Samuel 1 27:1 - Katɔti Ɔku Kedee

¹ Ɔmmɔ kama ni, Dawid ɔ́bla kasusu laa na ɔ́su ɔnini, “Ngyi ka emeyi amɛni kemmo kani ni, Saul ɔdubɔwia-mi kama ulu na ɔdu-mi. Anwuɔsu lɛla lɛbuni lɛni na ɔlɛka lɛbla ndi ka likeli lisie Ƒilistiƒuɔ kalɔ lɛlɔ. Na Saul ɔdubunwini kasusu na ɔda-mi bɔwia taavi ɔya na Israel kalɔ ƒui lɛlɔ, na lɛlɛ-nwu enu kemmo.”

Samuel 1 27:1 ပူးပေါင်းရင်းမြစ်များ

Baga 1 12:26

Ɔmmɔ kama ni, Yerobeam úti kasusu na ɔ́su lɛlɔ ɔnini, “Ɔƒɛni kalɛ lɛgadi lɛmɛni lɛdubɔkana na lɛsɔ linwini lisie Dawid kaduli si ńtanu kaduɛ.

Baga 1 12:28

Na ka ɔ́wia bekyuli kasusu únu ni, ɔga ɔmmɔ úti sika ugyiedi ɔ́bla bakɔ bebi inyɔ. Na ɔ́su bekyuli bammɔ ɔnini, “Yerusalem busie teesie taatábla akpala ɔdubuduoku-mii lɛlɔ bɔvili. Ɔmmɔ ɔsu ni, O Israel, bɛɛnu bina benwoti bani nákpanku-mii bálɛku Egyipte kalɔ lɛlɔ.”

Baga 1 19:3

Ɔmmɔ ɔsu ka Elia únu kenye kammɔ ni, liƒu lɛ́da-nwu na úkeli ku nwuna kabla ɔblane kalɛ na balákɛ-nwu baládu. Na ka bédu Beer-Seba na Yuda kalɔ kemmo ni, ɔ́da-nwu ɔ́kya mmɔ,

Ala Alɛdi 2 25:17

Yudaƒuɔ Ɔga Amasia ku nwuna bakutine benengu bábla kelisa na ɔ́kya Israelƒuɔ Ɔga Yehoas ɔni ndi Yehu ubidi ɔnanabi ɔtu ɔnini, “Klibi lɛlɔ na ebo na ami ku-ɔ bɔsa anumi ku anumi na kekpokɔ!”

Kɔgya 116:11

Ina uwi ɔni na kayi kaakpulu-mi na ɔ́bla-mi dɛye dɛye ni, lɛ́su nnini, “Ɔkɔ banyine kani na bekyuli ƒui badi.”

Kɔgya 55:7

Ndubusie na ntélie kalɔ kakwiidi kemmo na ɔgyu kakaaka.

Israelƒuɔ Bɔlɛ 14:12

Bútasu-ɔ na Egyipte ƒui bɔnini, ‘Nyonu-bu kpoo na bunye butaabla kabla teete Egyipteƒuɔ’? Ɔdia-bu ka bunye butaabla kabla teete-ma utulo ka bubekpi na ketele kemmo mɛni!”

Agba 13:12

Si ukyuli ɔ́yila lɛnunsia ni, kayi keekpóku-nwu. Nsu si ƒula ala ani na eegyé kɔna taanu aasia-a ni, eenú ngba emini na lɛlɔ lɛnɔ lɛɛyɔ́-ɔ.

Yesaia 51:12

“Ami ndi Unwoti ɔni nése-mii kayi Na bi na bekyuli keeke badi? Bekyuli bani nse aani livo lɛni mɔɔyɛyɛ na ɔlɛka bitaayia-ma?

Bumomo Bɔka 14:3

Na bi ɔsu na Unwoti úti-bu úboku kalɔ kamɛni kemmo na bubekpi na kewii kenye? Bula bekisine badubo bula beleku ku bebi buƒie bɔtɔlɔku. Ɔɔɔdia-bu uuutulo ka bɔsɔ bunwini buteesie Egyipte mmomu?”

Mateo 14:31

Kɔnakunwi Yesu únine kɔnu ɔ́da-nwu na ɔ́su-nwu ɔnini, “Ƒula bɔƒɔtaadi na mina lɛlɔ bútedu! Bi ɔsu na ƒula kasusu kaabla inyɔ inyɔ?”

Marko 4:40

Amu na Yesu uuye nwuna batɛyane ɔnini, “Bi ɔsu na bibo liƒu lɛni? Bitakɛ tɔ bɔƒɔtaadi?”

Korintoƒuɔ 2 7:5

Ka búbeduo Makedonia muedi ni, bútakɛ bɔnwuna bɔdi. Mmomu ɔgbankpi sɔɔn na bekyuli bada baasiaku-bu kesii biala. Na bekyuli beekpóku-bu na liƒu lɛkya-bu lɛlɔ kemmo.

Samuel 1 16:1

Na uwi ɔmmɔ kemmo ni, Unwoti úye Samuel ɔnini, “Uwi ɛlɛ na adubo bulie buteewulo kɔnyana na Saul lɛlɔ butálɛ? Líni nnii ɔsɔ utadi lɛga na Israel. Ta na eyile ƒula lise ku nnɔmii na ayu ulu eteesie Betlehem ɔma kemmo na ɔnana ɔni baalɔ banii Yisai kesii. Nwuna bebi akɔ na lɛ́ɛƒuna ukyuli ɔni madi mina ɔga líse.”

Samuel 1 16:13

Amu na Samuel úwilimi nnɔmii bɔmmɔ úwi Dawid lili na nwuna banwani anumi. Na uwi ɔmmɔ kemmo kani na Katɔti Kɔyu kúbo na kɔ́ƒɔ Dawid lɛlɔ kemmo ƒui ku ɔyikun. Na Samuel lɛnɔ únwini úsie Rama.

Samuel 1 20:3

Nsu Dawid ɔ́su ɔnini, “Litemi lɛmmɔ lɛkya-nwu kemmo sɔsɔ. Ƒ'ɔti ɔgyi nwaa ka ami ku-ɔ bɔdi bakpana kpakplaa. Anwuɔsu ulasu-ɔ ka ɔɔwia-mi ɔdu, ɔsika ɔmmɔ ɔdubo-ɔ bukpoku geen. Mɔɔsu-ɔ na Katɔti ɔni nli ngba lɛnyi kemmo ka mina ngba bɔkya ɔgbankpi kemmo, ɔsika ƒ'ɔti ɔɔwia ka ɔdu-mi.”

Samuel 1 22:5

Nsu Katɔti Kenye Udiene Gad ɔ́su Dawid ɔnini, “Tasɔ telie kabɛkɔ kpakplaa kamɛni kemmo, mmomu tɔlɔ teesie Yuda kalɔ lɛlɔ.” Anwuɔsu Dawid ɔ́tɔlɔ mmɔ na útélie lɛku lɛdi kemmo na kesii kani nde ɔma ɔni baalɔ Heret.

Samuel 1 23:17

Ɔ́su-nwu ɔnini, “Tayia, mina ɔti Saul kɔnu kulétuku-ɔ. Geen ni, awɔ ndubo ebenwini Israelƒuɔ ɔga na ami ndubɔbla ƒula ubunkune. Na mina ɔti muedi ɔgyi ɔmɛni lɛni.”

Samuel 1 25:30

Na si Unwoti ɔ́bla kenye kani na úse awɔ mina Ati úte-ɔ na ɔ́bla-a Israel lɛlɔ ɔdine ni,

Samuel 1 26:19

Buvele kemmo, nu lɛla lɛni ndubo-ɔ bɔsu. Si Unwoti náya na asiaku-mi eekpóku-mi lɛni ni, ndubuvele-nwu na lɛbla akpala lite-nwu na ɔdubunwini kasusu. Na si bekyuli muudí-ɔ taakya-mi ɔsu na asiaku-mi lɛni ni, Unwoti ɔdubuwida-ma. Ɔsika bana ablala nábɔku-mi álɛku Unwoti kalɔ kemmo na banii ntátaakpa kalɔ bamba baƒiɔ.

Samuel 1 29:2

Ƒilistiƒuɔ bamɛni báta bakɛ ku bana agyina besiene na kekpo esu esu udu kemmo. Badi eti anyɔ anyɔ, badi lɛnɔ apim apim. Na Dawid ku nwuna bekyuli lɛnɔ basiaku Ɔga Akis na kama kama.

Samuel 1 29:3

Nsu Ƒilistiƒuɔ kekpo batɔnkune béye Ɔga Akis banini, “Bi na Hebriƒuɔ bamɛni baawia-bu akɔ mɛni?” Amu na Akis údie kenye ɔnini, “Dawid ku nwuna bekyuli na badi. Na nka Israelƒuɔ Ɔga Saul bekpone ɔtɔnkune na ɔdi. Na ɔ́ɔkya-mi kudɔ mɛni utulo lɛkwa. Na ɔ́si ɔni na ɔ́tɔlɔ Saul kudɔ úbedu ku ɔƒaani ni, ńtanu likpidi lɛdi na nwuna lɛlɔ.”