Samuel 1 27:9 - Katɔti Ɔku Kedee

⁹ Na uwi biala na Dawid úsie útékpoku lɛma lɛmɛni ni, ɔɔdú bekyuli bani nli mmɔ ƒui na uƒie bana baƒonu ku ɔmantɛ bakɔ ku bebuo ala betine ku baƒlumu ku bana adala taaƒɔ asa na ɔsɔ unwini usie Akis kudɔ.

Samuel 1 27:9 ပူးပေါင်းရင်းမြစ်များ

Ala Kalɔ Buse 16:7

Ka úkeli ni, Katɔti ɔtu ɔdi ɔ́nu Hagar na libiɔ lɛdi kɔtu na ketele kemmo kesii kadi. Na libiɔ lɛmmɔ ndi libiɔ lɛni nkya ulu kudɔ si éti ésela ɔma ɔni baalɔ Sur kemmo.

Ala Kalɔ Buse 25:18

Na nwuna bebi ku bawɔ ni, báda kuliekɔ na kalɔ kani nwi Hawila úsie Sur kesii kani nde Egyipte ɔmii kudɔ si éti ésela Asiria kakɛ. Nsu béteduku munu munu, mmomu bélie mmɔ aani bekisine.

Hiob 1:3

Na ubo baƒonu mpim maatɛ ku bebuo ala betine ku keƒu mpim ɛtɛ ku ɔmantɛ bakɔ ku kɔgba kɔni baabala-ma eti leevu ku bebuo ala betine eti leevu ku kabla bablane pii badi. Na ɔdi unengu geen na bekyuli bani nkya ɔƒɛ katukɔ kakɛ mmɔ ƒui akɔ.

Israelƒuɔ Bɔlɛ 15:22

Amu na Mose ɔ́tɔnku Israel bekyuli bammɔ ɔsiku Ɛpugyie kɔtu mmɔ útédu ketele kani baalɔ banii Sur kemmo. Na bésie lɛgba emeyi atɛ sɔɔn na ketele kemmo. Nsu bátasiaku ntu bɔdi.

Yosua 6:21

Na bákpa bana kuwii na bádu ukyuli biala, banana ku beleku, banamu ku benengu. Na bádu bana ɔmantɛ bakɔ ku baƒonu ku bebuo ala betine beblidi ƒui na énwini Unwoti akpala.

Samuel 1 15:3

Anwuɔsu sie na etékpoku-ma na ayila-ma lɛla biala na bebo udu. Tanu ɔdi biala kɔnyana. Banana ku beleku ku banamu ku bebiwɔ ku ɔmantɛ bakɔ ku baƒonu ku bebuo ala betine bani mbo keƒu ku baƒlumu ƒui, na tebu ɔdi tese.’ ”

Samuel 1 15:7

Ɔmmɔ kama ni, Saul úkpoku Amalekƒuɔ ɔ́si ɔma ani baalɔ Hawila útédu Sur na Egyipte ɔƒɛ katukɔ kakɛ.

Samuel 1 15:8

Saul úƒie Amalekƒuɔ Ɔga Agag, nsu útadu-nwu. Mmomu nwuna kadi bekyuli ƒui ama ɔ́du-ma.