Samuel 1 26:8 - Katɔti Ɔku Kedee

⁸ Amu na Abisai ɔ́tɛmiku Dawid ɔnini, “Uwi ɔmɛni kemmo na Unwoti údie ƒula ukisine ɔbuli ɔ́kya-a enu kemmo. Ndubuti anwu ɔlati lɛtula na lɛkana-nwu lili lɛlɛ kalɔ kunwi kani na ɔɔɔdi kunyɔ.”

Samuel 1 26:8 ပူးပေါင်းရင်းမြစ်များ

Samuel 2 16:9

Amu na Abisai ɔni ndi Seruia ubidi ɔ́su Ɔga Dawid ɔnini, “Bi ɔsu na akpewe ukpine ɔmɛni uteewida mina ati ku ɔga lɛni? Bite-mi kuƒi na ntámɛnɛ-nwu lili lɛti-mi.”

Kɔgya 31:8

Átanyonu-mi átakya mina bekisine enu kemmo, mmomu édie-mi bana ntɛ étényene kalɔ ƒiaa lɛlɔ na lɛ́kɛ bɔnwuna.

Yeremia 40:15

Anwuɔsu Yohanan ɔ́bɛ úbo Gedalia kudɔ na ɔ́su-nwu ɔnini, “Ya na lɛdu Ismael lɛbɛla na ukyuli ɔdi ɔɔɔdubo bɔti ukyuli ɔni nádu-nwu. Ɔsika nkyuli ɛlɛɛ bani nébu na Yuda kalɔ lɛlɔ mɛni beeemomo na ƒula lɛlɔ kani na bana lɛlɔ bɔnu bɔsia. Na si banii bádu-ɔ ɔƒɛni ni, badubo-ma bɔbɔku bugyingya ƒui iye badu-ma muedi.”

Nahum 1:9

Anwuɔsu kayi katatɔlɔ ɔdi na anwu ku ɔdi babla kasusu kekpidi na Unwoti lɛlɔ, ɔsika Unwoti uléti kɔnyi taaní bekyuli kɔtu na bakali banii basɔ bebo ngba bɔdi!

Romaƒuɔ 11:32

Katɔti ɔ́nyonu bekyuli ƒui, na bana atuɔkplu ábala-ma aani batɔntɛne kalɛ na ɔnu bana ƒui kɔnyana.

Lɛkpa Ulu 32:30

Bi mɔɔlɛ́ ɔsu na ukpone ukisine unwi pɛ ɔ́bi ɔ́siaku Israelƒuɔ bekpone apim? Na bekisine bekpone inyɔ bábi básiaku Israelƒuɔ bekpone mpim leevu?

Yosua 21:44

Na Unwoti ɔ́ya na bákɛ atu bɔyɔ na kalɔ kammɔ ƒui kemmo aani kalɛ na ɔ́su bana bati kuuku úse. Na bana bekisine ƒui bátakana na bénye basiaku-ma. Ɔsika Unwoti ɔlati nékpo úte Israelƒuɔ.

Litemi Batɛne 1:4

Uwi ɔni na Yuda kɔdua bekyuli básala lisu na bétékpoku Kanaanƒuɔ ku Perisiƒuɔ ni, Unwoti ɔ́ya na bádi-ma lɛlɔ, na bádu bana bekyuli mpim leevu (10,000) na Besek ɔma mmɔ.

Samuel 1 23:14

Dawid ɔ́kya kɔbɛkɔ na Siƒ kalɔ kakwiidi kemmo na abi lɛlɔ. Na uwi ɔmmɔ ƒui ni, na Saul ɔ́kɛ útaawia-nwu, nsu Katɔti úteti Dawid útakya Saul enu kemmo.

Samuel 1 24:4

Amu na Dawid bekyuli bammɔ básu-nwu buɛɛ banini, “Limeyi lɛmɛni geen ndi limeyi lɛni lɛlɔ na Unwoti ɔ́su lɛla lɛdi úse, ɔni na ɔ́su-ɔ ɔnini, ‘Ndubuti ƒula ukisine lɛkya-a enu kemmo na esusu-nwu kalɛ na aayɔ́.’ ” Amu na Dawid ɔ́kpɛ buɛɛ na útékulo Saul awu gyɔlɔɔ ɔni na ɔkya kɔtu, na Saul útati.

Samuel 1 24:5

Kama ƒui ni, Dawid kayi kékpoku-nwu na kalɛ na úkulo-nwu awu kɔtu ɔsu.

Samuel 1 26:23

Unwoti úti-ɔ ɔ́kya-mi enu kemmo ɔmwi na nka lɛdu-ɔ, nsu nwuna ɔga ɔƒunadi na adi. Anwuɔsu ami lɛɛɛdubo-ɔ lɛla lɛdi bɔbla. Unwoti ɔlati mɔɔƒɔ kayu buni teete bekyuli bani mɔɔdi nwuna litemi lɛlɔ ulu lɛlɔ na baasiaku-nwu kama siin.

Samuel 1 26:7

Anwuɔsu usien ɔmmɔ kani ni, Dawid ku Abisai bákpɛ buɛɛ na bésie kesii kani na Saul ku nwuna badi batɛ baalɛɛ. Na ɔ́pima nwuna lɛtula ɔ́lɛ kalɔ na ude nwuna eli kakɛ. Na Abner ku bekpone bakladi batɛ bámana-ma na béduo lɛlɛɛ kemmo bésie ɔgyu geen.

Samuel 1 26:9

Nsu Dawid ɔ́su Abisai ɔnini, “Tadu-nwu! Ɔsika ukyuli biala madu ɔga ɔni na Unwoti ɔlati ɔ́ƒuna ni, Unwoti ɔmmɔ ɔdubo-nwu kɔtu bɔni.”