Samuel 1 24:18 - Katɔti Ɔku Kedee

¹⁸ Ɔmwi ni, ásu-mi lɛbuni lɛni na ábla-mi. Unwoti úti-mi ɔ́kya-a enu kemmo, nsu átadu-mi.

Samuel 1 24:18 ပူးပေါင်းရင်းမြစ်များ

Ala Kalɔ Buse 38:26

Yuda ɔ́nu ala ammɔ ɔ́ti na ɔ́su ɔnini, “Uleku ɔmɛni use siin utulo ami ɔlati, ɔsika ami néteti-nwu ńtete mina ubi Sela na uti.” Na ɔmmɔ kama ni, anwu ku uleku ɔmmɔ básɔ bétesie lɛlɔ kudɔ.

Kɔgya 31:8

Átanyonu-mi átakya mina bekisine enu kemmo, mmomu édie-mi bana ntɛ étényene kalɔ ƒiaa lɛlɔ na lɛ́kɛ bɔnwuna.

Kɔgya 7:5

Na si lɛ́bla ala amɛni adi ni, na aya na mina bekisine babi basiaku-mi na beƒie-mi, na banya-mi badu bava kalɔ.

Agba 25:22

Ɔsika si ábla lɛni ni, édie ogya ku agyabi éwi-nwu lili. Na Unwoti ɔdubɔƒɔ-ɔ kayu.

Samuel 1 23:12

Dawid ɔ́sɔ úye Katɔti ɔnini, “Keila kadi bekyuli badubuti ami ku mina bekyuli bakya Saul enu kemmo?” Amu na Katɔti ɔnini, “Ɛɛn.”

Samuel 1 23:7

Na uwi ɔmmɔ kemmo ni, Saul únu ka Dawid ɔkya Keila ɔma kemmo. Mmɔ na ɔ́su lɛlɔ ɔnini, “Katɔti úti Dawid ɔ́kya-mi enu kemmo ɔƒɛni amu. Ɔsika Dawid ɔlati ɔ́kya lɛlɔ ɔban kemmo uwi ɔni na úduo ɔma ɔni na bátu awoduku bámana na ubo ɔban kayakun ku abuala ɔsu.”

Samuel 1 24:10

Ɔmwi limeyi lɛmɛni lɛlɔ ni, awɔ ɔlati ánu ku ƒula anumi nwaa ka nka Unwoti úti-ɔ ɔ́kya-mi enu kemmo na lɛtabi ubu ɔmmɔ kemmo. Na mina bekpone badi bénye-mi lɛlɔ banii ndu-ɔ, nsu líni na lɛ́su-ma nnii lɛɛɛdubo mina kɔnu bɔtala bɔbla awɔ mina ati lɛla lɛdi, ɔsika Unwoti ukyuli ɔni na úse likpo na adi.

Samuel 1 24:19

Ɔsika ńtenu dii ka ukyuli ɔkɛ nwuna ukisine na ulu ɔmɛni lɛlɔ na ɔnyonu-nwu na ɔtɔlɔ kudii. Unwoti ute-ɔ kusɛ kusɛ na lɛla lɛni na ábla éte-mi ɔmwi mɛni ɔsu.

Samuel 1 26:23

Unwoti úti-ɔ ɔ́kya-mi enu kemmo ɔmwi na nka lɛdu-ɔ, nsu nwuna ɔga ɔƒunadi na adi. Anwuɔsu ami lɛɛɛdubo-ɔ lɛla lɛdi bɔbla. Unwoti ɔlati mɔɔƒɔ kayu buni teete bekyuli bani mɔɔdi nwuna litemi lɛlɔ ulu lɛlɔ na baasiaku-nwu kama siin.

Samuel 1 26:8

Amu na Abisai ɔ́tɛmiku Dawid ɔnini, “Uwi ɔmɛni kemmo na Unwoti údie ƒula ukisine ɔbuli ɔ́kya-a enu kemmo. Ndubuti anwu ɔlati lɛtula na lɛkana-nwu lili lɛlɛ kalɔ kunwi kani na ɔɔɔdi kunyɔ.”