Samuel 1 26:18 - Katɔti Ɔku Kedee

¹⁸ Bi ɔsu na awɔ mina ati asiaku ami ƒula kabla ɔblane lɛni? Líbile lɛla lɛdi, munuu likpidi linengudi lɛmani na lɛ́bla?

Samuel 1 26:18 ပူးပေါင်းရင်းမြစ်များ

Kɔgya 119:161

Bagadine benye beekpóku-mi uwi biala keeke. Nsu ami ni, ƒula litemi bɔtɛ kani na mɔɔbu taanu mina kayi kemmo.

Kɔgya 35:7

Ńtabla-ma lɛla lɛdi, nsu baabɛ́ taakywɛ-mi kɔkpagyuɛ ka bedie-mi. Na béku libu bonwu bonwu bése-mi ka lɛnu liduo-ni kemmo.

Kɔgya 69:4

Na mina bekisine bani muukisi-mi keeke bemomo betulo mina lili linwini. Na bani mɔɔwia-mi ngba bayila lɛnɔ bebo ɔkplu, na ɔkɔ ala sɔɔn na baasu taasiku-mi lɛlɔ. Na béƒie-mi ala ani na ɔɔɔdi buyu na líyu-nya baƒɔ-mi kudɔ.

Yeremia 37:18

Ɔmmɔ kama ni, líye-nwu nnini, “Ɔga ɔbune, bi na lɛ́bla ɔsu na áya na bákya-mi ɔtɔ? Bɔbla na lɛ́bla likpidi bonwu lɛdi lɛ́ta línye-ɔ lɛlɔ iye ƒula benengu bammɔ ɔdi lɛlɔ iye kalɔ kammɔ ɔda bubo bɔdi lɛlɔ?

Yohane 10:32

Amu na Yesu úye-ma ɔnini, “Lɛ́bla kabla kabuni pii na bina akɔ, na amii alati bɛ́nu na adi kabla kani na Ati úti ɔ́kya-mi enu kemmo ka mbabla. Na ala amɛni akɔ ɔmani lili ɔsu na bɛɛwia ka bibo-mi atabi?”

Yohane 18:23

Amu na Yesu úye-nwu ɔnini, “Si lɛ́su lɛla lɛni naaadia ni, su ukyuli biala na mɛni lɛla lɛmmɔ. Na si ńtasu lɛla likpidi lɛdi bɔdi ni, bi ɔsu na ébo-mi kɔnu ɔtugya?”

Yohane 8:46

Bina akɔ ɔmani na madu-mi likpidi lɛdi kɔtɔ? Si mɔɔsu-mii litemi geen ni, bi ɔsu na bilaƒɔ-mi taadi.

Samuel 1 17:29

Mmɔ Dawid údie ɔnwani kenye ɔnini, “Bi na lɛ́ɛbla ɔƒɛni? Naaakana lɛla lɛdi lɛnɔ buye bunu?”

Samuel 1 20:1

Amu na Dawid úkeli ɔ́si Naiot na Rama kalɔ lɛlɔ mmɔ úsie Yonatan kudɔ. Na útéye-nwu ɔnini, “Bi lɛ́bla iye bɔƒiɔ bɔmadi udu na lɛ́ƒiɔ iye likpidi lɛmani na lɛ́bla ɔsu na ƒ'ɔti ɔsiaku-mi ɔɔwia-mi ɔdu?”

Samuel 1 24:9

Mmɔ na ɔ́su Saul ɔnini, “Bi ɔsu na si bekyuli baatɔ́lɔ-ɔ banii mɔɔwia-a lɛdu ni, na aaƒɔ́-ma taadi?