Samuel 1 3:11 - Katɔti Ɔku Kedee

¹¹ Mmɔ ni, Unwoti ɔ́su Samuel ɔnini, “Nu! Ndubo lɛla lɛdi bɔbla na Israel ɔni na ɔtɔtɔ ɔdubɔgyu ukyuli biala ɔni menu lɛla lɛmmɔ.

Samuel 1 3:11 ပူးပေါင်းရင်းမြစ်များ

Baga 2 21:12

Anwuɔsu ami Unwoti ɔni ndi Israelƒuɔ Katɔti ndubuti ɔgbankpi ɔmɛni liboku Israelƒuɔ ku Yerusalemƒuɔ lɛlɔ. Na ukyuli biala ɔni menu litemi lɛmɛni ni, nwuna atu kemmo adubɔbla-nwu yaa.

Hiob 41:9

Ɔtɔtɔ ɔni lɛti ndubo-ɔ bɔgyu si éti lɛnumi ánu-nwu muedi ni, alasu anii eeƒie-nwu ataanyuɛ.

Yesaia 28:19

Na kɔlɛ kɔlɛ kɔni na lɛbibo lɛmɛni lɛdububo ni, lɛni kani na lɛdubo-mii buteetiku lɛdigye ku ɔƒiiwi ku usien lɛnɔ.” Na si uwi ɔni na bɛdubunu kenye kamɛni kalɔ ni, ɔdubɔya na liƒu libendi lɛda-mii geen.

Yesaia 29:14

Anwuɔsu nsɔ ndubo-ma buyu bɔtu ku liƒu ala ani ndubɔbla-ma kalɛ kadi. Ndubo banundane lɛnunda udu bɔyila. Na lídie lɛ́tina ka bakutine lɛnunda lɛɛɛdi lɛla lɛdi.”

Yeremia 19:3

‘Ami ndi Unwoti Ɔyikune Ƒui, Israel Katɔti, na mɔɔyá na amii Yudaƒuɔ baga ku Yerusalem bekyuli ƒui bɛti ka ɔlɛka bise atu na binu lɛla lɛni mɔɔsu-mii na ɔdia-mii utulo. Ɔsika ndubo bɔya na ɔgbankpi bonwu lidu lidu libo libalɛ na kɔwɛ kɔmɛni kemmo ɔni na ukyuli biala menu kɔku kɔmmɔ ɔdubo bɔyia geen.

Habakuk 1:5

“Nwini na anu ala ani mɔɔlɛ́ na kadi bekyuli ƒui akɔ na ɔdubɔbla-a kalɛ kadi! Ɔsika ndubo lɛla lɛdi bɔbla na bina uwi lɛni na si ina bínu ka baasu-ni muedi ni, biláƒɔ biladi.

Luka 21:26

Bekyuli badubo butaayila na liƒu ɔsu uwi ɔni na béti benye bagya lɛla lɛni ndubɔlɛku kayawi kemodi kammɔ lɛlɔ. Ɔsika ala ani nkya kayaa asɔ elenye ana kenyekɔ, na lɛla biala ɔbladu ɔvumana.

Batalane Kabla 13:41

Ɔsika Katɔti ɔ́su ɔnini, “ ‘Amii bani naaabu mina litemi ni, bɛnu kaduɛ! Ɔsika ndubo lɛla lɛdi bɔbla na bina uwi lɛni na si ina bínu ka baasu-ni muedi ni, biláƒɔ biladi.’ ”

Samuel 1 3:10

Unwoti ɔ́sɔ úbo úbakpali Samuel aani kudeedi kalɛ ɔnii, “Samuel, Samuel.” Amu na Samuel ɔ́tuna ɔnini, “Unwoti, aanu ami ƒula kabla ɔblane. Su-mi lɛla lɛni na lɛbla.”

Samuel 1 4:10

Ɔmɛni ɔsu ka bása sɔsɔ ni, Ƒilistiƒuɔ békpo ku lɛnungyie na bádi Israelƒuɔ lɛlɔ. Na usi na Israelƒuɔ bakɛ békeli bésie bana kakyakɔ. Na bádu Israelƒuɔ na bemomo geen, ɔsika bekpone bani nkɛ lɛgba na bádu-ma babla nkyuli mpim avlaatɛ.