 ပူးပေါင်းရင်းမြစ်များ

Ala Kalɔ Buse 18:25

Ńtaƒɔ ńtadi ka adubɔbla lɛni, na adu bekyuli babuni ku bekpidi ɔni mɔɔtina ka ábla bekyuli babuni ku bekpidi ulikplu likeke. Ɔmmɔ udu anwu ni, ngyi nwaa ka awɔ ɔni mɔɔtɛku kayawi ƒui litemi adubɔbla lɛla lɛni ndi ulu.”

Samuel 2 10:12

Anwuɔsu binye momoomo na bise kayi na bukpo bula bekisine na bula kadi bekyuli Israelƒuɔ ɔsu. Na bukpo na bɔƒɔ bula lɛma lɛni na Unwoti úte-bu ka bulie-ni kemmo buse. Unwoti ɔbla lɛla lɛni na anwu ɔlati ɔ́nu ka lɛdia.”

Samuel 2 15:26

Nsu si ɔ́su ɔnini, ‘Ƒula ala asɔ alada-mi kubiti’ ni, na nnye kágyumana ka ɔbla-mi kalɛ biala na ɔɔyɔ́.”

Baga 2 20:19

Na Hesekia únu kalɔ ka ɔdubo atu bɔyɔ bɔkɛ na ɔkɛ Unwoti kagyumana na nwuna ngba uwi ƒui. Anwuɔsu údie kenye ɔnini, “Kenye kani nási Unwoti kudɔ kébo-mi kudɔ mɛni kadia.”

Ala Alɛdi 1 19:13

Nye kpakplaa na bukpo bute bula kadi bekyuli ku Katɔti lɛma linengudi lɛmmɔ. Na Unwoti ɔlati ɔdubo lɛla lɛni na ɔ́nu ka lɛ́manku bɔbla.

Hiob 1:21

Mmɔ na ɔ́su ɔnini, “Kasɔngya na mina uni ɔ́wɔ-mi ɔ́lɛku nwuna kaƒɔ kemmo, na kasɔngya kani na ndubɔsɔ linwini. Unwoti néte, na Unwoti násɔ ɔ́ƒɔ. Bemwi Unwoti lɛnyi!”

Hiob 2:10

Mmɔ na Hiob údie kenye ɔnini, “Bi ɔsu na aatɛmi aani uleku ɔdɔlɔdi? Uwi ɔni na Unwoti úte-bu ala abuni ni, bɔ́ƒɔ-nya. Na si ɔƒaani anwu úte-bu lɛbibo ni, útalɛka bɔƒɔ ɔmmɔ lɛnɔ?” Na ɔmɛni kemmo ƒui ni, Hiob útasu lɛla lɛdi na ɔƒiɔ Unwoti.

Kɔgya 39:9

Lɛ́bla kpoo na neeebimi kenye, ɔsika awɔ náya na úbo úte lɛni.

Israelƒuɔ Bɔlɛ 34:5

Amu na Unwoti ɔ́yu úbo Mose kudɔ na kɔbi kɔmmɔ lili na liƒlukutu kemmo. Na ɔ́kpali nwuna lɛnyi kedee na ɔ́su ɔnini, “Ami Unwoti mmɔ.”

Yesaia 39:8

Na Hesekia únu kalɔ ka ɔdubo atu bɔyɔ bɔkɛ na ɔkɛ Unwoti kagyumana na nwuna ngba uwi ƒui. Anwuɔsu údie kenye ɔnini, “Kenye kani nási Unwoti kudɔ kébo-mi kudɔ mɛni kadia.”

Yeremia 34:6

Amu na lísie Sedekia kudɔ na ńtásɔku ala ani ƒui na Unwoti ɔ́su-mi mɛni lɛ́su-nwu.

Yeremia 38:14

Ɔga Sedekia ɔ́ya na bákpanku-mi béboku-nwu kudɔ na kakpakɔ ɔkɛ nwuna kayakun kani nábɛ mmɔ kemmo na ɔ́su-mi ɔnini, “Mɔɔwia ka liye-ɔ ala adi na lɛti litemi geen lɛmmɔ.”

Yeremia 42:4

Amu na lídie kenye nnini, “Ɔdia, ndubo Unwoti bina Katɔti bɔkpali na livele, na lɛla biala na ɔ́su-mi ni, ndubɔya na bɛti.”

Kɔnyana Buwulo 3:39

Ka bɔmu bulie ngba ɔsu ni, utalɛ ka buteeni lɛla lɛdi si báni-bu kɔtu na bula ekpidi ɔsu.

Lewiƒuɔ Ɔda Bubo 10:3

Mmɔ na Mose ɔ́su Aaron ɔnini, “Lɛla lɛmɛni na Unwoti ɔ́su uwi ɔni na ɔ́su ɔnini, ‘Bekyuli bani muubo-mi kudɔ ƒui ɔlɛka babla-mi lɛla biala kedee aani kalɛ kani na nse kedee. Na kadi bekyuli ƒui beti ɔbu bete-mi.’ ” Na bunye kani na Aaron unye kpoo uunú na útebimi kenye.

Petro 1 5:6

Anwuɔsu bɛya na Katɔti ɔyikun utaadi-mii lɛlɔ. Na watalaku-mii katɔ na uwi ɔni lɛlɔ na ɔɔyɔ́.

Litemi Batɛne 10:15

Nsu Israelƒuɔ ama kɔtɔ kani na bakya beekpi Unwoti taasu banini, “Bɔ́bla likpidi na ƒula anumi. Anwuɔsu bla-bu lɛla biala na námanku-bu. Nsu buvele bɔda-a, ƒɔ-bu lɛku bekyuli bamɛni enu kemmo.”