Samuel 1 24:9 - Katɔti Ɔku Kedee

⁹ Mmɔ na ɔ́su Saul ɔnini, “Bi ɔsu na si bekyuli baatɔ́lɔ-ɔ banii mɔɔwia-a lɛdu ni, na aaƒɔ́-ma taadi?

Samuel 1 24:9 ပူးပေါင်းရင်းမြစ်များ

Kɔgya 101:5

Ukyuli ɔni mɔɔbɛla lɛlɔ taalɔ bekyuli anyikpi ni, ndubɔyila-nwu udu. Na ukyuli ɔni mɔɔtina lɛlɔ na ɔɔkun lɛmɛnɛ ni, lɛɛɛdubo bɔtunaku-nwu.

Kɔgya 141:6

Si uwi ɔni na béƒwimi bana lɛlɔ badine básiku atakpɛ eli bátáva kalɔ ni, uwi ɔmmɔ na bekyuli bammɔ badubɔnu bɔti ka mina etemila adi sɔsɔ.

Agba 16:28

Ukyuli ɔni mɔɔwia ka bekyuli beteekpoku lɛlɔ ni, lɛsɛ ogya na ɔɔkya bekyuli akɔ. Na bekyuli anyikpi bɔlɔ ni, uugyingya bakpana babuni muedi ntɛ.

Agba 17:4

Alaekpidi bablane ni, likyulikpi atɛ na beesé atu teenu. Na ɔkɔ banyine ni, beesé atu teenu atɛ ani muubile ala.

Agba 18:8

Ɔkɔ etemila ani nse aani lɛna wɛlɛ wɛlɛ ebo emini na anya mɔɔyu teduo ukyuli kayi kemmo.

Agba 25:23

Kalɛ na ɔƒɛƒɛɛ ɔni muukpó taasi katɔ taayu uuboku ɔnantu ni, lɛni kani na katɛ ɔtɛne keeke ɔɔkya ukyuli kɔnyi.

Agba 26:28

Unyemi ɔni mɔɔnyi ɔkɔ taasia ukyuli ni, uláwia ukyuli ɔmmɔ bɔdia. Na katɔlɔ kaadú ukyuli.

Agba 29:12

Si lɛlɔ ɔdine ɔdi ɔɔbu ɔkɔ banyine ni, nwuna kasusu bakyane ƒui badubunwini belikplune.

Yeremia 37:18

Ɔmmɔ kama ni, líye-nwu nnini, “Ɔga ɔbune, bi na lɛ́bla ɔsu na áya na bákya-mi ɔtɔ? Bɔbla na lɛ́bla likpidi bonwu lɛdi lɛ́ta línye-ɔ lɛlɔ iye ƒula benengu bammɔ ɔdi lɛlɔ iye kalɔ kammɔ ɔda bubo bɔdi lɛlɔ?

Lewiƒuɔ Ɔda Bubo 19:16

“ ‘Bitataalɔ bina bakpana anyikpi taavi. “ ‘Na ɔdi utabla lɛla lɛni maya na nwuna ɔkpanadi ngba buduo ɔgbankpi kemmo. Ami ndi Unwoti.

Yakobo 3:6

Lɛni kani na unyemi use aani ogya kalɛ. Use aani kayawi kani na alaekpidi áƒɔ-ka ƒui. Na ɔkya-bu ɔlɔna kemmo uubile ɔlɔna umodi ɔmmɔ ƒui ku nwuna enyekpi. Ɔɔyila-bu udu na ngba bɔmɛni kemmo. Na nwuna enyekpi ási ukisine ɔmmɔ ɔyikun kemmo na ɔdubuti ɔkyula kayawi kamɛni ku kana ala ƒui.

Samuel 1 20:1

Amu na Dawid úkeli ɔ́si Naiot na Rama kalɔ lɛlɔ mmɔ úsie Yonatan kudɔ. Na útéye-nwu ɔnini, “Bi lɛ́bla iye bɔƒiɔ bɔmadi udu na lɛ́ƒiɔ iye likpidi lɛmani na lɛ́bla ɔsu na ƒ'ɔti ɔsiaku-mi ɔɔwia-mi ɔdu?”

Samuel 1 20:41

Ka ɔnamu ɔmmɔ ɔ́tɔlɔ ni, Dawid ɔ́lɛ ɔ́si nwuna kabɛkɔ mmɔ úbasiaku Yonatan. Úbo kalɔ buɛɛ na ɔ́kya-nwu lili kalɔ kɔtɛ. Ɔmmɔ kama bátu báda lɛlɔ na bákya lɛlɔ kɔgbu na bana ƒui béwulo. Nsu Dawid úwulo útulo.

Samuel 1 24:10

Ɔmwi limeyi lɛmɛni lɛlɔ ni, awɔ ɔlati ánu ku ƒula anumi nwaa ka nka Unwoti úti-ɔ ɔ́kya-mi enu kemmo na lɛtabi ubu ɔmmɔ kemmo. Na mina bekpone badi bénye-mi lɛlɔ banii ndu-ɔ, nsu líni na lɛ́su-ma nnii lɛɛɛdubo mina kɔnu bɔtala bɔbla awɔ mina ati lɛla lɛdi, ɔsika Unwoti ukyuli ɔni na úse likpo na adi.

Samuel 1 24:8

Amu na Dawid lɛnɔ ɔ́lɛ lɛtabi ubu ɔmmɔ kemmo na ɔ́kpali úmene ɔnini, “Ati, mina Ɔga Ɔbune!” Kɔnakunwi Saul únwini ɔ́nu kama na ɔ́nu ka Dawid úboku lili kalɔ úte-nwu.

Samuel 1 26:18

Bi ɔsu na awɔ mina ati asiaku ami ƒula kabla ɔblane lɛni? Líbile lɛla lɛdi, munuu likpidi linengudi lɛmani na lɛ́bla?

Samuel 1 26:19

Buvele kemmo, nu lɛla lɛni ndubo-ɔ bɔsu. Si Unwoti náya na asiaku-mi eekpóku-mi lɛni ni, ndubuvele-nwu na lɛbla akpala lite-nwu na ɔdubunwini kasusu. Na si bekyuli muudí-ɔ taakya-mi ɔsu na asiaku-mi lɛni ni, Unwoti ɔdubuwida-ma. Ɔsika bana ablala nábɔku-mi álɛku Unwoti kalɔ kemmo na banii ntátaakpa kalɔ bamba baƒiɔ.