Samuel 1 27:12 - Katɔti Ɔku Kedee

¹² Na Ɔga Akis ɔ́ƒɔ Dawid ɔ́di na ɔ́su ɔnini, “Dawid únwini ukisine úte Israelƒuɔ ɔsu ɔdubunwini mina kabla ɔblane uwi ƒui.”

Samuel 1 27:12 ပူးပေါင်းရင်းမြစ်များ

Ala Kalɔ Buse 34:30

Mmɔ na Yakob ɔ́su Simeon ku Lewi ɔnini, “Bíti lɛbibo bonwu bíboku-mi lɛlɔ. Na bíti lɛla libudi bibawɛɛ-mi lɛlɔ. Na ndubo buteenwenyi na Kanaanƒuɔ ku Perisiƒuɔ kadi bekyuli kudɔ na kalɔ kamɛni lɛlɔ. Bɛɛnu ka buuumomo na si básala lɛlɔ na báta kekpo na mina lɛlɔ ni, badubɔyila mina kaduli bekyuli ku ala ƒui udu.”

Samuel 2 10:6

Uwi ɔni na Amonƒuɔ bánu báti ka Dawid ɔ́kɛ kɔnyi geen na lɛla lɛni na bábla nwuna batu ɔsu ni, bésie na bétévo Siriaƒuɔ bekpone mpim aavlanyɔ básiku Bet-Rehob ku Soba lɛma kemmo na básɔ bévo apim unwi básiku Maaka ɔga kudɔ na bévo mpim leevu-inyɔ básiku Tob lɛnɔ kudɔ.

Israelƒuɔ Bɔlɛ 5:21

Mmɔ na batɔnkune bammɔ básu-ma banini, “Unwoti ɔdubɔtɛku-mii litemi! Amii néti-bu bínwini bekyuli bani muuƒí Ƒarao ku nwuna benengu livo yayaaya, na utulo ka bɛ́kya-ma kewii kɔnu ka badu-bu muedi.”

Samuel 1 13:4

Ɔmmɔ ɔsu na Israel lɛma kemmo ƒui ni, bekyuli bammɔ bénu ka Saul ɔ́di Ƒilistiƒuɔ kakɛ kadi lɛlɔ. Na bagyi lɛnɔ ka Ƒilistiƒuɔ beekisi Israelƒuɔ geen. Anwuɔsu bálɔ bekyuli bammɔ ka besie batásiaku Saul na Gilgal.

Samuel 1 27:11

Na Dawid ɔɔdú banana ku beleku bammɔ ƒui, ɔsika ɔ́su lɛlɔ ɔnini, “Bana ɔdi ɔdububo Gat ɔma kemmo ubasu ɔnini, ‘Aanu lɛni ku lɛni na Dawid ɔ́bla’ si lɛ́ya na ɔdi ulie ngba.” Na lɛni kani na útaabla uwi ɔni ƒui na úti ɔ́kya Ƒilistiƒuɔ kalɔ kemmo na mmɔ.

Samuel 1 28:1

Na uwi ɔmmɔ kemmo ni, Ƒilistiƒuɔ básala bana bekpone ka besie betékpoku Israelƒuɔ. Anwuɔsu Ɔga Akis ɔ́su Dawid ɔnini, “Ɔbla-a nwaa ka ɔdi ka awɔ ku ƒula bekyuli binyeku-bu na bukpoku Israelƒuɔ.”