Samuel 1 24:4 - Katɔti Ɔku Kedee

⁴ Amu na Dawid bekyuli bammɔ básu-nwu buɛɛ banini, “Limeyi lɛmɛni geen ndi limeyi lɛni lɛlɔ na Unwoti ɔ́su lɛla lɛdi úse, ɔni na ɔ́su-ɔ ɔnini, ‘Ndubuti ƒula ukisine lɛkya-a enu kemmo na esusu-nwu kalɛ na aayɔ́.’ ” Amu na Dawid ɔ́kpɛ buɛɛ na útékulo Saul awu gyɔlɔɔ ɔni na ɔkya kɔtu, na Saul útati.

Samuel 1 24:4 ပူးပေါင်းရင်းမြစ်များ

Samuel 2 4:8

Na béti Is-Boset kuli kɔmmɔ béboku Dawid na Hebron na básu-nwu banini, “Ɔga ɔbune, aanu Is-Boset ƒula ukisine Saul ubidi lili na búkulo búboku mɛni. Ukyuli ɔmɛni náwia ka ɔdu-ɔ. Na ɔmwi ni, Unwoti ɔ́ya na búdie Saul ku nwuna kaƒɔ ubi kasi búte-ɔ.”

Hiob 31:31

Na ńteni mina kaduli bekyuli ku kabla bablane ɔdi adila ku lɛna bute kudii.

Kɔgya 142:1

Líwulo keku lɛ́kya mina Unwoti. Na lɛ́talaku mina lɛdi katɔ lívele-nwu ka ɔnu-mi kɔnyana.

Kɔgya 57:1

Nu-mi kɔnyana, O Katɔti, nu-mi kɔnyana, ɔsika awɔ na líkeli lɛ́tamiku. Na ƒula avwi ɔyuli kalɔ na ndubɔkɛ kabɛkɔ úti útédu uwi ɔni na ɔgbankpi kpakplaa ɔni mɔɔlɛ́ mmɔ kenye kadubɔvi.

Israelƒuɔ Bɔlɛ 21:13

Nsu si útati asa na ɔ́du-nwu, na Katɔti bɔyɔ na bɔdi ni, ubo kuƒi ka ukeli usie kesii kani ndubo-mii bɔtina. Na si úkeli úsie mmɔ ni, batadu-nwu.

Samuel 1 22:1

Na ɔmmɔ ɔsu ni, Dawid ɔ́kɛ kuƒi na úkeli ɔ́tɔlɔ Gat ɔma bonwu ɔmmɔ kemmo. Na útábɛ na lɛtabi ubu ɔdi kemmo na kesii kani baalɔ Adulam. Amu ka nwuna kaduli bekyuli ku nwuna banwani bénu kesii kani na ɔkya ni, bésie bátáwia-nwu banu na mmɔ.

Samuel 1 23:17

Ɔ́su-nwu ɔnini, “Tayia, mina ɔti Saul kɔnu kulétuku-ɔ. Geen ni, awɔ ndubo ebenwini Israelƒuɔ ɔga na ami ndubɔbla ƒula ubunkune. Na mina ɔti muedi ɔgyi ɔmɛni lɛni.”

Samuel 1 23:7

Na uwi ɔmmɔ kemmo ni, Saul únu ka Dawid ɔkya Keila ɔma kemmo. Mmɔ na ɔ́su lɛlɔ ɔnini, “Katɔti úti Dawid ɔ́kya-mi enu kemmo ɔƒɛni amu. Ɔsika Dawid ɔlati ɔ́kya lɛlɔ ɔban kemmo uwi ɔni na úduo ɔma ɔni na bátu awoduku bámana na ubo ɔban kayakun ku abuala ɔsu.”

Samuel 1 24:10

Ɔmwi limeyi lɛmɛni lɛlɔ ni, awɔ ɔlati ánu ku ƒula anumi nwaa ka nka Unwoti úti-ɔ ɔ́kya-mi enu kemmo na lɛtabi ubu ɔmmɔ kemmo. Na mina bekpone badi bénye-mi lɛlɔ banii ndu-ɔ, nsu líni na lɛ́su-ma nnii lɛɛɛdubo mina kɔnu bɔtala bɔbla awɔ mina ati lɛla lɛdi, ɔsika Unwoti ukyuli ɔni na úse likpo na adi.

Samuel 1 24:18

Ɔmwi ni, ásu-mi lɛbuni lɛni na ábla-mi. Unwoti úti-mi ɔ́kya-a enu kemmo, nsu átadu-mi.

Samuel 1 26:23

Unwoti úti-ɔ ɔ́kya-mi enu kemmo ɔmwi na nka lɛdu-ɔ, nsu nwuna ɔga ɔƒunadi na adi. Anwuɔsu ami lɛɛɛdubo-ɔ lɛla lɛdi bɔbla. Unwoti ɔlati mɔɔƒɔ kayu buni teete bekyuli bani mɔɔdi nwuna litemi lɛlɔ ulu lɛlɔ na baasiaku-nwu kama siin.