Samuel 1 24:12 - Katɔti Ɔku Kedee

¹² Muuvele Unwoti ka ɔtɛ litemi lɛmɛni na ami ku-ɔ ntɛ, na anwu ndubo-ɔ kayu bɔƒɔ na ala ani na aabla-mi kenye. Ɔɔɔdi ami ndubo mina kɔnu budie butuku-ɔ.

Samuel 1 24:12 ပူးပေါင်းရင်းမြစ်များ

Ala Kalɔ Buse 16:5

Mmɔ ni, Sarai ɔ́su Abram ɔnini, “Ukyuli tabu ala ani na Hagar ɔɔbla-mi ni, awɔ na lɛ́si. Ami néti mina kaduli kabla ɔblane ulekubi líte-ɔ. Na ka ɔ́nu ɔ́ti ka ɔ́ɔda kaƒɔ ɔsu ni, ɔsɔ ulábu-mi. Unwoti kani ndubuye litemi lɛmɛni na ami ku awɔ ntɛ.”

Ala Kalɔ Buse 31:53

Muuvele Abraham Unwoti Katɔti ku Nahor Unwoti Katɔti ɔni ndi bana bati Unwoti Katɔti ka ɔtɛ litemi biala nkya ami ku-ɔ ntɛ.” Ka ɔ́wɔlɔ ni, Yakob ɔ́kpali Katɔti ɔni na Isak ɔɔbu geen úse kenye kadi.

Samuel 2 22:48

Anwu muudie mina bekisine kasi teete-mi. Na anwu mɔɔyá na kadi bamba bekyuli baakya eli kalɔ teete-mi.

Ala Alɛdi 1 12:18

Mmɔ na Katɔti kɔyu kɔ́ƒɔ Amasai bekpone avlaatɛ ɔtɔnkune kemmo na ɔ́su ɔnini, “O Dawid! Bɔdi ƒula badi. O Yisai ubi! Bunye-ɔ kama. Keyi buɛɛ kasiaku-ɔ na kasɔ kasiaku-ɔ! Keyi buɛ kasiaku bekyuli bani muute-ɔ kebunku. Ɔsika ƒula Katɔti ɔdubute-ɔ kebunku.” Anwuɔsu ɔ́ƒɔ-ma úbunku nwuna bekpone lɛlɔ. Na ɔ́bla-ma bekpone batɔnkune.

Hiob 5:8

“Na si ami ndi awɔ ni, nka ndubunwini anumi lɛsia Unwoti lɛlɔ mmomu. Na lɛda mina litemi lɛva-nwu anumi.

Kɔgya 35:1

Unwoti, muuvele-ɔ geen nnii bekyuli bani muunye teetile-mi ni, awɔ lɛnɔ nye tile-ma. Na bani nsiaku-mi muukpóku-mi ni, awɔ lɛnɔ kpoku-ma.

Kɔgya 43:1

Unwoti Katɔti, tɛ ami ku kadi kani bekyuli naaagyi-ɔ mɛni ntɛ litemi na ete-mi ubo. Na edie-mi alɛku ɔkɔ banyine ku balalane bamɛni akɔ.

Kɔgya 94:1

O Unwoti Katɔti, awɔ ani muudie alaekpidi bablane kasi, ta na ani-ma kɔtu.

Romaƒuɔ 12:19

Banwa, bitedie ukyuli likpidi kasi kudii, mmomu bite Katɔti kuƒi na ɔbla nwuna kɔnyi kabla na ukyuli ɔmmɔ lɛlɔ. Ɔsika ni, Katɔti ɔ́su na Bunweni Kedee Ɔku kemmo ɔnini, “Ami Unwoti muudie kasi, na ami ndubɔƒɔ kayu.”

Petro 1 2:23

Bédumi-nwu, nsu anwu útedumi ɔdi. Úbo abi, nsu útewida nwuna bekisine. Mmomu úti lɛla biala úte Katɔti ɔni mɔɔtɛ litemi na ulu lɛlɔ.

Budie Taatina 6:10

Ayu amɛni áva ku lɛdi momoomo anini, “Blɔti, ala ƒui lɛlɔ ɔdine, awɔ nse kedee na ƒula etemila lɛnɔ adi litemi geen. Uwi ɛlɛ sɔɔn na adubunye etédu asa na bekyuli bani nádu-bu na kalɔ kamɛni lɛlɔ ni, atɛku-ma litemi na ani-ma kɔtu?”

Litemi Batɛne 11:27

Na ɔɔɔdi ami náƒiɔ-mii, mmomu amii náƒiɔ-mi. Ɔsika bɛɛbla kasusu ka bibekpoku-mi. Anwuɔsu bɛya na Unwoti ɔni ndi litemi ɔtɛne geen ɔtɛ litemi lɛni nkya Israelƒuɔ ku Amonƒuɔ ntɛ.”

Samuel 1 20:1

Amu na Dawid úkeli ɔ́si Naiot na Rama kalɔ lɛlɔ mmɔ úsie Yonatan kudɔ. Na útéye-nwu ɔnini, “Bi lɛ́bla iye bɔƒiɔ bɔmadi udu na lɛ́ƒiɔ iye likpidi lɛmani na lɛ́bla ɔsu na ƒ'ɔti ɔsiaku-mi ɔɔwia-mi ɔdu?”

Samuel 1 24:15

Unwoti kani ndi bula litemi ɔtɛne, na anwu ndubo litemi lɛmmɔ bukulo na ami ku-ɔ ntɛ. Anwu mɔɔnu mina lɛbibo na ɔdubute-mi ubo na udie-mi na ƒula enu kemmo.”

Samuel 1 26:23

Unwoti úti-ɔ ɔ́kya-mi enu kemmo ɔmwi na nka lɛdu-ɔ, nsu nwuna ɔga ɔƒunadi na adi. Anwuɔsu ami lɛɛɛdubo-ɔ lɛla lɛdi bɔbla. Unwoti ɔlati mɔɔƒɔ kayu buni teete bekyuli bani mɔɔdi nwuna litemi lɛlɔ ulu lɛlɔ na baasiaku-nwu kama siin.